The Terminal Movie Malayalam Review

– ദ  ടെർമിനൽ –

മാസങ്ങളോളം എയർപോർട്ടിനകത്തു പെട്ടുപോയ ഒരാളുടെ കഥ

Movie:- ᴛʜᴇ ᴛᴇʀᴍɪɴᴀʟ (2004)
Language:- English
Genre:- ᴅʀᴀᴍᴀ/ʀᴏᴍᴀɴᴄᴇ
Direction:- Steven Spielberg
Duration:- 2ʜ 8ᴍ

സ്റ്റീവൻ സ്പീൽബർഗിന്റെ മറ്റൊരു വിസ്മയ ചിത്രം 👌

ടോം ഹാങ്ക്‌സിന്റെ വിക്റ്റർ നവോസ്കിയെന്ന കഥാപാത്രം അദ്ദേഹത്തിന്റെ രാജ്യമായ ക്രകോഷ്യയിൽ നിന്നും അമേരിക്കയിൽ എത്തുന്നതാണ് കഥ. താൻ അമേരിക്കയിൽ എത്തിയതിനുശേഷം ക്രകോഷ്യയിൽ ആഭ്യന്തരകലാപം ഉണ്ടാകുന്നു. അതുകൊണ്ടുതന്നെ അമേരിക്ക ഇദ്ദേഹത്തെ സ്വീകരിക്കാൻ വിസമ്മതിക്കുകയും തിരിച്ചു ചെല്ലുവാൻ തനിക്ക് ഒരു രാജ്യം ഇല്ലാതാവുകയും ചെയ്യുന്നതാണ് കഥാപ്രമേയം. അങ്ങനെ ഒൻപത് മാസം അമേരിക്കൻ എയർപോർട്ടിലെ ടെർമിനലിൽ ഒരു അഭയാർത്ഥിയായിട്ട് കഴിയേണ്ടി വരുന്നു. കടുത്ത ഏകാന്തതയിലും, നിരാശയിലും കടന്നു പോകാമായിരുന്ന തന്റെ ജീവിതത്തെ മുഖത്തെ പുഞ്ചിരി കൊണ്ട് അയാൾ നേരിടുന്നു.

പ്രണയവും, സ്നേഹവും, കരുതലുമൊക്കെ ഒത്തു ചേരുന്നതാണ് ഈ സിനിമ. തന്റെ പിതാവിന് കൊടുത്ത വാഗ്ദാനം നിറവേറ്റാനാണ് അദ്ദേഹം അമേരിക്കയിലേക്ക് വരുന്നത്. നമ്മളൊക്കെ നൽകുന്ന വാക്കിന്റെ വില മനസ്സിലാക്കി തരുന്നുണ്ട് ഈ സിനിമ. തന്റെ രാജ്യത്തോടുള്ള സ്നേഹം പറയാതെ പറഞ്ഞു വയ്ക്കുന്നുണ്ട്. നവോസ്കി കണ്ടുമുട്ടുന്ന വ്യക്തികൾക്കെല്ലാം പ്രത്യാശയുടെ വെളിച്ചമായി മാറുന്നു. ബൾഗേരിയൻ വംശജനായ നായകൻ ഭാഷയുടെ പരിമിതികളെയും മറി കടക്കുന്നു. എയർപോർട്ട് ടെർമിനൽ അദ്ദേഹത്തിന് ഒരു ഭവനമായി മാറി കഴിഞ്ഞു.

കാതറിൻ സേറ്റ ജോൺസിന്റെ അമേലിയ വാറൻ എന്ന കഥാപാത്രവും മികച്ച അഭിനയം കാഴ്ച വയ്ക്കുന്നു. നല്ലൊരു സൗഹൃദത്തിന്റെയും, പ്രണയത്തിന്റെയും കഥ പറഞ്ഞു വയ്ക്കുന്നുണ്ട് “ദ ടെർമിനൽ” എന്ന സിനിമ. സിനിമയുടെ പശ്ചാത്തലം എയർപോർട്ട് ടെർമിനൽ മാത്രമാണ് എന്നുള്ളത് ശ്രദ്ധേയമാണ്. സിനിമ കഴിയുംമുൻപേ പ്രത്യാശയുടെ നുറുങ്ങുവെട്ടം നമ്മെയും പൊതിഞ്ഞിരിക്കും എന്നത് തീർച്ച. 👌👌👌

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s