മുൻ ഡിജിപിയുടെ വെളിപ്പെടുത്തൽ

മുൻ ഡിജിപിയുടെ വെളിപ്പെടുത്തൽ ജലീലിനുള്ള മറുപടിയാകുമ്പോൾ
ഫാ. ജയിംസ് കൊക്കാവയലിൽ


എന്തിനെയും ഏതിനെയും പച്ചക്കണ്ണടയിലുടെ മാത്രം വീക്ഷിക്കുക എന്നത് മുൻമന്ത്രി ഡോ.കെ.ടി.ജലീലിൻ്റെ സ്വഭാവസവിശേഷതയായി മാറിയിരിക്കുകയാണ്. മന്ത്രിയായിരിക്കെ ജലീലിന്റെ പേരിൽ തെളിയിക്കപ്പെട്ട സ്വജനപക്ഷപാതത്തിൻ്റെയും ബന്ധുനിയമനത്തിൻ്റെയും അടിസ്ഥാനത്തിൽ ലോകായുക്ത അദ്ദേഹത്തിനെതിരെ വിധി പുറപ്പെടുവിച്ചിരുന്നു. 2021 ഏപ്രിൽ മാസം പുറത്തുവന്ന ഈ വിധിയെത്തുടർന്ന്, സ്വന്തം മണ്ഡലത്തിൽ വിജയിച്ചിട്ടും തൻ്റെ മുന്നണിക്ക് ഭരണത്തുടർച്ച ലഭിച്ചിട്ടും അദ്ദേഹത്തിന് മന്ത്രിയാകാൻ സാധിക്കാതെപോയി. ജലീൽ ഹൈക്കോടതിയിൽ സമർപ്പിച്ച അപ്പീൽ തള്ളപ്പെട്ടുവെന്നു മാത്രമല്ല സുപ്രീം കോടതി വരാന്തയിൽപ്പോലും അദ്ദേഹത്തെ അടുപ്പിച്ചില്ല. ഇതോടെ ഈ മുൻമന്ത്രി ആകെ ആത്മനിയന്ത്രണം നഷ്ടപ്പെട്ട അവസ്ഥയിലാണ്. അദ്ദേഹം ഇതിൻ്റെ ദേഷ്യം മുഴുവൻ ലോകായുക്തയോടു തീർക്കുന്നുണ്ടെങ്കിലും അതിലും ഒരു വേർതിരിവ് കാണാനുണ്ട്. കേരള ലോകായുക്ത അംഗങ്ങളായ ജസ്റ്റിസ് സിറിയക് ജോസഫ്, ജസ്റ്റിസ് ഹാരൂൺ അൽ റഷീദ് എന്നിവർ സംയുക്തമായാണ് ജലീലിനെതിരെയുള്ള വിധിന്യായം പുറപ്പെടുവിച്ചതെങ്കിലും അദ്ദേഹത്തിൻ്റെ കണ്ണിലെ കരട് ജസ്റ്റിസ് സിറിയക് ജോസഫ് മാത്രമാണ്. ഈ ന്യായാധിപനെതിരെ ജലീൽ പലതവണ രംഗത്തെത്തിയെങ്കിലും ഇത്തവണ ഒരു അനുശോചനസന്ദേശം പോലും തൻ്റെ വിരോധപ്രകടനത്തിന് വേദിയാക്കിയെന്നത് തികഞ്ഞ പ്രതിഷേധത്തോടെ മാത്രമേ കാണാൻ സാധിക്കൂ.
സിനിമാനടനും 2016 ലെ നിയമസഭാതെരഞ്ഞെടുപ്പിൽ പത്തനാപുരം നിയോജക മണ്ഡലത്തിലെ യുഡിഎഫ് സ്ഥാനാർത്ഥിയുമായിരുന്ന ശ്രീ. ജഗദീഷിൻ്റെ ഭാര്യയും ആലപ്പുഴ, തിരുവനന്തപുരം മെഡിക്കൽ കോളേജുകളിൽ ഫോറൻസിക് വിഭാഗം പോലീസ് സർജനും മേധാവിയുമായി വിരമിച്ച ഡോ. രമ പി.യുടെ നിര്യാണത്തിലുള്ള അനുശോചനമെന്നപേരിൽ ജലീൽ കുറിച്ച ഫേസ്ബുക്ക് പോസ്റ്റിൽ ദു:ഖത്തെക്കാളുപരി ജസ്റ്റിസ് സിറിയക് ജോസഫിനോടുള്ള പ്രതികാരപ്രകടനമാണ് മുഴച്ചുനിൽക്കുന്നതെന്ന് മനസിലാക്കാം.
പശ്ചാത്തലം
ഡോ.കെ .ടി.ജലീലിൻ്റെ അനുശോചനക്കുറിപ്പിൽ നിന്ന് നമുക്ക് വ്യക്തമാകുന്നതനുസരിച്ച്, അഭയാക്കേസ് അന്വേഷണത്തിന്റെ ഭാഗമായി സിബിഐ ക്കു വേണ്ടി സിസ്റ്റർ സെഫിയുടെ കന്യാത്വപരിശോധന നടത്തിയത് ഡോ.രമയുടെ നേതൃത്വത്തിലായിരുന്നു. 2008 ൽ ഡോ. രമ ആലപ്പുഴ മെഡിക്കൽ കോളേജിലെ ഫോറൻസിക് വിഭാഗം അധ്യക്ഷയായിരിക്കുമ്പോഴാണ് അത്യന്തം വിവാദപരമായ ഈ പരിശോധന നടന്നത്. ജലീൽ പറയുന്നതനുസരിച്ച്, കുറ്റാരോപിതയായ സിസ്റ്റർ സെഫിയുടെ കന്യാചർമ്മം കൃത്രിമമായി വച്ചുപിടിപ്പിച്ചതാകാം എന്ന ഡോ.രമയുടെ ടീമിന്റെ നിഗമനം (വിചിത്രമായ കണ്ടുപിടുത്തം) സിബിഐ പ്രത്യേക കോടതി സ്വീകരിക്കുകയും 2020 ഡിസംബർ മാസത്തിൽ കുറ്റാരോപിതരായ രണ്ടു പേരെ ശിക്ഷിച്ചുകൊണ്ട് വിധിയാകുകയും ചെയ്തു.
മന്ത്രിസ്ഥാനം നഷ്ടമായതോടെ അഭയാക്കേസിലെ വിധിയിൽ അടക്കാനാവാത്ത സന്തോഷപ്രകടനങ്ങളാണ് ജലീലിന്റെ ഭാഗത്തുനിന്നുണ്ടാകുന്നത് . ശിക്ഷിക്കപ്പെട്ട ഫാ.തോമസ് കോട്ടൂർ ജസ്റ്റിസ് സിറിയക് ജോസഫിൻ്റെ ബന്ധുവാണ് എന്നതാണ് ഇതിനു പ്രധാന കാരണം. അതുകൊണ്ടുതന്നെ ജലീലിൻ്റെ അനുശോചന സന്ദേശം ഡോ.രമയ്ക്കുള്ള ഉപകാരസ്മരണയും ജസ്റ്റിസ് സിറിയക് ജോസഫിനും ക്രൈസ്തവ സഭയ്ക്കും നേരെയുള്ള കൂരമ്പുമായി പരിണമിച്ചു.
മുൻ ഡിജിപിയുടെ വെളിപ്പെടുത്തൽ
ജലീലിൻ്റെ നിലവാരം കുറഞ്ഞ അനുശോചന സന്ദേശത്തിന് മറുപടി വന്നത് ജസ്റ്റിസ് സിറിയക് ജോസഫിന്റെയോ , സഭയുടെയോ ഭാഗത്തുനിന്നല്ല. മുൻ ഡിജിപി ആർ. ശ്രീലേഖ ഒരു പ്രസംഗത്തിനിടെ നടത്തിയ വെളിപ്പെടുത്തൽ ജലീലിനുള്ള തക്കതായ മറുപടിയായി മാറി. ഒരു പക്ഷേ ജലീലിനെ നേരിട്ട് ഉദ്ദേശിച്ചിട്ടില്ലെങ്കിലും മുൻ ഡി ജി പി യായ അവരുടെ പ്രസ്താവന കൃത്യമായ സമയത്തും കൃത്യമായ വിഷയത്തിലും വന്നു. ചിലപ്പോൾ ഇതൊരു ദൈവിക ഇടപെടലായിരിക്കാം.
കേരളത്തിലെ പോലീസ് സംവിധാനത്തിൽ തെറ്റായ ഫോറൻസിക് ലാബ് റിപ്പോർട്ടുകൾ ഉണ്ടാക്കാൻ വളരെ എളുപ്പമാണെന്നാണ് ശ്രീലേഖ വെളിപ്പെടുത്തിയത് . അന്വേഷണസംഘങ്ങൾ തന്നെ വ്യാജ ഫോറൻസിക് റിപ്പോർട്ടുകൾ ഉണ്ടാക്കിയ സംഭവങ്ങളുണ്ട്. ഒരു ഫോറൻസിക് റിപ്പോർട്ട് വ്യാജമായി ഉണ്ടാക്കിയെടുത്ത് അത് സത്യസന്ധമാണെന്നു കോടതിയുടെ മുമ്പിൽ കാണിക്കാൻ വലിയ പ്രയാസവുമില്ല. പല കേസുകളിലും അങ്ങനെ ചെയ്തിട്ടുണ്ട്. ഇതു മൂലം പല കേസുകളിലും നിരപരാധികൾ ശിക്ഷിക്കപ്പെട്ടിട്ടുമുണ്ട്. ഫോറൻസിക് ലബോറട്ടറികളെ പോലീസിൻ്റെ അധികാരപരിധിയിൽ നിന്ന് സ്വതന്ത്രമാക്കിയാലേ ഇതിന് പരിഹാരമാകുകയുള്ളൂ.
റിപ്പോർട്ട് നിഷ്പക്ഷമായിരിക്കണമെങ്കിൽ ഫോറൻസിക് ലാബിനെ പ്രത്യേകം പൊലീസിന് പുറത്ത് നിർത്തണം. ഈ ആവശ്യം ഉന്നയിച്ച് വളരെ നാളുകൾക്ക് മുൻപ് താൻ, പല തരത്തിലുള്ള പഠനം നടത്തി വിശദമായ റിപ്പോർട്ടുകൾ നൽകിയിട്ടുള്ളതാണ് എന്നാൽ ആരുമത് ശ്രദ്ധിച്ചില്ല. ഇത്രയുമാണ് ശ്രീലേഖയുടെ വ്യക്തമായ വെളിപ്പെടുത്തൽ.
നമ്മുടെ നിയമപാലന രംഗത്ത് മെഡിക്കോ- ലീഗൽ സംവിധാനത്തിൽ നിലനിൽക്കുന്ന അങ്ങേയറ്റം ഗുരുതരമായ ദുഷ്പ്രവണതയാണ് ശ്രീലേഖയുടെ വെളിപ്പെടുത്തലിലൂടെ പുറത്തു വരുന്നത്. സർക്കാർ മെഡിക്കൽ കോളേജുകളിലെ ഫോറൻസിക് സയൻസ് വിഭാഗം പൂർണ്ണമായും പോലീസ് സംവിധാനവുമായി ചേർന്ന് പ്രവർത്തിക്കുന്ന ഒന്നാണ്. സംസ്ഥാനത്തെ ഫോറൻസിക് സംവിധാനങ്ങൾ പൂർണമായ നിഷ്പക്ഷത ഉറപ്പാക്കിയിട്ടുള്ള സ്വതന്ത്ര സംവിധാനമല്ല. ഇനിയും നിരപരാധികൾ ശിക്ഷിക്കപ്പെടാതിരിക്കാൻ സർക്കാർ ഈ വിഷയത്തിൽ അടിയന്തര ശ്രദ്ധ പുലർത്തേണ്ടിയിരിക്കുന്നു. ശ്രീലേഖയുടെ ആരോപണം അവിശ്വസിക്കുന്നവർ അഭയക്കേസിൻ്റെ വിധിയുടെ പശ്ചാത്തലത്തിൽ ആലപ്പുഴ മെഡിക്കൽ കോളേജിലെ ഫോറൻസിക് സർജനായിരുന്ന ഡോ. കൃഷ്ണൻ ബാലേന്ദ്രൻ 2021 ജനുവരി 1 ന് പ്രസിദ്ധീകരിച്ച പഠന സ്വഭാവമുള്ള ഫെയ്സ് ബുക് പോസ്റ്റിൻ്റെ ഒരു പ്രസക്ത ഭാഗം കൂടി വായിക്കുന്നത് ഉചിതമായിരിക്കും.
ഡോ. കൃഷ്ണൻ ബാലേന്ദ്രൻ്റെ ഫെയ്സ്ബുക് പോസ്റ്റിൽ നിന്ന്
അവസാനം സ്വന്തം നിരപരാധിത്വം തെളിഞ്ഞ് കിട്ടുവാനായി CBI ആവശ്യപ്പെട്ടത് പ്രകാരം അവർ (സിസ്റ്റർ സെഫി) ഏറ്റവും ബ്രൂട്ടലും ഇൻഹ്യൂമനും ഡീഹ്യുമനൈസിങ്ങുമായ virginity test എന്ന പരിശോധനയ്ക്കും സ്വയം വിധേയായി. അവർ അതിനും സമ്മതിച്ചു.
കൊള്ളാവുന്ന നീതി ന്യായ വ്യവസ്ഥയുള്ള, ഒരു civilized societyയുള്ള ഒരു രാജ്യത്തും നടത്താത്ത ഒരു പരിശോധനയാണത്. ഒരു സ്ത്രീ, അതും ഒരൂ കന്യാസ്ത്രീ, സ്വന്തം virginity സ്ഥാപിച്ചു കിട്ടുവാനായി ഇത്തരത്തിൽ ലോകത്ത് എവിടെങ്കിലും ഇത് പോലെ ഒരു പരിശോധനയ്ക്ക് വിധേയമാക്കപ്പെട്ടിട്ടുണ്ടോ എന്ന് എനിക്കറിയില്ല.
തന്റെ നിരപരാധിത്വവും മാനവും സംരക്ഷിച്ച് കിട്ടുവാനായി അവർ ആശ്രയിച്ചത് എന്റെ വിഷയമായ Forensic Medicine -നെ ആയിരുന്നു. ഒരു forensic examination ലൂടെ താൻ ഒരു കന്യകയാണെന്ന് തെളിഞ്ഞ് കിട്ടുമെന്ന് അവർ പ്രതീക്ഷിച്ചു.
ആലപ്പുഴ മെഡിക്കൽ കോളേജിലെ ഫോറെൻസിക്ക് മെഡിസിൻ മേധാവിയും ഗൈനക്കോളജി വിഭാഗം മേധാവിയും അടങ്ങുന്ന, രണ്ട് വനിതാ ഡോക്ടർമാരുടെ ഒരു “വിദഗ്ദ്ധ” ടീമായിരുന്നു അവരെ പരിശോധിച്ചിരുന്നത്.
പരിശോധനയിൽ അവരുടെ കന്യാചര്‍മ്മം (hymen) കേട്പാടൊന്നും കൂടാതെ അക്ഷതമായി നിലയിൽ കണ്ടിരുന്നു. ഒരു normal intact hymen കാണുമ്പോള്‍ അത് intact ആണെന്ന് പറയുന്നതിനു പകരം അത് surgically repaired hymen-hymenoplasty- ആണെന്ന് ഈ രണ്ടു പേരും കൂടി പറഞ്ഞു.
ഇവിടെ ഒരു കാര്യം കൂടി പറയാം. ഈ രണ്ട് പേരും പഠിച്ചത് MBBS degree ആണ്. അത് കഴിഞ്ഞ് ഒരാൾ forensic medicine ലും മറ്റേയാൾ ഗൈനക്കോളജിയിലും ഉപരി പഠനം കഴിഞ്ഞവരാണ്.
MBBS course ന്റെ syllabus ലോ, MD Forensic Medicine ന്റെയോ MD Obstetrics & Gynecology കോഴ്സുകളുടെ syllabus ലോ ഇവർ ഈ പരിശോധന ചെയ്ത 2008 വർഷത്തിലോ അതിന് മുമ്പുള്ള കാലത്തോ hymenoplasty എന്ന ശസ്ത്രക്രിയയേപ്പറ്റി പഠിക്കുന്നില്ല. ഇവർ രണ്ട് പേരും ജീവിതത്തിൽ അന്ന് വരെയോ ഇന്ന് വരെയോ ഒരു hymenoplasty കാണുകയോ, assist ചെയ്യുകയോ, അതേ കുറിച്ച് പഠിക്കുകയോ ചെയ്തിട്ടുള്ളവരവല്ല. Hymenoplasty കഴിഞ്ഞ ഒരൊറ്റയാളേ പോലും ഇവര് രണ്ട് പേരും അന്ന് വരെ കണ്ടിട്ട് പോലും ഇല്ലെന്നും അറിയണം.
നിയമത്തില്‍ ഒരു Expert witness എന്നാൽ അവർ അഭിപ്രായം പറയുന്ന കാര്യത്തില്‍ അറിവും, നൈപുണ്യവും അനുഭവ പരിചയവും ഉള്ളവരായിരിക്കണം (knowledge, skill and experience).
ഒരു hymenoplasty എങ്ങനെയാണ് ചെയ്യുന്നത് എന്ന് പോലും അറിയാത്ത, hymenoplasty കഴിഞ്ഞ ഒരു കേസ് പോലും കണ്ടിട്ടില്ലാത്ത (മിക്കവാറും ഇന്ന് വരേയും കണ്ടിട്ടുണ്ടാവില്ല എന്ന് എനിക്ക് ഏതാണ്ട് ഉറപ്പാണ്), hymenoplasty യുടെ steps പോലും അറിയാത്ത രണ്ട് പേര്‍ക്ക് പക്ഷെ ഒരു intact hymen കണ്ടപ്പോ അത് hymenoplasty ചെയ്തതാണെന്ന് പറയാൻ കഴിഞ്ഞു.
ഓർക്കണം,
സിസ്റ്റർ സെഫി ഒരു Virgin ആണെങ്കിൽ, അവരുടെ hymen intact ആണെങ്കിൽ പിന്നെ അഭയ “കൊല” കേസ് ഇല്ല. “കൊലപാതക” ത്തിന്റെ motive (പ്രേരണ) നമ്മളേ എല്ലാവരേയും already പഠിപ്പിച്ച് വച്ചിരിക്കുകയാണ്, courtesy leaked narco analysis video വഴി !!!
ഒരു വാദത്തിന് വേണ്ടി Hymenoplasty നടന്നിരുന്നു എന്ന് പറഞ്ഞാൽ പോലും ഏത് ഡോക്ടർ, എവിടെ വച്ച്, എന്ന് അത് ചെയ്തു എന്നുള്ള basic questions പോലും ചോദിക്കാൻ തോന്നാത്തത് പൊതുജനത്തിന് മാത്രമല്ല എന്നും ഓർക്കണം.
നേരത്തെ പറഞ്ഞത് പോലെ, പൊതു സമൂഹത്തിന്റെ മുന്നിൽ അപമാനിതയാക്കി ഏറ്റവും മോശമായി ചിത്രീകരിക്കപ്പെട്ട് നിർത്തപ്പെട്ട ഒരു സ്ത്രീ അവരുടെ നിരപരാധിത്വവും മാനവും അഭിമാനവും വീണ്ടെടുത്ത് കിട്ടാനായി പ്രതീക്ഷ മൊത്തവും അർപ്പിച്ചത് എന്റെ വിഷയമായ Forensic Medicine ൽ ആയിരുന്നു.
ഇവർ കണ്ട സത്യത്തെ തുറന്ന് പറഞ്ഞില്ല എന്ന് മാത്രമല്ല, സത്യത്തെ ദുർവ്യാഖ്യാനം ചെയ്ത്, തങ്ങൾക്ക് പറയാൻ യാതോരു competence ഉം ഇല്ലാത്ത, തെറ്റും അശാസ്ത്രീയവുമായ ഒരു അഭിപ്രായം എഴുതി വച്ചു. അത് കോടതിയിലെത്തുന്നതിന് വർഷങ്ങൾക്ക് മുമ്പ് തന്നെ തൽപര കക്ഷികൾ ഈ അഭിപ്രായത്തെ (Opinion) ഒരു fact ആയി പൊതു മണ്ഡലത്തില്‍ ഇട്ട് അവരേ ഒരു immoral slut ആയും പെരുങ്കള്ളിയാക്കിയും ചിത്രീകരിച്ചു….
[NB. ഡോ. ബാലേന്ദ്രൻ്റെ പോസ്റ്റിൽ പറയുന്ന ഫോറൻസിക് മേധാവി ഡോ.രമയാണ്.]
ഉപസംഹാരം
ഒരു മുൻ ഡിജിപിയുടെ ആരോപണത്തിൽ കഴമ്പില്ലാതെ വരില്ലല്ലോ. മെഡിക്കോ ലീഗൽ മേഖലയിൽ നിന്നുള്ള ഒരു ഫോറൻസിക് വിദഗ്ധൻ്റെ അഭിപ്രായവും അതിനോട് ചേർന്ന് പോകുന്നതാണ്. ഇതേ നിരീക്ഷണങ്ങൾ പങ്കുവയ്ക്കുന്ന ഫോറൻസിക് വിദഗ്ദ്ധർ വേറെയുമുണ്ട്. അങ്ങനെയെങ്കിൽ സ്വാധീനത്തിന് വിധേയമായി എഴുതപ്പെട്ട ഒരു ഫോറൻസിക് റിപ്പോർട്ടാണ് അഭയകേസിൽ സിസ്റ്റർ സെഫിക്കെതിരെ സമർപ്പിക്കപ്പെട്ടതെന്ന് അനുമാനിക്കേണ്ടിയിരിക്കുന്നു. മൂടിവയ്ക്കപ്പെട്ടിരുന്ന ഈ സത്യം പുറത്തുവരുന്നതിൽ ഡോ.രമയുടെ മരണവും കെ.ടി. ജലീലിൻ്റെ പ്രതികാരദാഹം ശമിപ്പിക്കുന്ന അനുശോചനവും ആർ. ശ്രീലേഖയുടെ കൃത്യസമയത്തുള്ള വെളിപ്പെടുത്തലുമൊക്കെ നിമിത്തങ്ങളാവുകയാണ്. നിരന്തരം അസഹ്യപ്പെടുത്തുകയെന്ന മർക്കട മനോഭാവത്തോടെ അഭയക്കേസുമായി ബന്ധപ്പെടുത്തി ജലീൽ പോസ്റ്റുകളും പ്രസ്താവനകളും തുടർച്ചയായി ഇറക്കുന്നുണ്ട്. പഴയ സിമി പ്രവർത്തകൻ്റെ നിലവാരത്തിൽ നിന്ന് ഒരു ജനപ്രതിനിധിയുടെ തലത്തിലേക്ക് ജലീൽ വളർന്നിട്ടില്ല എന്നതിന് അദ്ദേഹത്തിന്റെ ഇത്തരം പ്രവർത്തികൾ തന്നെ സാക്ഷ്യം നൽകുന്നു.
https://fb.watch/cbVKRDBauo/

Advertisements
Advertisements

യൂണിഫോമിന്‍റെ രാഷ്‌ട്രീയം

യൂണിഫോമിന്‍റെ രാഷ്‌ട്രീയം

ഡോ. മൈക്കിൾ പുളിക്കൽ സിഎംഐ

കേ​ര​ള​ത്തി​ലെ 2022 വ​ർ​ഷാ​രം​ഭം സ്‌​കൂ​ൾ യൂ​ണി​ഫോ​മി​ന്‍റെ പേ​രി​ൽ പു​തി​യൊ​രു വി​വാ​ദ​പ​ര​മ്പ​ര​യ്ക്ക് തി​രി​കൊ​ളു​ത്തി​ക്കൊ​ണ്ടാ​യി​രു​ന്നു. ക​ർ​ണാ​ട​ക​യി​ലെ സ്‌​കൂ​ൾ യൂ​ണി​ഫോം-​ഹി​ജാ​ബ് വി​വാ​ദം കേ​ര​ള​ത്തി​ലേ​ക്കു പ​ട​ർ​ത്താ​നു​ള്ള ശ്ര​മ​ങ്ങ​ൾ​ക്കു പി​ന്നി​ൽ വ്യ​ക്ത​മാ​യ രാ​ഷ്‌​ട്രീ​യ ല​ക്ഷ്യ​ങ്ങ​ളും വ​ർ​ഗീ​യ താ​ത്പ​ര്യ​ങ്ങ​ളും ഉ​ണ്ടെ​ന്നു​ള്ള​തി​ൽ സം​ശ​യ​മി​ല്ല.

കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ലാ​യി ക​ത്തോ​ലി​ക്കാ സ​ന്ന്യ​സ്ത​ർ ന​ട​ത്തി​വ​രു​ന്ന സ്‌​കൂ​ളു​ക​ളി​ൽ ഇ​ത്ത​രം വി​വാ​ദ​ങ്ങ​ൾ ഉ​യ​ർ​ന്നു​വ​രി​ക​യും വ​ലി​യ കോ​ലാ​ഹ​ല​ങ്ങ​ൾ​ക്ക് അ​ത് കാ​ര​ണ​മാ​വു​ക​യും ചെ​യ്ത​തെ​ങ്ങ​നെ എ​ന്ന് പ​രി​ശോ​ധി​ച്ചാ​ൽ അ​ക്കാ​ര്യം വ്യ​ക്ത​മാ​കും. നി​സാ​ര​മാ​യ വി​ഷ​യ​ങ്ങ​ളെ​യാ​ണു ചി​ല​ർ വ​ലി​യ വി​വാ​ദ​ങ്ങ​ളാ​ക്കി മാ​റ്റി​യ​ത്. അ​തി​ന്‍റെ കാ​ര​ണ​ങ്ങ​ൾ മ​നഃ​പൂ​ർ​വം സൃ​ഷ്ടി​ച്ചെ​ടു​ത്ത​വ​യാ​ണോ​യെ​ന്നും സം​ശ​യി​ക്കേ​ണ്ട​തു​ണ്ട്.

ചി​ല ത​ത്പ​ര​ക​ക്ഷി​ക​ൾ ക്രൈ​സ്ത​വ വി​ദ്യാ​ഭ്യാ​സ സ​ഥാ​പ​ന​ങ്ങ​ളി​ൽ പ്ര​ശ്ന​ങ്ങ​ൾ സൃ​ഷ്ടി​ക്കാ​ൻ പ​ദ്ധ​തി​യി​ടു​ന്നു എ​ന്നു​ള്ള​ത് വി​വി​ധ സം​ഭ​വ​ങ്ങ​ളി​ൽ​നി​ന്നു വ്യ​ക്ത​മാ​ണ്. അ​തു ക്രൈ​സ്ത​വ സ​മൂ​ഹ​ത്തോ​ടു​ള്ള വി​രോ​ധം​കൊ​ണ്ടോ, ത​ങ്ങ​ളു​ടെ ചി​ല ല​ക്ഷ്യ​ങ്ങ​ൾ നേ​ടി​യെ​ടു​ക്കു​ന്ന​തി​ന്‍റെ ഭാ​ഗ​മാ​യോ ആ​വാം. ഹി​ജാ​ബ് മു​ത​ൽ നി​ഖാ​ബ് വ​രെ​യു​ള്ള വേ​ഷ​വി​ധാ​ന​ങ്ങ​ളെ​ക്കു​റി​ച്ചു​ള്ള നി​ർ​ബ​ന്ധ​ബു​ദ്ധി അ​ടി​ച്ചേ​ൽ​പ്പി​ക്ക​പ്പെ​ടു​ന്ന കാ​ഴ്ച​ക​ൾ സ​മീ​പ​കാ​ല​ഘ​ട്ട​ത്തി​ൽ മാ​ത്രം ക​ണ്ടു​തു​ട​ങ്ങി​യ​താ​ണ്.

മ​ത​പ​രം എ​ന്ന​തി​നേ​ക്കാ​ൾ രാ​ഷ്‌​ട്രീ​യ​മാ​യ ഒ​രു മാ​നം ഈ ​മാ​റ്റ​ത്തി​നു​ണ്ട്. അ​ക്കാ​ര്യം സാ​ധൂ​ക​രി​ക്കു​ന്ന നി​ര​വ​ധി സം​ഭ​വ​ങ്ങ​ൾ പ​ല​പ്പോ​ഴാ​യി അ​ര​ങ്ങേ​റി​യി​ട്ടു​ണ്ട്. ക​ർ​ണാ​ട​ക​യി​ൽ ഹൈ​ക്കോ​ട​തി​യു​ടെ ഇ​ട​പെ​ട​ലു​ക​ളോ​ള​മെ​ത്തി​യ സം​ഭ​വ​പ​ര​മ്പ​ര​ക​ൾ ഉ​ദാ​ഹ​ര​ണ​മാ​ണ്. സ്‌​കൂ​ൾ യൂ​ണി​ഫോം സം​ബ​ന്ധി​ച്ച് മു​മ്പും കോ​ട​തി ഇ​ട​പെ​ട​ലു​ക​ൾ ഉ​ണ്ടാ​യി​ട്ടു​ണ്ടെ​ങ്കി​ലും ഇ​പ്പോ​ൾ ഒ​രു വി​ഭാ​ഗം ഉ​ന്ന​യി​ക്കു​ന്ന ആ​വ​ശ്യ​ങ്ങ​ൾ ന്യാ​യ​മാ​ണെ​ന്ന് ഒ​രു കോ​ട​തി​യും അ​ഭി​പ്രാ​യ​പ്പെ​ട്ടി​ട്ടി​ല്ല.

എ​ന്തി​നാ​ണു യൂ​ണി​ഫോം?

വി​ദ്യാ​ഭ്യാ​സ​രം​ഗ​ത്ത് യൂ​ണി​ഫോം സ​മ്പ്ര​ദാ​യം ആ​ദ്യ​മാ​യി അ​വ​ത​രി​പ്പി​ക്ക​പ്പെ​ട്ട​ത് കാ​ന്‍റ​ർ​ബ​റി ആ​ർ​ച്ച്ബി​ഷ​പ്പി​ന്‍റെ ക​ൽ​പ്പ​ന പ്ര​കാ​രം 1222ൽ ​ഇം​ഗ്ല​ണ്ടി​ലാ​ണെ​ന്ന് പൊ​തു​വേ ക​രു​ത​പ്പെ​ടു​ന്നു. പ​തി​നാ​റാം നൂ​റ്റാ​ണ്ടി​ൽ ഇം​ഗ്ല​ണ്ടി​ൽ വ്യാ​പ​ക​മാ​യി യൂ​ണി​ഫോം ഉ​പ​യോ​ഗി​ക്ക​പ്പെ​ട്ടു​തു​ട​ങ്ങി. യൂ​ണി​ഫോം സ​മ്പ്ര​ദാ​യ​ത്തി​ന്‍റെ വ്യാ​പ​ന​ത്തി​നു കു​ട്ടി​ക​ളു​ടെ സു​ര​ക്ഷ​യും അ​ച്ച​ട​ക്ക​വും ഉ​റ​പ്പു​വ​രു​ത്തു​ക എ​ന്ന ല​ക്ഷ്യ​വും കാ​ര​ണ​മാ​യി​ട്ടു​ണ്ട്.

ച​രി​ത്ര​പ​ര​മാ​യ കാ​ര​ണ​ങ്ങ​ൾ പ​ല​താ​ണെ​ങ്കി​ലും, കേ​ര​ള​ത്തി​ന്‍റെ സാ​ഹ​ച​ര്യ​ത്തി​ൽ അ​ത് സാ​മൂ​ഹി​ക നീ​തി​യു​മാ​യി അ​ഭേ​ദ്യ​മാ​യി ബ​ന്ധ​പ്പെ​ട്ടി​രി​ക്കു​ന്നു. ഉ​ച്ച​നീ​ച​ത്വ​ങ്ങ​ളും ജാ​തി​വ്യ​വ​സ്ഥി​തി​യും അ​ര​ങ്ങു​വാ​ണി​രു​ന്ന, പാ​വ​പ്പെ​ട്ട​വ​നും അ​ധഃ​സ്ഥി​ത​നും വി​ദ്യാ​ഭ്യാ​സ​ത്തി​നും സ്വൈ​ര സ​ഞ്ചാ​ര​ത്തി​നും അ​വ​കാ​ശം നി​ഷേ​ധി​ക്ക​പ്പെ​ട്ടി​രു​ന്ന, പ​ഴ​യ കേ​ര​ള​ത്തി​ൽ അ​വ​ർ​ക്കു​വേ​ണ്ടി സം​സാ​രി​ക്കു​ക​യും പ്ര​വ​ർ​ത്തി​ക്കു​ക​യും ചെ​യ്തി​രു​ന്ന​തു ക്രി​സ്ത്യ​ൻ മി​ഷ​ന​റി​മാ​രും ക്രൈ​സ്ത​വ സ​ഭ​ക​ളു​മാ​ണ്. ജാ​തി​ഭേ​ദം ശ​ക്ത​മാ​യി​രു​ന്ന പ​ത്തൊ​മ്പ​താം നൂ​റ്റാ​ണ്ടി​ന്‍റെ മ​ധ്യ ദ​ശ​ക​ത്തി​ൽ എ​ല്ലാ വി​ഭാ​ഗ​ക്കാ​ർ​ക്കും​വേ​ണ്ടി സം​സ്കൃ​ത സ്‌​കൂ​ൾ ആ​രം​ഭി​ച്ച് വി​പ്ല​വം സൃ​ഷ്ടി​ച്ച വി. ​ചാ​വ​റ കു​ര്യാ​ക്കോ​സ് ഏ​ലി​യാ​സ് അ​ച്ച​ൻ ഒ​രു ഉ​ദാ​ഹ​ര​ണം മാ​ത്രം.

ജാ​തി​വ്യ​വ​സ്ഥി​തി​യും സ​മ്പ​ദ് വ്യ​വ​സ്ഥി​തി​യും രൂ​പ​ത്തി​ലും ഭാ​വ​ത്തി​ലും മാ​ത്ര​മ​ല്ല, സ്വ​ഭാ​വ​ത്തി​ലും കു​ട്ടി​ക​ൾ​ക്കി​ട​യി​ൽ വേ​ർ​തി​രി​വു​ക​ൾ സൃ​ഷ്ടി​ക്കു​ന്ന​താ​യി ക​ണ്ട​റി​ഞ്ഞ മി​ഷ​ന​റി​മാ​രും, പ​ത്തൊ​മ്പ​താം നൂ​റ്റാ​ണ്ടി​ൽ​ത്ത​ന്നെ “പ​ള്ളി​ക്കൊ​പ്പം പ​ള്ളി​ക്കൂ​ടം’​എ​ന്ന ആ​ഹ്വാ​നം ന​ട​ത്തി വി​ദ്യാ​ഭ്യാ​സ മേ​ഖ​ല​യി​ൽ വി​പ്ല​വം സൃ​ഷ്ടി​ച്ച ക​ത്തോ​ലി​ക്കാ സ​ഭ​യും അ​തി​നു​ള്ള പ​രി​ഹാ​ര​ങ്ങ​ൾ തേ​ടു​ക​യും ക​ണ്ടെ​ത്തു​ക​യും ചെ​യ്തി​രു​ന്നു.

വി​ദ്യ അ​ർ​ഥി​ക്കു​ന്ന​വ​രാ​യി ഗു​രു​സ​മ​ക്ഷ​ത്തെ​ത്തു​ന്ന കു​ട്ടി​ക​ളി​ൽ ജാ​തി​വ്യ​വ​സ്ഥി​തി​യും ദാ​രി​ദ്ര്യ​ചി​ന്ത​യും മ​തി​ൽ​ക്കെ​ട്ടു​ക​ളാ​യി ഭ​വി​ക്കാ​തി​രി​ക്കാ​നാ​യി വേ​ഷ​ത്തി​ലും മ​നഃ​സ്ഥി​തി​യി​ലും ഐ​ക​രൂ​പ്യം വേ​ണ​മെ​ന്നു​ള്ള ആ​ശ​യ​ത്തി​ന്‍റെ ഭാ​ഗ​മാ​യി ഒ​രേ വേ​ഷം അ​നു​ശാ​സി​ക്ക​പ്പെ​ട്ടി​രു​ന്നു. ഗു​രു​സ​മ​ക്ഷ​ത്തി​ലാ​യി​രി​ക്കു​ന്ന വി​ദ്യാ​ർ​ഥി​ക​ൾ ജാ​തി​ചി​ന്ത​ക​ൾ​ക്കും വി​ഭാ​ഗീ​യ​ത സൃ​ഷ്ടി​ക്കു​ന്ന അ​ട​യാ​ള​ങ്ങ​ൾ​ക്കും അ​തീ​ത​രാ​യി​രി​ക്ക​ണ​മെ​ന്ന് അ​വ​ർ ക​രു​തി.

വാ​സ്ത​വ​ത്തി​ൽ യൂ​ണി​ഫോം എ​ന്ന ആ​ശ​യ​ത്തി​ന്‍റെ ഭാ​ര​തീ​യ സാ​ഹ​ച​ര്യാ​ടി​സ്ഥാ​ന​ങ്ങ​ളി​ൽ പ്ര​ധാ​നം മേ​ല്പ​റ​ഞ്ഞ സ​മ​ത്വ​വും സാ​ഹോ​ദ​ര്യ​വും ത​ന്നെ​യാ​ണ്. നി​ല​നി​ന്നി​രു​ന്ന മേ​ലാ​ള-​കീ​ഴാ​ള വ്യ​വ​സ്ഥി​തി​യു​ടെ മ​നോ​ഭാ​വ​ങ്ങ​ളും, സാ​മ്പ​ത്തി​കാ​സ​മ​ത്വ​ത്തി​ന്‍റെ ആ​ഴ​മേ​റി​യ അ​തി​ർ​വ​ര​മ്പു​ക​ളും വി​ദ്യാ​ർ​ഥി​ക​ൾ​ക്കി​ട​യി​ൽ വി​വേ​ച​നം ചെ​ലു​ത്താ​തി​രി​ക്കാ​ൻ വേ​ഷ​വി​ധാ​ന​ത്തി​ലെ ഐ​ക​രൂ​പ്യം സ​ഹാ​യ​ക​ര​മാ​കും എ​ന്ന ദ​ർ​ശ​ന​ത്തി​ലാ​ണ് യൂ​ണി​ഫോ​മി​ന്‍റെ പ്ര​സ​ക്തി കാ​ലാ​തീ​ത​മാ​കു​ന്ന​ത്. ചി​ല വി​ക​സി​ത രാ​ജ്യ​ങ്ങ​ളി​ൽ സ്കൂ​ൾ യൂ​ണി​ഫോം സ്ത്രീ-​പു​രു​ഷ ലിം​ഗ​പ​ര​ത​യെ പ​രി​പോ​ഷി​പ്പി​ക്കു​ന്നു എ​ന്ന വി​മ​ർ​ശ​നം നേ​രി​ടേ​ണ്ടി വ​ന്നി​ട്ടു​ണ്ട്. എ​ന്നാ​ൽ ഇ​ന്ന് ജെ​ൻ​ഡ​ർ ന്യൂ​ട്ര​ൽ യൂ​ണി​ഫോം എ​ന്ന കാ​ഴ്ച​പ്പാ​ട് കേ​ര​ള​ത്തി​ൽ പോ​ലും വ്യാ​പ​ക​മാ​യി​ക്ക​ഴി​ഞ്ഞി​രി​ക്കു​ന്നു. ഇ​ത്ത​രം വ​സ്തു​ത​ക​ൾ മ​ന​സി​ലാ​ക്കാ​ൻ ബ​ഹു​ഭൂ​രി​പ​ക്ഷ​ത്തി​നും ബു​ദ്ധി​മു​ട്ടി​ല്ലാ​തി​രു​ന്ന ഒ​രു കാ​ല​ഘ​ട്ട​ത്തി​ൽ​നി​ന്ന് വ​ള​രെ പെ​ട്ടെ​ന്ന് ന​മു​ക്കി​ട​യി​ൽ ചി​ല​ർ മാ​റി​ക്കൊ​ണ്ടി​രി​ക്കു​ന്നു. അ​തി​നു പി​ന്നി​ൽ പ്ര​വ​ർ​ത്തി​ക്കു​ന്ന ശ​ക്തി​ക​ളു​ടെ സ്വാ​ധീ​ന​വും പ്ര​ക​ട​ന​പ​ര​ത​യും നാ​ൾ​ക്കു​നാ​ൾ വ​ർ​ധി​ച്ചു​വ​രു​ന്ന​ത് ഒ​രു പ​രി​ഷ്കൃ​ത സ​മൂ​ഹ​ത്തി​ന് ആ​ശ​ങ്കാ​ജ​ന​ക​മാ​ണ്.

യൂ​ണി​ഫോം വി​വാ​ദ​ങ്ങ​ളി​ലെ കോ​ട​തി​യ​ല​ക്ഷ്യം

വി​ദ്യാ​ല​യ​ങ്ങ​ളി​ൽ മ​താ​ചാ​ര പ്ര​കാ​ര​മു​ള്ള വ​സ്ത്ര​ങ്ങ​ൾ ധ​രി​ക്ക​ണ​മെ​ന്ന് വി​ദ്യാ​ർ​ത്ഥി​ക​ൾ നി​ർ​ബ​ന്ധം പി​ടി​ക്ക​രു​തെ​ന്ന് ക​ർ​ണാ​ട​ക ഹൈ​ക്കോ​ട​തി 2022 ഫെ​ബ്രു​വ​രി​യി​ലെ ഒ​രു ഇ​ട​ക്കാ​ല ഉ​ത്ത​ര​വി​ൽ വ്യ​ക്ത​മാ​ക്കു​ക​യു​ണ്ടാ​യി. അ​തി​ന​ർ​ഥം, യൂ​ണി​ഫോ​മു​ക​ളി​ൽ മ​ത-​രാ​ഷ്‌​ട്രീ​യ ഇ​ട​പെ​ട​ലു​ക​ൾ ഉ​ണ്ടാ​വ​രു​ത് എ​ന്ന നി​ല​പാ​ടി​ൽ നീ​തി​പീ​ഠം ഉ​റ​ച്ചു​നി​ൽ​ക്കു​ന്നു എ​ന്നു​ള്ള​താ​ണ്. ഈ ​വി​ഷ​യ​ത്തി​ൽ വ​ള​രെ വ്യ​ക്ത​മാ​യ നി​ല​പാ​ട​റി​യി​ച്ച വി​ധി​പ്ര​സ്താ​വം (WP-C 35293/ 2018) 2018ൽ ​കേ​ര​ള ഹൈ​ക്കോ​ട​തി ന​ട​ത്തി​യി​ട്ടു​ണ്ട്.

തി​രു​വ​ന​ന്ത​പു​ര​ത്തെ ക്രൈ​സ്റ്റ് ന​ഗ​ർ സ്‌​കൂ​ളി​ലെ ര​ണ്ട് വി​ദ്യാ​ർ​ഥി​നി​ക​ൾ മ​ത​പ​ര​മാ​യ വ​സ്ത്രം ധ​രി​ക്കാ​ൻ അ​നു​മ​തി തേ​ടി ഹൈ​ക്കോ​ട​തി​യി​ൽ എ​ത്തി​യ​തി​നെ തു​ട​ർ​ന്നു​ണ്ടാ​യ വി​ധി​യാ​ണ് അ​ത്. മ​താ​ചാ​ര​പ്ര​കാ​രം ത​ല മ​റ​യ്ക്കു​ന്ന ഹി​ജാ​ബും ഫു​ൾ സ്ലീ​വ് ഷ​ർ​ട്ടും യൂ​ണി​ഫോ​മി​നൊ​പ്പം ധ​രി​ക്കാ​നു​ള്ള അ​നു​മ​തി​യാ​യി​രു​ന്നു അ​വ​രു​ടെ ആ​വ​ശ്യം. എ​ന്നാ​ൽ ആ ​ആ​വ​ശ്യം അം​ഗീ​ക​രി​ക്കാ​ൻ കോ​ട​തി ത​യ്യാ​റാ​യി​ല്ല എ​ന്നു​മാ​ത്ര​മ​ല്ല, ഈ ​വി​ഷ​യ​വു​മാ​യി ബ​ന്ധ​പ്പെ​ട്ട് വ്യ​ക്ത​മാ​യ ചി​ല നി​ല​പാ​ടു​ക​ൾ വി​ധി​യി​ൽ ഉ​ൾ​പ്പെ​ടു​ത്തു​ക​യും ചെ​യ്തു.

യൂ​ണി​ഫോം സം​ബ​ന്ധി​ച്ച തീ​രു​മാ​നം സ്വ​ത​ന്ത്ര​മാ​യി സ്വീ​ക​രി​ക്കാ​നും പ്ര​ത്യേ​ക ആ​വ​ശ്യ​ങ്ങ​ൾ​ക്കു​ള്ള അ​നു​മ​തി​യു​ടെ കാ​ര്യ​ത്തി​ൽ നി​ല​പാ​ടെ​ടു​ക്കാ​നും പൂ​ർ​ണ അ​ധി​കാ​രം സ്‌​കൂ​ൾ മാ​നേ​ജ്‌​മെ​ന്‍റി​നാ​ണ് എ​ന്ന് കോ​ട​തി പ​റ​യു​ക​യു​ണ്ടാ​യി. സ്‌​കൂ​ൾ മാ​നേ​ജ്‌​മെ​ന്‍റി​ന്‍റെ മൗ​ലി​ക അ​വ​കാ​ശ​ത്തി​നു മു​ക​ളി​ല​ല്ല കു​ട്ടി​ക​ളു​ടെ വ്യ​ക്തി​ഗ​ത അ​വ​കാ​ശ​ങ്ങ​ളെ​ന്നും കോ​ട​തി നി​രീ​ക്ഷി​ച്ചു. യൂ​ണി​ഫോ​മി​ന്‍റെ കാ​ര്യ​ത്തി​ൽ സ്‌​കൂ​ളി​ന്‍റെ നി​യ​മ​ങ്ങ​ൾ പാ​ലി​ച്ച് അ​വി​ടെ തു​ട​രാ​ൻ ക​ഴി​യാ​ത്ത വി​ദ്യാ​ർ​ഥി​ക​ൾ വി​ടു​ത​ൽ സ​ർ​ട്ടി​ഫി​ക്കേ​റ്റി​ന് അ​പേ​ക്ഷി​ക്കു​ന്ന പ​ക്ഷം മ​റ്റു പ​രാ​മ​ർ​ശ​ങ്ങ​ൾ കൂ​ടാ​തെ അ​തു ന​ൽ​കി വി​ടാ​വു​ന്ന​താ​ണ്; എ​ന്നാ​ൽ, സ്‌​കൂ​ൾ ഡ്ര​സ്‌ കോ​ഡ് പാ​ലി​ക്കാ​ൻ തീ​രു​മാ​നി​ക്കു​ന്നെ​ങ്കി​ൽ അ​വ​രെ സ്‌​കൂ​ളി​ൽ തു​ട​രാ​ൻ അ​നു​വ​ദി​ക്ക​ണം എ​ന്നീ നി​ർ​ദേ​ശ​ങ്ങ​ളും കോ​ട​തി​വി​ധി​യി​ലു​ണ്ട്.

വി​ധി​പ്ര​സ്താ​വം ന​ട​ത്തി​യ ഹൈ​ക്കോ​ട​തി ജ​സ്റ്റി​സ് മു​ഹ​മ്മ​ദ് മു​ഷ്താ​ഖ്, വി​ദ്യാ​ർ​ഥി​നി​ക​ളു​ടെ ഈ ​ആ​വ​ശ്യ​ത്തി​ൽ സ്‌​കൂ​ൾ മാ​നേ​ജ്‌​മെ​ന്‍റി​ന് നി​ർ​ദേ​ശം പോ​ലും ന​ൽ​കാ​ൻ കോ​ട​തി​ക്കു ക​ഴി​യി​ല്ല എ​ന്നാ​ണ് വ്യ​ക്ത​മാ​ക്കി​യ​ത്. യൂ​ണി​ഫോ​മി​ന്‍റെ കാ​ര്യ​ത്തി​ൽ മാ​നേ​ജ്‌​മെ​ന്‍റ് സ്വീ​ക​രി​ക്കു​ന്ന നി​ല​പാ​ടു​ക​ളോ​ട് യോ​ജി​ക്കാ​ൻ ക​ഴി​യാ​ത്ത​പ​ക്ഷം ടി​സി വാ​ങ്ങി മ​റ്റ് സ്‌​കൂ​ളു​ക​ളി​ലേ​ക്ക് പോ​കാ​വു​ന്ന​താ​ണ് എ​ന്നാ​ണ് ഒ​റ്റ​വാ​ക്യ​ത്തി​ൽ ആ ​കോ​ട​തി​വി​ധി​യു​ടെ സാ​രാം​ശം. വ്യ​ക്ത​മാ​യ നി​ർ​ദേ​ശ​ങ്ങ​ളോ​ടും അ​റി​യി​പ്പു​ക​ളോ​ടും കൂ​ടി​യ സ്‌​കൂ​ൾ ഡ​യ​റി അ​ഡ്മി​ഷ​ൻ വേ​ള​യി​ൽ​ത്ത​ന്നെ കൈ​പ്പ​റ്റി​യ പ​ശ്ചാ​ത്ത​ല​ത്തി​ൽ അ​തി​ന് വി​പ​രീ​ത​മാ​യ വാ​ദ​ഗ​തി​ക​ളൊ​ന്നും നി​ല​നി​ൽ​ക്കി​ല്ല എ​ന്ന മ​റ്റൊ​രു കോ​ട​തി പ​രാ​മ​ർ​ശ​വു​മു​ണ്ട്.

2019ൽ ​മു​സ്ളീം എ​ജ്യു​ക്കേ​ഷ​ണ​ൽ സൊ​സൈ​റ്റി (MES) ത​ങ്ങ​ളു​ടെ സ്ഥാ​പ​ന​ങ്ങ​ളി​ലെ അ​ധി​കാ​രി​ക​ൾ​ക്ക് ന​ൽ​കി​യ സ​ർ​ക്കു​ല​ർ പ്ര​കാ​രം, ആ​ധു​നി​ക​ത​യു​ടെ പേ​രി​ലോ മ​താ​ചാ​ര​പ്ര​കാ​ര​മോ ഉ​ള്ള വ​സ്ത്ര​ധാ​ര​ണ​ങ്ങ​ൾ അ​നു​വ​ദ​നീ​യ​മ​ല്ല എ​ന്ന് വ്യ​ക്ത​മാ​ക്കി​യി​ട്ടു​ണ്ട്. വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ പൊ​തു​വാ​യ ഡ്ര​സ് കോ​ഡി​ന് വി​രു​ദ്ധ​മാ​യി ഒ​രു​വി​ധ​ത്തി​ലു​മു​ള്ള വേ​ഷ​വി​ധാ​ന​ങ്ങ​ളും പാ​ടി​ല്ല എ​ന്ന നി​ല​പാ​ടാ​ണ് 2019 ഏ​പ്രി​ൽ പ​തി​നാ​ലാം തീ​യ​തി​യി​ലെ സ​ർ​ക്കു​ല​റി​ലൂ​ടെ അ​വ​ർ അ​റി​യി​ച്ചി​രി​ക്കു​ന്ന​ത്.

ഇ​തു​വ​രെ​യു​ള്ള കോ​ട​തി​വി​ധി​ക​ളു​ടെ​യും സ്‌​കൂ​ൾ മാ​നേ​ജ്‌​മെ​ന്‍റു​ക​ളു​ടെ മൗ​ലി​കാ​വ​കാ​ശ​ങ്ങ​ളു​ടെ​യും വെ​ളി​ച്ച​ത്തി​ൽ വി​ല​യി​രു​ത്തി​യാ​ൽ ഇ​പ്പോ​ൾ സം​ഭ​വി​ച്ചു​കൊ​ണ്ടി​രി​ക്കു​ന്ന വി​വാ​ദ​ങ്ങ​ൾ പൂ​ർ​ണ​മാ​യും അ​നാ​വ​ശ്യ​മാ​ണെ​ന്നും ഉ​യ​രു​ന്ന വാ​ദ​ഗ​തി​ക​ളി​ൽ ഏ​റെ​യും കോ​ട​തി​യ​ല​ക്ഷ്യ​മാ​ണെ​ന്നും വ്യ​ക്ത​മാ​ണ്. ന്യാ​യം പൂ​ർ​ണ​മാ​യും സ്‌​കൂ​ൾ മാ​നേ​ജ്‌​മെ​ന്‍റു​ക​ളു​ടെ പ​ക്ഷ​ത്താ​യി​രി​ക്കെ ഇ​പ്പോ​ഴു​ള്ള ഇ​ത്ത​രം വി​വാ​ദ​ങ്ങ​ളി​ൽ വ്യ​ക്ത​വും കൃ​ത്യ​വു​മാ​യ ഭ​ര​ണ​കൂ​ട-​നി​യ​മ ഇ​ട​പെ​ട​ലു​ക​ൾ ഉ​ണ്ടാ​കേ​ണ്ട​താ​ണ്.

ക​ത്തോ​ലി​ക്കാ സ​ഭ​യു​ടെ നി​ല​പാ​ടു​ക​ൾ

മ​നു​ഷ്യ ജീ​വി​ത​ത്തി​ലും സാ​മൂ​ഹി​ക വി​ക​സ​ന​ത്തി​ലും വി​ദ്യാ​ഭ്യാ​സം എ​ന്തു​മാ​ത്രം സ്വാ​ധീ​നം ചെലു​ത്തു​ന്നു എ​ന്ന് വ്യ​ക്ത​മാ​യി ഗ്ര​ഹി​ച്ചു​കൊ​ണ്ടാ​ണ് ആ​ഗോ​ള​ത​ല​ത്തി​ൽ ക​ത്തോ​ലി​ക്കാ സ​ഭ വി​ദ്യാ​ഭ്യാ​സ​പ​ര​മാ​യ ന​യ​ങ്ങ​ൾ രൂ​പീ​ക​രി​ച്ചി​രി​ക്കു​ന്ന​തെ​ന്ന് ര​ണ്ടാം വ​ത്തി​ക്കാ​ൻ സു​ന്ന​ഹ​ദോ​സ് വി​ദ്യാ​ഭ്യാ​സ​ത്തെ​ക്കു​റി​ച്ചു​ള്ള പ്ര​മാ​ണ​രേ​ഖ​യു​ടെ ആ​മു​ഖ​ത്തി​ൽ പ​റ​യു​ന്നു.

ഇ​ന്ത്യ​ൻ ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന മ​തേ​ത​ര​ത്വം എ​ന്ന മൂ​ല്യ​ത്തെ മു​റു​കെ​പ്പി​ടി​ച്ചു​കൊ​ണ്ട് നീ​തി​നി​ഷ്ഠ​വും നി​യ​മാ​നു​സൃ​ത​വു​മാ​യാ​ണ് നൂ​റു​ക​ണ​ക്കി​ന് ക​ത്തോ​ലി​ക്കാ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ കേ​ര​ള​ത്തി​ൽ പ്ര​വ​ർ​ത്തി​ക്കു​ന്ന​ത്. ഒ​രു മ​ത​ത്തി​ന്‍റെ​യും ആ​ചാ​രാ​നു​ഷ്ഠാ​ന​ങ്ങ​ളെ​യോ വി​ശ്വാ​സ​ത്തെ​യോ മ​റ്റു മ​ത​വി​ശ്വാ​സി​ക​ളെ​ത്ത​ന്നെ​യോ വി​ല​കു​റ​ച്ചു കാ​ണു​ന്ന ഇ​ടു​ങ്ങി​യ മ​നഃ​സ്ഥി​തി​യ​ല്ല സ​ഭ​യും സ​ഭാ​നേ​തൃ​ത്വ​വും പു​ല​ർ​ത്തി വ​ന്നി​ട്ടു​ള്ള​ത്.

യൂ​ണി​ഫോം പോ​ലു​ള്ള വി​ഷ​യ​ങ്ങ​ളി​ൽ സ്വ​ത​ന്ത്ര​മാ​യി തീ​രു​മാ​ന​ങ്ങ​ളെ​ടു​ക്കാ​നു​ള്ള പൂ​ർ​ണ​മാ​യ അ​ധി​കാ​ര​വും അ​വ​കാ​ശ​വും ഉ​ണ്ടെ​ങ്കി​ലും തി​ക​ഞ്ഞ അ​നു​ഭാ​വ​ത്തോ​ടെ ത​ന്നെ​യാ​ണ് സ​ഭാ​സ്ഥാ​പ​ന​ങ്ങ​ൾ എ​ക്കാ​ല​വും നി​ല​പാ​ടു​ക​ൾ സ്വീ​ക​രി​ച്ചി​ട്ടു​ള്ള​തും. തു​ട​ർ​ന്നും അ​ങ്ങ​നെ ത​ന്നെ​യാ​യി​രി​ക്കും. രാ​ജ്യ​ത്തി​ന്‍റെ സ​മ​ഗ്ര​പു​രോ​ഗ​തി​ക്കും മ​തേ​ത​ര​ത്വ​ത്തി​നും വേ​ണ്ടി നി​ല​കൊ​ള്ളു​ക​യാ​ണ് സ​ഭ​യു​ടെ ല​ക്‌​ഷ്യം. വി​ഭാ​ഗീ​യ​ത​യും വ​ർ​ഗീ​യ​ത​യും വ​ള​ർ​ത്തു​ന്ന വ്യ​ക്തി​ക​ളോ​ടും സ​മൂ​ഹ​ങ്ങ​ളോ​ടും അ​വ​രു​ടെ നി​ല​പാ​ടു​ക​ളോ​ടും സ​മ​ര​സ​പ്പെ​ടാ​ൻ സ​ഭ ഇ​ന്നോ​ളം ത​യാ​റാ​യി​ട്ടി​ല്ലാ​ത്ത​തു​പോ​ലെ തു​ട​ർ​ന്നും അ​പ്ര​കാ​രം ത​ന്നെ​യാ​യി​രി​ക്കും. അ​ത്ത​ര​ക്കാ​രു​ടെ നീ​ക്ക​ങ്ങ​ളെ എ​ല്ലാ​യ്പ്പോ​ഴും ജാ​ഗ്ര​ത​യോ​ടെ വീ​ക്ഷി​ക്കു​ക​യും ഉ​റ​ച്ച നി​ല​പാ​ടു​ക​ളോ​ടെ മു​ന്നോ​ട്ടു​പോ​വു​ക​യും ചെ​യ്യും.

യൂ​ണി​ഫോം വി​വാ​ദം തു​ട​ർ​ക്ക​ഥ​യാ​കു​മ്പോ​ൾ അ​തി​നു പി​ന്നി​ലെ കാ​പ​ട്യ​ത്തി​ന്‍റെ രാ​ഷ്‌​ട്രീ​യ​ത​ന്ത്രം മ​റ​നീ​ക്കി പു​റ​ത്തു​വ​രി​ക​യാ​ണ്. കൂ​ടു​ത​ൽ ആ​ഴ​മു​ള്ള ല​ക്ഷ്യ​ങ്ങ​ളു​മാ​യി ആ​രോ ത​യാ​റാ​ക്കി​യി​രി​ക്കു​ന്ന പ​ദ്ധ​തി​ക​ളു​ടെ ഭാ​ഗ​മാ​ണ് ഈ ​വി​വാ​ദ​ങ്ങ​ൾ എ​ന്നു ക​രു​തു​ന്ന​തി​ൽ തെ​റ്റി​ല്ല. വ​ർ​ഗീ​യ ധ്രു​വീ​ക​ര​ണം കൂ​ടു​ത​ൽ ശ​ക്തി​പ്രാ​പി​ക്കു​ന്ന​തി​നെ​യും ആ​നു​പാ​തി​ക​മാ​യി മ​റ്റു സാ​മൂ​ഹി​ക വെ​ല്ലു​വി​ളി​ക​ൾ വ​ർ​ധി​ക്കു​ന്ന​തി​നെ​യും അ​തീ​വ ഗൗ​ര​വ​മാ​യി​ക്ക​ണ്ട് ന​ട​പ​ടി​ക​ൾ സ്വീ​ക​രി​ക്കാ​ൻ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ ത​യാ​റാ​ക​ണം.

(ലേഖകൻ കെസിബിസി ഐക്യജാഗ്രത കമ്മീഷൻ സെക്രട്ടറിയാണ്)

Advertisements

യുദ്ധം ഒന്നിനും ഒരു പരിഹാരമല്ല

യുദ്ധം ഒന്നിനും ഒരു പരിഹാരമല്ല

അത്യാധുനികായുധങ്ങൾ ധാരാളമായി കൈവശമുള്ള രാജ്യങ്ങൾ, അയൽ രാജ്യങ്ങളിലെ നിരപരാധികളായ മനുഷ്യരുടെ ജീവനെടുക്കുന്ന ഇത്തരം ആക്രമണങ്ങൾ ആർക്കു വേണ്ടി?

ലോക സമാധാനത്തിനു വേണ്ടി നിലകൊള്ളുന്ന UNO തുടങ്ങിയ കൂട്ടായ്മകൾ, മനുഷ്യനാശം വരുത്തുന്ന ഇത്തരം യുദ്ധങ്ങൾ – ഏതു ചേരി ചെയ്താലും , ഇടപെടാൻ മടിച്ചു നിൽക്കുന്നതെന്ത്?

ശക്തിമാൻ ജയിക്കട്ടെ എന്ന് കാണാൻ കാത്തിരിക്കുകയാണോ?

രണ്ടു രാജ്യങ്ങൾക്കും അണ്വായുധ ശേഖര കൂമ്പാരങ്ങൾ സ്വന്തമായുണ്ട് എന്നത് യുദ്ധക്കെടുതികളുടെ കാഠിന്യം തീർച്ചയായും വർദ്ധിപ്പിക്കും, നമ്മുടെ പ്രതീക്ഷയ്ക്കതീതമായി!

യുദ്ധം കഴിഞ്ഞ് നേതാക്കൾ കൈകൊടുത്തു പിരിയുമ്പോൾ,

മാതാപിതാക്കൾ നഷ്ടപ്പെട്ട മക്കൾ,

മക്കൾ നഷ്ടപ്പെട്ട അമ്മമാർ,

ഭർത്താവ് നഷ്ടപ്പെട്ട സ്ത്രികൾ,

ഗൃഹനാഥൻ നഷ്ടപ്പെട്ട കുടുംബങ്ങൾ,

കുടുംബങ്ങളും കിടപ്പാടങ്ങളും നഷ്ടപ്പെട്ടവർ,

തുടങ്ങിയവരുടെ സങ്കടങ്ങൾക്ക് ആര് പരിഹാരം കാണും?

ലോകസമാധാനത്തിനായി ഇറങ്ങിത്തിരിക്കാൻ ത്രാണിയുള്ള സ്റ്റേറ്റ്സ്മാന്മാരുടെ തലമുറ അന്യം നിന്നുപോയോ?

ലോകാരാധ്യനായ ഫ്രാൻസീസ് പാപ്പാ റഷ്യൻ എംബസിയിൽ കടന്നു ചെന്ന് യുദ്ധം നിർത്തണമെന്ന് അപേക്ഷിച്ചു.

ഭാരതത്തിലെ 130 കോടി ജനങ്ങളും തങ്ങൾക്ക് ലഭ്യമായ മാധ്യമങ്ങളിലൂടെ അപേക്ഷിക്കുക – യുദ്ധം ചെയ്യുന്ന രാജ്യത്തോട്, ഈ മനുഷ്യക്കുരുതി നിർത്താൻ!

മാർച്ച് 2 ബുധൻ ഉപവസിച്ച് പ്രാർത്ഥിക്കുക, യുദ്ധക്കൊതിയന്മാരുടെ മാനസാന്തരത്തിനായി !

അഡ്വ. ജോസി സേവ്യർ, കൊച്ചി
+91 94471 37799

Advertisements

ച​രി​ത്രം: ചു​വ​രെ​ഴു​ത്തും ചൂ​ണ്ടു​പ​ല​ക​യും!

ച​രി​ത്രം: ചു​വ​രെ​ഴു​ത്തും ചൂ​ണ്ടു​പ​ല​ക​യും!

ഫാ. ​വ​ർ​ഗീ​സ് വ​ള്ളി​ക്കാ​ട്ട്

ഈ​ജി​പ്തി​ലെ സൂയ​സ് ക​നാ​ൽ പ്ര​വി​ശ്യ​യു​ടെ ത​ല​സ്ഥാ​ന​മാ​യി​രു​ന്ന ഇ​സ്മാ​യീ​ലി​യ​യി​ലെ ഒ​രു പ്രൈ​മ​റി സ്‌​കൂ​ൾ അ​ധ്യാ​പ​ക​നാ​യി​രു​ന്നു, 1928 ൽ ​കേ​വ​ലം 22 വ​യ​സു​കാ​ര​നാ​യി​രു​ന്ന ഹ​സ്സ​ൻ അ​ൽ ബ​ന്ന. ബ്രി​ട്ടീ​ഷ് ഭ​ര​ണ​ത്തി​ൻ​കീ​ഴി​ൽ ന​ട​ന്നു​വ​ന്നി​രു​ന്ന ഈ​ജി​പ്തി​ന്‍റെ പാ​ശ്ചാ​ത്യ​വ​ത്ക്ക​ര​ണ​ത്തി​ൽ ഏ​റെ അ​സ്വ​സ്ഥ​നാ​യി​രു​ന്നു ബ​ന്ന. 1924 ൽ ​തു​ർ​ക്കി ഖാ​ലി​ഫേ​റ്റ് നി​ർ​ത്ത​ലാ​ക്കി​യ അ​താത്തു​ർ​ക്കി​ന്‍റെ ന​ട​പ​ടി അ​ന്നു വി​ദ്യാ​ർ​ഥിയാ​യി​രു​ന്ന ബ​ന്ന​യെ ഏ​റെ പ്ര​കോ​പി​പ്പി​ച്ചു. ഇ​സ്ലാ​മി​ക ലോ​ക​ത്തോ​ടു​ള്ള പ​ടി​ഞ്ഞാ​റി​ന്‍റെ വ​ഞ്ച​ന​യും ഇ​സ്ലാ​മി​നോ​ടു​ള്ള യു​ദ്ധ പ്ര​ഖ്യാ​പ​ന​വു​മാ​യാ​ണ് ബ​ന്ന അ​തി​നെ ക​ണ്ട​ത്. ഈ​ജി​പ്റ്റി​ലെ അ​ൽ അ​സ്ർ യൂ​ണി​വേ​ഴ്സി​റ്റി കേ​ന്ദ്ര​മാ​യി വ​ള​ർ​ന്നു​വ​ന്ന ഇ​സ്ലാ​മി​ക പു​ന​രു​ജ്ജീ​വ​നചി​ന്ത​യു​ടെ പ്ര​ണേ​താ​ക്ക​ളി​ൽ പ്ര​മു​ഖ​നാ​യി​രു​ന്ന റ​ഷീ​ദ് റീ​ദ്ദ​യു​ടെ ചി​ന്ത​ക​ളി​ൽ ആ​കൃ​ഷ്ട​നാ​യ ബ​ന്ന, ഇ​സ്ലാ​മി​ക പു​ന​രു​ജ്ജീ​വ​ന ചി​ന്ത​യെ ഒ​രു പ്ര​ത്യ​യ​ശാ​സ്ത്ര ച​ട്ട​ക്കൂ​ടി​ൽ വി​ക​സി​പ്പി​ക്കു​ന്ന​തി​ൽ ശ്ര​ദ്ധ​യൂ​ന്നി.

പ്ര​വാ​ച​കച​ര്യ​യു​ടെ വ​ഴി​യി​ൽ

ഇ​സ്ലാ​മി​ന്‍റെ പ്ര​വാ​ച​ക​നാ​യ മു​ഹ​മ്മ​ദി​ന്‍റെ​യും അ​ദ്ദേ​ഹ​ത്തി​ന്‍റെ വി​ശ്വ​സ്ത അ​നു​യാ​യി​ക​ളു​ടെ​യും ച​ര്യ​ക​ൾ പിന്തുട​ർ​ന്നു​കൊ​ണ്ട്, ഇ​സ്ലാ​മി​ന്‍റെ പ്രാ​മാ​ണി​ക ഗ്ര​ന്ഥ​മാ​യ ഖു​ർ ആ​നി​ന്‍റെയും ശ​രി​യ​ത്ത് നി​യ​മ​ങ്ങ​ളു​ടെ​യും മാ​ർ​ഗ​ത്തി​ൽ, മാ​തൃരാ​ജ്യ​ത്തെ ഒ​രു “ഇ​സ്ലാ​മി​ക് സ്റ്റേ​റ്റാ​’ക്കിമാ​റ്റു​ന്ന​തി​നു​ള്ള പ​ദ്ധ​തി​ക്ക് അ​ദ്ദേ​ഹം രൂ​പം ന​ൽ​കി. അ​ല്ലാ​ഹു​വി​ന്‍റെ മാ​ർ​ഗ​ത്തി​ൽ “ജി​ഹാ​ദ്’ ന​ട​ത്താ​നും അ​നി​സ്ലാ​മി​ക​മാ​യ രാഷ്‌ട്രീയ രൂ​പ​ങ്ങ​ളെ ഉ​ന്മൂ​ല​നം ചെ​യ്യാ​നു​മാ​യി, ഇ​സ്ലാ​മി​കസ​മൂ​ഹം ഒ​രു സം​ഘ​ടി​തശ​ക്തി​യാ​യി മു​ന്നേ​റേ​ണ്ട​തി​ന്‍റെ ആ​വ​ശ്യ​ക​ത​യെ അ​വ​ത​രി​പ്പി​ച്ചു​കൊ​ണ്ട്, 1928 ൽ ​അ​ദ്ദേ​ഹം “ഇ​സ്ലാ​മി​ക് ബ്ര​ദ​ർ​ഹു​ഡ്’എ​ന്ന സം​ഘ​ട​ന​യ്ക്കു രൂ​പം ന​ൽ​കി.

പ്ര​സ്ഥാ​ന​ത്തി​ന്‍റെ തു​ട​ക്കം ല​ളി​ത​വും ജ​ന​കീ​യ​വും പ​രോ​പ​കാ​ര പ്ര​വൃ​ത്തി​ക​ളി​ൽ അ​ധി​ഷ്ഠി​ത​വു​മാ​യി​രു​ന്നു. ഇ​സ്മാ​യീ​ലി​യ​യി​ലെ ചാ​യ​ക്ക​ട​ക​ളി​ൽ വ​ന്നു​കൂ​ടി​യ തൊ​ഴി​ലാ​ളി​ക​ളോ​ട് അ​ദ്ദേ​ഹം ത​ന്‍റെ ആ​ശ​യ​ങ്ങ​ൾ പ​ങ്കു​വ​ച്ചു. വി​ദേ​ശ മേ​ലാ​ള​ന്മാ​രി​ൽ​നി​ന്നും അ​നീ​തി​ക​ൾ​ക്കി​ര​യാ​യ ഏ​താ​നും തൊ​ഴി​ലാ​ളി​ക​ൾ അ​ദ്ദേ​ഹ​ത്തോ​ടൊ​പ്പം ചേ​ർ​ന്നു. ഇ​സ്ലാ​മി​ന്‍റെ സാ​ഹോ​ദ​ര്യ ആ​ദ​ർ​ശ​ത്തെ പു​ന​രു​ദ്ധ​രി​ക്കാ​നും അ​നീ​തി​ക്കെ​തി​രേ പൊ​രു​താ​നും അ​വ​ർ നി​ശ്ച​യി​ച്ചു.

രാ​ജ്യ​ത്തി​ന്‍റെ​യും ഇ​സ്ലാ​മി​ക സ​മൂ​ഹ​ത്തി​ന്‍റെ​യും ആ​ത്മാ​ഭി​മാ​നം വീ​ണ്ടെ​ടു​ക്കാ​നാ​യി “ജി​ഹാ​ദി’​ന്‍റെ മാ​ർ​ഗ​ത്തി​ൽ സ്വ​യം സ​മ​ർ​പ്പി​ക്കാ​ൻ അ​വ​ർ പ്ര​തി​ജ്ഞ​യെ​ടു​ത്തു. അ​ങ്ങ​നെ​യാ​ണ് “ഇ​സ്ലാ​മി​ക് ബ്ര​ദ​ർ​ഹു​ഡ്’ പി​റ​ന്നു​വീ​ണ​ത്!പരോപകാര പ്ര​വ​ർ​ത്ത​ന​ങ്ങ​ളി​ലൂ​ടെ ജ​ന​ങ്ങ​ളി​ലേ​ക്ക് ഇ​റ​ങ്ങി​ച്ചെ​ന്നു​കൊ​ണ്ടാ​ണ് ബ്ര​ദ​ർ​ഹു​ഡ് അ​തി​ന്‍റെ പ്ര​വ​ർ​ത്ത​ന​ങ്ങ​ൾ​ക്കു തു​ട​ക്കം കു​റി​ച്ച​ത്. തീ​വ്രഭ​ക്തി​യു​ടെ ഒ​രു മ​താ​ത്മ​കത​ല​വും പ്ര​വ​ർ​ത്ത​ക​രി​ൽ ക്ര​മേ​ണ ശ​ക്തി​യാ​ർ​ജി​ച്ചു വ​ന്നു. “ഇ​സ്ലാ​മി​ന്‍റെ ത​നി​മ’യി​ലേ​ക്കു സ​മൂ​ഹ​ത്തെ തി​രി​കെ​യെ​ത്തി​ക്കാ​നും സ​മൂ​ഹ​ത്തി​ലെ ഏ​റ്റ​വും താ​ഴേ​ക്കി​ട​യി​ലു​ള്ള​വ​രു​ടെ ദു​രി​ത​ങ്ങ​ളി​ൽ അ​വ​രോ​ടൊ​പ്പം​നി​ന്നു പ്ര​വ​ർ​ത്തി​ക്കാ​നും ബ്ര​ദ​ർ​ഹു​ഡ് പ്ര​വ​ർ​ത്ത​ക​ർ ശ്ര​ദ്ധ​വ​ച്ചു. ഇ​ത് ബ്ര​ദ​ർ​ഹു​ഡി​ന് സ​മൂ​ഹ​ത്തി​ലും ജ​ന​ഹൃ​ദ​യ​ങ്ങ​ളി​ലും ആ​ഴ​ത്തി​ൽ വേ​രോ​ട്ട​മു​ണ്ടാ​ക്കി. ക്ര​മേ​ണ സം​ഘ​ട​ന ജ​ന​സാ​മാ​ന്യ​ത്തി​നി​ട​യി​ൽ ശ​ക്ത​മാ​യ ഒ​രു ജ​ന​കീ​യ പ്ര​സ്ഥാ​ന​മാ​യി വ​ള​ർ​ന്നു​വ​ന്നു.

ഇ​സ്ലാ​മി​ക​വ​ത്ക്ക​ര​ണം സ​മ​സ്തമേ​ഖ​ല​ക​ളി​ലും

ആ​രോ​ഗ്യ, വി​ദ്യാ​ഭ്യാ​സ രം​ഗ​ങ്ങ​ളി​ലേ​ക്കും സാ​മൂ​ഹി​കജീ​വി​ത​ത്തി​ന്‍റെ എ​ല്ലാ ത​ല​ങ്ങ​ളി​ലേ​ക്കും ബ്ര​ദ​ർ​ഹുഡ് അ​തി​ന്‍റെ പ്ര​വ​ർ​ത്ത​ന​ങ്ങ​ൾ വ്യാ​പി​പ്പി​ച്ചു. ജീ​വി​ത​ത്തി​ന്‍റെ എ​ല്ലാ മേ​ഖ​ല​ക​ളും ഇ​സ്ലാ​മി​കത​ത്വ​ങ്ങ​ൾ​ക്ക​നു​സൃ​ത​മാ​കേ​ണ്ട​തി​ന്‍റെ ആ​വ​ശ്യ​ക​ത ബ്ര​ദ​ർ​ഹു​ഡ് പ്ര​വ​ർ​ത്ത​ക​ർ ജ​ന​ഹൃ​ദ​യ​ങ്ങ​ളി​ൽ പ​തി​പ്പി​ക്കാ​ൻ പ​രി​ശ്ര​മി​ച്ചു. അ​ങ്ങ​നെ, ഏ​ക​ദേ​ശം ഒ​രു പ​തി​റ്റാ​ണ്ടു​കൊ​ണ്ട് ഈ​ജി​പ്ഷ്യ​ൻ ജീ​വി​ത​ത്തി​ന്‍റെ എ​ല്ലാ മേ​ഖ​ല​ക​ളി​ലേ​ക്കും പ​ട​ർ​ന്നു​ക​യ​റി, ജ​ന​ഹൃ​ദ​യ​ങ്ങ​ളി​ൽ ത​ങ്ങ​ളു​ടെ രാ​ഷ്‌്ട്രീയലക്ഷ്യം സു​ദൃ​ഢ​മാ​യി പ​തി​പ്പി​ക്കു​വാ​ൻ ഇ​സ്ലാ​മി​ക് ബ്ര​ദ​ർ​ഹു​ഡി​ന് ക​ഴി​ഞ്ഞു.

ചാ​രി​റ്റി​ മു​ത​ൽ സാ​യു​ധ സ​മ​രം​വ​രെ

ഇ​തി​നോ​ട​കം, സം​ഘ​ട​ന അ​തി​ന്‍റെ രാഷ്‌ട്രീയ ല​ക്ഷ്യ​ത്തി​ലേ​ക്കു ചു​വ​ടു​ക​ൾ വ​ച്ചു​തു​ട​ങ്ങി. ഈ​ജി​പ്തി​നെ ശ​രി​യത്ത് നി​യ​മ​ത്തി​ൻ​കീ​ഴി​ൽ ഒ​രു ഇ​സ്ലാ​മി​ക രാഷ്‌ട്രമാ​ക്കി (ഇ​സ്ലാ​മി​ക് സ്റ്റേ​റ്റ്) മാ​റ്റു​ന്ന​തി​നു​ള്ള അ​ണി​യ​റ പ്ര​വ​ർ​ത്ത​ന​ങ്ങ​ൾ ശ​ക്ത​മാ​വു​ക​യാ​യി​രു​ന്നു. സം​ഘ​ട​ന​യി​ൽ ഒ​രു ര​ഹ​സ്യ സാ​യു​ധസേ​ന​ക്ക് ബ്ര​ദ​ർ​ഹു​ഡ് രൂ​പം ന​ൽ​കി. ഇ​സ്ലാ​മി​ക സ​മൂ​ഹ നി​ർ​മ്മി​തി ല​ക്ഷ്യ​മാ​ക്കി ക്ര​മാ​നു​ഗ​ത​മാ​യി ന​ട​പ്പി​ലാ​ക്കേ​ണ്ടുന്ന സാ​മൂ​ഹ്യ – സാ​മ്പ​ത്തി​ക – രാഷ്‌ട്രീയ മാ​റ്റ​ങ്ങ​ൾ സം​ഘ​ട​ന വി​ഭാ​വ​നം ചെ​യ്തു. ഇ​സ്ലാ​മി​ക ധാ​ർ​മി​ക​ത​യും നൈ​തി​ക​ത​യും രാഷ്‌ട്രത്തി​ന്‍റെ മാ​ന​ദ​ണ്ഡ​മാ​ക്കാ​ൻ ബ​ന്ന ഈ​ജി​പ്ഷ്യ​ൻ ഭ​ര​ണ​കൂ​ട​ത്തെ നി​ർ​ബ​ന്ധി​ച്ചു. സ്വാ​ത​ന്ത്ര്യ​ത്തി​നു ശേ​ഷ​വും ഈ​ജി​പ്തി​ൽ സ്വാ​ധീ​ന​മു​റ​പ്പി​ച്ചി​രു​ന്ന കൊ​ളോ​ണി​യ​ൽ ശ​ക്തി​ക​ൾ​ക്കെ​തി​രേ ആ​യു​ധ​മേ​ന്തി ജി​ഹാ​ദി​ൽ ഏ​ർ​പ്പെ​ടാ​നു​ള്ള ക​ർ​ത്ത​വ്യ​ത്തി​ൽ​നി​ന്ന് ഒ​രു മു​സ്‌​ലി​മി​നും ഒ​ഴി​വി​ല്ലെ​ന്നു സം​ഘ​ട​ന നി​ല​പാ​ടെ​ടു​ത്തു. ബ്ര​ദ​ർ​ഹുഡ് ഈ​ജി​പ്തി​ന്‍റെ ഭ​ര​ണം പി​ടി​ക്കു​ന്ന​തി​നു​ള്ള നീ​ക്ക​ങ്ങ​ളാ​രം​ഭി​ച്ചു.

ഈ​ജി​പ്തി​ൽ പ്ര​വ​ർ​ത്ത​ന​ങ്ങ​ൾ ദ്രുതഗ​തി​യി​ൽ മു​ന്നേ​റു​മ്പോ​ൾ​ത്ത​ന്നെ, 1936 മു​ത​ൽ 39 വ​രെ ന​ട​ന്ന പ​ല​സ്തീ​ൻ-യ​ഹൂ​ദ പോ​രാ​ട്ട​ത്തി​ലും 1948 ലെ ​അ​റ​ബ്-ഇ​സ്രാ​യേ​ൽ യു​ദ്ധ​ത്തി​ലും പ​ല​സ്തീ​നൊ​പ്പം നി​ല​കൊ​ണ്ട ബ്ര​ദ​ർ​ഹുഡ്, അ​ര​ങ്ങി​ലും അ​ണി​യ​റ​യി​ലും നി​ർ​ണാ​യ​ക ശ​ക്തി​യാ​യി. പ​ല​സ്തീ​ൻ പ്ര​ശ്നം അ​റ​ബ് രാ​ജ്യ​ങ്ങ​ളു​ടെ ഒ​രു പൊ​തു​വി​ഷ​യ​മാ​ക്കി വ​ള​ർ​ത്തി​യെ​ടു​ക്കു​ന്ന​തി​ലും യ​ഹൂ​ദ​ർ​ക്കെ​തി​രേ പ​ല​സ്തീ​ൻ ജ​ന​ത​യെ മു​ൻ​നി​ർ​ത്തി അ​റ​ബ് രാ​ജ്യ​ങ്ങ​ളു​ടെ സ​ഖ്യം രൂ​പീ​ക​രി​ക്കു​ന്ന​തി​ലും ബ്ര​ദ​ർ​ഹുഡി​ന്‍റെ ത​ന്ത്ര​ങ്ങ​ൾ വി​ജ​യം ക​ണ്ടു. 1948 ൽ ​ഈ​ജി​പ്ഷ്യ​ൻ പ്ര​ധാ​ന​മ​ന്ത്രി​യാ​യി​രു​ന്ന മു​ഹ​മ്മ​ദ്‌ ന​ക്രാ​ഷി​യെ വ​ധി​ച്ചു​കൊ​ണ്ട് ബ്ര​ദ​ർ​ഹു​ഡ് ഈ​ജി​പ്തി​ന്‍റെ​മേ​ലു​ള്ള പി​ടി​മു​റു​ക്കി.

ഹ​മാ​സി​ന്‍റെ ജ​ന​നം

1948 ൽ ​ഇ​സ്രാ​യേ​ൽ രൂ​പീ​കൃ​ത​മാ​യ​തി​നെ​ത്തു​ട​ർ​ന്നു പ​ല​സ്തീ​നി​ൽ വേ​രു​റ​പ്പി​ച്ച ഇ​സ്ലാ​മി​ക് ബ്ര​ദ​ർ​ഹു​ഡ് രൂ​പം​കൊ​ടു​ത്ത “ഹ​മാ​സ്’അ​ക്ഷ​രാ​ർ​ത്ഥ​ത്തി​ൽ​ത്ത​ന്നെ, ഇ​സ്ലാ​മി​ക് ബ്ര​ദ​ർ​ഹു​ഡി​ന്‍റെ പ​ല​സ്തീ​നി​യ​ൻ മു​ഖ​വും ഇ​സ്ര​യേ​ലി​നെ​തി​രേ​യു​ള്ള ആ​ഗോ​ള ഇ​സ്ലാ​മി​ക സ​ഖ്യ​ത്തി​ന്‍റെ രാഷ്‌ട്രീയരൂ​പ​വു​മാ​യി മാ​റു​ക​യാ​യി​രു​ന്നു. ഇ​സ്ലാ​മി​ക് ബ്ര​ദ​ർ​ഹു​ഡി​ന്‍റെ​തു​പോ​ലെ, ചാ​രി​റ്റി, രാ​ഷ്‌​ടീ​യം, സാ​യു​ധപോ​രാ​ട്ടം എ​ന്നീ ത്രി​വി​ധ ത​ല​ങ്ങ​ളും, ഓ​രോ വി​ഭാ​ഗ​ത്തി​നും പ്ര​ത്യേ​ക നേ​തൃ​നി​ര​യു​മു​ള്ള ഒ​രു സ​ങ്കീ​ർ​ണ സം​ഘ​ട​നാ സം​വി​ധാ​ന​മാ​ണ് ഹ​മാ​സി​നു​മു​ള്ള​ത്.

ഒ​രു സം​ഘ​ട​ന​യാ​യി​രി​ക്കു​മ്പോ​ൾ​ത്ത​ന്നെ ഈ ​മൂ​ന്നു​ത​ല​ങ്ങ​ളും സ്വ​ത​ന്ത്ര​മാ​യി പ്ര​വ​ർ​ത്തി​ക്കു​ക​യും അ​ത്ഭു​ത​ക​ര​മാം​വ​ണ്ണം ഏ​കോ​പി​പ്പി​ക്ക​പ്പെ​ടു​ക​യും ചെ​യ്യു​ന്ന ഹ​മാ​സി​ന്‍റെ ഏ​റ്റ​വും വ​ലി​യ ശ​ക്തി ചാ​രി​റ്റി പ്ര​വ​ർ​ത്ത​ന​ങ്ങ​ളി​ലൂ​ടെ വ​ള​ത്തി​യെ​ടു​ക്കു​ന്ന ജ​ന​പി​ന്തു​ണ ത​ന്നെ​യാ​ണ്. ഇ​സ്ര​യേ​ലി​നെ ഉ​ന്മൂ​ല​നം ചെ​യ്യു​ക എ​ന്ന ഏ​ക​ല​ക്ഷ്യം മു​ൻ​നി​ർ​ത്തി ക​രു​ക്ക​ൾ നീ​ക്കു​ന്ന ഹ​മാ​സി​ന്‍റെ മു​ഖ്യ ശ​ത്രു ഇ​സ്രാ​യേ​ലാ​ണെ​ങ്കി​ലും ജ​ന​പി​ന്തു​ണ​യി​ൽ പ​ര​സ്പ​രം മ​ത്സ​രി​ക്കു​ന്ന ഇ​ത​ര പ​ല​സ്തീ​നി​യ​ൻ സം​ഘ​ട​ന​ക​ളു​മാ​യും അ​തു നി​ര​ന്ത​രം സം​ഘ​ർ​ഷ​ത്തി​ലാ​ണ്. ജ​ന​പി​ന്തു​ണ​യി​ൽ ഹ​മാ​സ് ഇ​ത​ര സം​ഘ​ട​ന​ക​ൾ​ക്ക് ബ​ഹു​ദൂ​രം മു​ന്നി​ൽ നി​ൽ​ക്കു​ന്ന​തി​നു വേ​റെ​യും കാ​ര​ണ​ങ്ങ​ളു​ണ്ട്. അ​തി​ൽ മു​ഖ്യ​മാ​യ​ത്, ഇ​സ്ലാ​മി​ക ലോ​ക​ത്തി​ന്‍റെ മ​ത​വി​കാ​ര​ത്തെ ഏ​റ്റ​വും ഫ​ല​പ്ര​ദ​മാ​യി വി​നി​യോ​ഗി​ക്കാ​നു​ള്ള അ​തി​ന്‍റെ ശേ​ഷി​ത​ന്നെ​യാ​ണ്.

പ​ല​സ്തീ​ൻ വി​ഷ​യ​ത്തെ മു​സ്‌​ലിം ലോ​ക​ത്തി​ന്‍റെ ഒ​രു വൈ​കാ​രി​ക പ്ര​ശ്ന​മാ​ക്കി മാ​റ്റു​ന്ന​തി​ൽ ഹ​മാ​സ് അത്ഭു​ത​ക​ര​മാ​യ മി​ക​വാ​ണ് കാ​ട്ടു​ന്ന​ത്! 1988 ൽ ​പ്ര​സി​ദ്ധീ​ക​രി​ച്ച ഹ​മാ​സി​ന്‍റെ ചാ​ർ​ട്ട​ർ, 11-ാം ന​മ്പ​റി​ൽ, ഇ​സ്രാ​യേ​ൽ ഉ​ൾ​പ്പെ​ടു​ന്ന സ​മ്പൂ​ർ​ണപ​ല​സ്തീ​നി​നെ മു​സ്‌​ലിം ലോ​ക​ത്തി​നു “അ​ള്ളാ​ഹു ന​ൽ​കി​യ വ​ഖ​ഫാ’​യി പ്ര​ഖ്യാ​പി​ച്ചി​രി​ക്കു​ന്നു! അ​ങ്ങനെ, ഇ​സ്ലാ​മി​ൽ വി​ശ്വ​സി​ക്കു​ന്ന എ​ല്ലാ ജ​ന​ത​യു​ടെ​യും മ​ത​പ​ര​മാ​യ ഒ​രു പ്ര​ശ്ന​മാ​യി പ​ല​സ്തീ​ൻ പ്ര​ശ്ന​ത്തെ മാ​റ്റി​യെ​ടു​ക്കു​ന്ന​തി​ൽ ഹ​മാ​സ് വി​ജ​യം​ക​ണ്ടു! “അ​ല്ലാ​ഹു​വി​ന്‍റെ വ​ഖ​ഫ്’ ജൂ​ത​ന്മാ​രാ​യ കാ​ഫി​റു​ക​ളി​ൽ​നി​ന്നും മോ​ചി​പ്പി​ക്കു​ക എ​ന്ന​ത്, അ​ങ്ങ​നെ, സ​ക​ല മു​സ്‌ലിങ്ങ​ളു​ടെ​യും ബാ​ധ്യ​ത​യാ​യി​ത്തീ​ർ​ന്നി​രി​ക്കു​ന്നു! എ​ന്തു​കൊ​ണ്ടാ​ണ്, പ​ല​സ്തീ​ൻ പ്ര​ശ്നം ഇ​ങ്ങു കേ​ര​ള​ത്തി​ൽ​പോ​ലും, ഒ​രു അ​തി വൈ​കാ​രി​ക പ്ര​ശ്ന​മാ​യി മാ​റു​ന്ന​ത് എ​ന്ന്‌ ഇ​തു വ്യ​ക്ത​മാ​ക്കു​ന്നു.

ത്രി​മാ​ന മു​ഖ​ങ്ങ​ളു​ടെ ആഗോ​ള​വ​ത്​ക്ക​ര​ണം

ഈ​ജി​പ്തി​ൽ ഇ​സ്ലാ​മി​ക് ബ്ര​ദ​ർ​ഹു​ഡ് ആ​വി​ഷ്ക​രി​ച്ച, ത്രി​വി​ധ മാ​ർ​ഗ​ങ്ങ​ളി​ലൂ​ടെ​യു​ള്ള ഇ​സ്ലാ​മി​ക രാഷ്‌ട്രസ്ഥാ​പ​ന മാ​തൃ​ക, ഇ​ന്ന് ആ​ഗോ​ള​ത​ല​ത്തി​ൽ​ത്ത​ന്നെ പൊ​ളി​റ്റി​ക്ക​ൽ ഇ​സ്ലാ​മി​ന്‍റെ അം​ഗീ​കൃ​ത രൂ​പ​മാ​യി വ​ള​ർ​ന്നി​രി​ക്കു​ന്നു. ഇ​ക്കാ​ര്യ​ത്തി​ൽ, സു​ന്നി-​ഷി​യാ വ്യ​ത്യാ​സ​ങ്ങ​ൾ ബാ​ധ​ക​മ​ല്ല എ​ന്ന​തി​ന്‍റെ ഉ​ദാ​ഹ​ര​ണ​മാ​ണ്, ജോ​ർ​ദാ​നി​ലെ ഹി​സ്ബു​ല്ല​യു​ടെ​യും ഇ​ന്ത്യ​യി​ലെ ജ​മാ​അ​ത്തെ ഇ​സ്ലാ​മി​യു​ടെ​യും ആ​ഗോ​ള​ത​ല​ത്തി​ൽ പ്ര​വ​ർ​ത്തി​ക്കു​ന്ന നൂ​റു​ക​ണ​ക്കി​ന് ഇ​ത​ര ഇ​സ്ലാ​മി​സ്റ്റ് പ്ര​സ്ഥാ​ന​ങ്ങ​ളു​ടെ​യും സം​ഘ​ട​നാ രൂ​പ​വും പ്ര​വ​ർ​ത്ത​ന രീ​തി​ക​ളും! ആ​ഴ​ത്തി​ലു​ള്ള പ​ഠ​ന​ത്തി​നും വി​ശ​ക​ല​ന​ങ്ങ​ൾ​ക്കും വി​ധേ​യ​മാ​യി​ട്ടു​ള്ള പൊ​ളി​റ്റി​ക്ക​ൽ ഇ​സ്ലാ​മി​ന്‍റെ രാഷ്‌ട്രീയ രൂ​പ​ങ്ങ​ൾ ഇ​ന്ന് ഒ​രു ര​ഹ​സ്യ​മ​ല്ല. “ഹാ​ൻ​ഡ്‌​ബു​ക് ഓ​ഫ് പൊ​ളി​റ്റി​ക്ക​ൽ ഇ​സ്ലാം” എ​ന്ന ഗ്ര​ന്ഥം ഇ​തി​ന്‍റെ ഒ​രു സ​മ​ഗ്ര ചി​ത്രം അ​നാ​വ​ര​ണം ചെ​യ്യു​ന്നു​ണ്ട്.

ശ​ക്തി​പ്രാ​പി​ക്കു​ന്ന സ​ല​ഫി-​വ​ഹാ​ബി മ​താ​ത്മ​ക​ത

19, 20 നൂ​റ്റാ​ണ്ടു​ക​ളി​ലു​ണ്ടാ​യ ഇ​സ്ലാ​മി​ക പു​ന​രു​ജ്ജീ​വ​ന ചി​ന്ത​യു​ടെ​യും രാഷ്‌ട്രീയ ഉ​ണ​ർ​വി​ന്‍റെ​യും ഫ​ല​മാ​യി വ​ള​ർ​ന്നു​വ​ന്ന സ​ല​ഫി-​വ​ഹാ​ബി ചി​ന്ത​യു​ടെ അ​തി​പ്ര​സ​രം, ആ​ഗോ​ള​ത​ല​ത്തി​ൽ എ​ന്ന​പോ​ലെ ഇ​ങ്ങു കേ​ര​ള​ത്തി​ലും, നി​ര​വ​ധി മ​ത-​രാഷ്‌ട്രീയ പ്ര​സ്ഥാ​ന​ങ്ങ​ൾ​ക്കു രൂ​പം ന​ൽ​കി​യി​ട്ടു​ണ്ട്. ഇ​ന്ത്യ​യി​ൽ ഇ​ന്ന് നി​ല​നി​ൽ​ക്കു​ന്ന ഹി​ന്ദു​ത്വ രാഷ്‌്ട്രീയ​ത്തി​ന്‍റെ സ്വാ​ധീ​ന​ത്തി​ൽ ഈ ​പ്ര​സ്ഥാ​ന​ങ്ങ​ൾ ത​ഴ​ച്ചു വ​ള​രു​ന്ന​തി​ൽ അ​ത്ഭു​ത​മി​ല്ല. ബൃ​ഹ​ദാ​ഖ്യാ​ന​ങ്ങ​ൾ അ​പ്ര​സ​ക്ത​മാ​ക്കു​ന്ന പോ​സ്റ്റ് മോ​ഡേ​ൺ ചി​ന്താ​ലോ​ക​ത്ത്, ഐ​ഡി​യോ​ള​ജി​ക​ൾ ത​ക​ർ​ന്ന​ടി​യു​ക​യും ഐ​ഡ​ന്‍റിറ്റി​ക്കു​വേ​ണ്ടി​യു​ള്ള ത്വ​ര തീ​വ്ര​ത​ര​മാ​വു​ക​യും ചെ​യ്യു​മ്പോ​ൾ, ആ​ഗോ​ള​ത​ല​ത്തി​ൽ​ത​ന്നെ മ​താ​ധി​ഷ്ഠി​ത രാഷ്‌ട്രീയ രൂ​പ​ങ്ങ​ൾ ശ​ക്തി​പ്രാ​പി​ക്കാ​നു​ള്ള സാ​ധ്യ​ത വ​ർ​ധി​ച്ചു​വ​രി​ക​യാ​ണ്.

ജ​നാ​ധി​പ​ത്യ​ത്തി​ലേ​ക്ക്

തീ​വ്ര ഇ​സ്ലാ​മി​ക രാ​ഷ്‌ട്രീയ​ത്തെ ഫ​ല​പ്ര​ദ​മാ​യി നേ​രി​ടാ​ൻ ക​ഴി​യ​ണ​മെ​ങ്കി​ൽ, ജ​നാ​ധി​പ​ത്യം, മ​നു​ഷ്യ ച​രി​ത്ര​ത്തി​ൽ ന​ട​ന്ന രാ​ഷ്‌്ട്രീയ രൂ​പപ​രി​ണാ​മ​ങ്ങ​ളി​ൽ, അ​വ​സാ​ന​ത്തേ​താ​ണ് (ഏ​റ്റ​വും ഉ​ന്ന​ത​മാ​ണ്) എ​ന്ന ഫ്രാ​ൻ​സി​സ് ഫു​ക്കു​യാ​മ​യു​ടെ ദ​ർ​ശ​ന​ത്തെ ലോ​കം ഗൗ​ര​വ​പൂ​ർ​വം ച​ർ​ച്ച ചെ​യ്യ​ണം. ഇ​ത​ര രാ​ഷ്ട്രീ​യ രൂ​പ​ങ്ങ​ളെ​ല്ലാം​ത​ന്നെ സ​മ​ഗ്രാ​ധി​പ​ത്യ​ത്തി​ലേ​ക്കും സ​ർ​വാ​ധി​പ​ത്യ​ത്തി​ലേ​ക്കും അ​ടി​മ​ത്തത്തി​ലേ​ക്കു​മു​ള്ള ചു​വ​ടു​വ​യ്്പു​ക​ളാ​യി​രു​ന്നു എ​ന്ന ഫു​ക്കു​യാ​മ​യു​ടെ ദ​ർ​ശ​ന​ത്തെ വ​സ്തു​നി​ഷ്ഠ​മാ​യി വി​ല​യി​രു​ത്ത​ണം.

ഗോ​ത്ര ഭ​ര​ണ​വും, തി​യോ​ക്ര​സി​യു​ടെ​യും സ്വേ​ച്ഛാ​ധി​പ​ത്യ​ത്തി​ന്‍റെ​യും വി​വി​ധ രൂ​പ​ങ്ങ​ളും സ​ർ​വാ​ധി​പ​ത്യ പ്ര​വ​ണ​ത​യു​ള്ള പ്ര​ത്യ​യ​ശാ​സ്ത്ര​ങ്ങ​ളും ച​രി​ത്ര​ത്തി​ന്‍റെ വി​വി​ധ ദ​ശ​ക​ളി​ൽ പ​രീ​ക്ഷി​ച്ചു പാ​ഠ​മു​ൾ​ക്കൊ​ണ്ട മ​നു​ഷ്യ സ​മൂ​ഹ​ത്തി​നു​മു​ൻ​പി​ൽ, പ​രി​മി​തി​ക​ളേ​റെ​യു​ണ്ടെ​ങ്കി​ലും, ജ​നാ​ധി​പ​ത്യം എ​ന്ന രാ​ഷ്‌്ട്രീയ രൂ​പ​ത്തി​ന്‍റെ മ​ഹ​ത്വം പ്രോ​ജ്വ​ല​മാ​യി​ത്ത​ന്നെ നി​ൽ​ക്കു​ന്നു എ​ന്ന​തി​നെ മ​ത​രാ​ഷ്ട്ര വാ​ദി​ക​ൾ​ക്ക് നി​ഷേ​ധി​ക്കാ​നാ​വു​മോ?

ഉ​പ​സം​ഹാ​രം

മ​ത​രാ​ഷ്‌്ട്ര സി​ദ്ധാ​ന്ത​ങ്ങ​ളു​ടെ പേ​രി​ലാ​യാ​ലും സ​ർ​വാ​ധി​പ​ത്യ പ്ര​വ​ണ​ത​യു​ള്ള പ്ര​ത്യ​യ​ശാ​സ്ത്ര​ങ്ങ​ളു​ടെ പേ​രി​ലാ​യാ​ലും, കാ​ല​ഹ​ര​ണ​പ്പെ​ട്ട രാ​ഷ്‌്ട്രീ​യ രൂ​പ​ങ്ങ​ളു​ടെ പു​നഃ​സ്ഥാ​പ​ന​ത്തി​നു​വേ​ണ്ടി, വ്യ​ക്തി​ക​ളു​ടെ ജീ​വ​നും അ​ന്ത​സും സ്വാ​ത​ന്ത്ര്യ​വും അ​വ​കാ​ശ​ങ്ങ​ളും അ​ടി​യ​റ​വ​യ്ക്കാ​ൻ പ്ര​ബു​ദ്ധം എ​ന്ന​വ​കാ​ശ​പ്പെ​ടു​ന്ന ആ​ധു​നി​ക മ​നു​ഷ്യ​സ​മൂ​ഹം ത​യ്യാ​റാ​കു​മോ? ച​രി​ത്ര​ത്തി​ന്‍റെ ചു​വ​രെ​ഴു​ത്തു​ക​ൾ ചൂ​ണ്ടു​പ​ല​ക​ക​ളാ​കു​മോ? ആ​കു​മെ​ങ്കി​ൽ, അ​ത് ഏ​തു ദി​ശ​യി​ലേ​ക്കാ​യി​രി​ക്കും? ഇ​രു​പ​ത്തൊ​ന്നാം നൂ​റ്റാ​ണ്ടി​ലെ മ​നു​ഷ്യ​ൻ, ച​രി​ത്ര​ത്തി​ൽ ന​ട​ത്തു​ന്ന ചു​വ​ടു​വ​യ്‌​പു​ക​ൾ മ​നു​ഷ്യ വം​ശ​ത്തെ മു​ന്നോ​ട്ടു ന​യി​ക്കു​മോ അ​തോ പി​ന്നോ​ട്ട​ടി​ക്കു​മോ? കാ​ത്തി​രു​ന്നു കാ​ണാം; പ്ര​ത്യാ​ശ​യോ​ടെ!

https://www.deepika.com/feature/leader_page.aspx?topicId=31&ID=22011

Advertisements

ജോസഫ് മുരിക്കൻ എന്ന ഇതിഹാസം

ജോസഫ് മുരിക്കൻ എന്ന ഇതിഹാസം
—————————————————————–
ഒരിക്കൽ വേമ്പനാട് കായലിനൊരു യജമാനൻ ഉണ്ടായിരുന്നു. നിശ്ചയദാർഢ്യവും , കൈക്കരുത്തും ഉള്ള ആണൊരുത്തൻ.

പേര് മുരിക്കുംമൂട്ടിൽ ജോസഫ് എന്ന ജോസഫ് മുരിക്കൻ അഥവാ മുരിക്കുംമൂട്ടിൽ ഔതച്ചൻ.
ഔതച്ചന്റെ പിതാവ് തൊമ്മൻ ലൂക്കാ, വൈക്കത്തിനടുത്ത്, കുലശേഖരമംഗലം കരയിൽ അഴീക്കൽ വീട്ടിൽ നിന്നും ഫലഭൂഷ്ടിയുള്ള കൃഷി സ്ഥലം തേടി കാവാലത്ത് വന്ന് താമസം തുടങ്ങി. ഔതച്ചൻ ജനിച്ചത് 1900 -ത്തിൽ ആയിരുന്നു.

അരിയാഹാരം കഴിച്ചു ശീലിച്ച തിരുവതാംകൂർ
1940-കളിൽ അരിക്ഷാമം നേരിട്ടകാലത്ത്, പരന്നു കിടക്കുന്ന വേമ്പനാട് കായലിലെ വെള്ളപ്പരപ്പിനു താഴെ ഭൂമിയുണ്ടാക്കി നെൽകൃഷി ഇറക്കി
മധ്യതിരുവതാംകൂറിനെ അന്നമൂട്ടിയ അന്നദാന പ്രഭു ആയിരുന്നു ജോസഫ് മുരിക്കൻ.

കായലിന്റെ സ്വഭാവം, കായലുമായുള്ള സമ്പർക്കത്തിൽ നിന്ന് കിട്ടിയതാവും. എന്നും ശാന്തമായ മുഖവുമായി മാത്രമേ കുട്ടനാടും, വേമ്പനാട് കായലും ജോസഫ് മുരിക്കനെ കണ്ടിട്ടുള്ളു. തന്റെ “എലിയാസ്” എന്ന ബോട്ടിൽ വേമ്പനാട് കായലിലൂടെ സഞ്ചരിച്ചു. ബോട്ടിലിട്ടിരുന്ന തുണികൊണ്ടുള്ള ചാരുകസേരയായിരുന്നു ആർഭാടം. വേറെയും ബോട്ടുണ്ടായിരുന്നെങ്കിലും “ഏലിയാസ്” എന്ന ബോട്ടിനോടായിരുന്നു ആത്മബന്ധം. വെള്ള ചീട്ടി തുണിയുടെ ഒറ്റമുണ്ടും, ഷർട്ടും ധരിച്ചു മുരിക്കുംമൂട്ടിൽ ഔതച്ചൻ കാലൻകുട കുത്തി ജീവിതത്തിലൂടെ നടന്നു. ഒരിക്കലും മുതലാളി എന്ന് വിളിക്കപ്പെടാൻ ഇഷ്ട്ടപ്പെടാത്ത വ്യക്തിത്വം. അതുകൊണ്ട് കുട്ടനാട് അദ്ദേഹത്തിനെ സ്നേഹപൂർവ്വം ” അച്ചായൻ” എന്ന് വിളിച്ചു.

യുദ്ധകാലത്ത് അരി ക്ഷാമം. ബർമയിൽ നിന്നെത്തിയ അരിയും വരാതായി. ബജറ, ഗോതമ്പ്, ഉണക്ക കപ്പ തുടങ്ങിയവ കൊണ്ട് വിശപ്പകറ്റാൻ നാട് ശ്രമിച്ചകാലം. പട്ടിണിയുടെയും, വറുതിയുടെയും കാലം.

അന്ന് ശ്രീചിത്തിര തിരുനാൾ മഹാരാജാവ് വേമ്പനാട് കായലിൽ, കായൽ കുത്തിയെടുത്തു കൃഷി ഇറക്കാൻ ആഹ്വാനം ചെയ്തു. ആ കാലത്തു ജോസഫ് മുരിക്കൻ മഹാരാജാവിനൊരു ഉറപ്പു കൊടുത്തു. വേമ്പനാട് കായലിൽ നിന്ന് മദ്ധ്യതിരുവതാംകൂറിനാവശ്യമുള്ള നെല്ലുൽപാദിക്കാം ! കായൽ നിലങ്ങളിൽ ഒരു നെല്ലറ !

മഹാരാജാവും, റീജന്റ് റാണിയും കട്ടക്ക് കൂട്ടത്തിൽ നിന്നു. കായലിൽ നിന്ന് കുത്തിയെടുക്കുന്ന ഭൂമിക്ക് അഞ്ചു വർഷത്തേക്ക് കരം ഒഴിവാക്കികൊടുക്കാം എന്ന് വാഗ്ദാനം ചെയ്തു.

മുരിക്കുംമൂട്ടിൽ ഔതച്ചൻ പ്രവർത്തനനിരതനായി. ആളും, അർത്ഥവും ആയി വേമ്പനാട് കായലിലേക്കിറങ്ങി.

തുടങ്ങിയത് അഞ്ഞൂറോളം തൊഴിലാളികളുമായി.

പിന്നീട് ദൂരെ ദേശത്തു നിന്നുവരെ തൊഴിൽ തേടി ആളുകൾ എത്തി. ആഴ്ചകൾ ചെന്നപ്പോൾ തൊഴിലാളികളുടെ എണ്ണം മൂവായിരം കടന്നു. തെങ്ങു കീറി കായലിന്റെ അടിത്തട്ടിലേക്ക് കുത്തിയിറക്കി. മുളകീറി, തെങ്ങുകൾ തമ്മിൽ ബന്ധിപ്പിച്ചു. വേമ്പനാട് കായലിൽ വേലിക്കെട്ടുകൾ തീർത്തു. ഇരുപതടി ഉള്ളിലേക്ക് വീണ്ടും ഇതുപോലെ വേലികെട്ടി. ഈ രണ്ടു വേലിക്കെട്ടിനിടെക്ക് ചെളി നിറച്ചുകൊണ്ട് അത് ഒരു വലിയ ചിറയായി രൂപാന്തരപ്പെടുത്തി. ഒരു വലിയ പ്രദേശം ചിറ കെട്ടി അടച്ചു. തുടർന്നു ചിറക്കുള്ളിലെ വെള്ളം വറ്റിച്ചുകൊണ്ടിരുന്നു.

വെള്ളത്തിനടിയിലെ ഭൂമി തെളിഞ്ഞു.

ഭൂമി തെളിഞ്ഞപ്പോൾ മഹാരാജാവ് നേരിട്ടെത്തി നെൽ വിത്തെറിഞ്ഞു. അത് അൻപതും, നൂറും മേനിയായി വിളഞ്ഞു.

ജോലിക്ക് മുടക്കം കൂടാതെ കൂലി കൊടുത്തു. തന്റെ ജോലിക്കാർക്കായി ഉച്ചക്കുള്ള ഭക്ഷണം തൊട്ടടുത്തുള്ള ആർ ബ്ലോക്കിൽ പാകപ്പെടുത്തി വള്ളത്തിൽ എത്തിച്ചുകൊടുത്തുകൊണ്ടിരുന്നു.

അങ്ങനെ ആദ്യ സംരംഭം 1941-ൽ
ശ്രീ ചിത്തിരതിരുനാളിന്റെ കാലത്ത് തുടക്കമിട്ടു. അതുകൊണ്ട് മഹാരാജാവിന്റെ പേരിട്ടു.
Q ബ്ലോക്ക്‌ എന്ന ചിത്തിരകായൽ. അത് 900 ഏക്കർ.

രണ്ടാമത്തെ കായൽ മാർത്താണ്ഡ വർമയുടെ പേരിൽ1945-ൽ ഉയർത്തി. S ബ്ലോക്ക്‌ എന്ന മാർത്താണ്ഡം കായൽ 652 ഏക്കർ ഉണ്ടായിരുന്നു. മാർത്താണ്ഡം കായലിൽ ആദ്യം വിത്ത് വിതക്കാൻ അമ്മ മഹാറാണി നേരിട്ടെത്തി.

1950-ൽ മൂന്നാമത്തെ കായൽ കുത്തി കൃഷി ഇറക്കിയപ്പോൾ റാണി കായൽ എന്ന് പേരിട്ടു .
T ബ്ലോക്ക്‌ എന്നറിയപ്പെടുന്നു. അതിന്റെ വിസ്തീർണം 600 ഏക്കർ ആകുന്നു.

ജലനിരപ്പിനു താഴെ കൃഷി ചെയ്തുകൊണ്ടുള്ള അത്ഭുതം കുട്ടനാട്ടിലും പിന്നങ്ങ് ഹോളണ്ടിലും മാത്രമേ ഉള്ളു.

മൂന്ന് പതിറ്റാണ്ടിനുമേൽ അച്ചായൻ കൃഷിയിൽ മാത്രം ശ്രദ്ധ കേന്ദ്രീകരിച്ചു.

പ്രധാനമന്ത്രി ജവഹർലാൽ നെഹ്‌റു, ഇന്ദിരാഗാന്ധി യോടൊപ്പം കായൽ നിലങ്ങൾ സന്ദർശിച്ച്, സന്തോഷിച്ച്, അഭിനന്ദിച്ചു.

ആത്മസുഹൃത്തായ മേനാന്തോട്ടം എം. കെ. തോമസുമായി, കുടുംബസമേതം 1960-ൽ റോമിൽ പോയി പോപ്പ് ഇരുപത്തിമൂന്നാമനെ സന്ദർശിച്ചു. മുരിക്കുംമൂട്ടിൽ ഔതച്ചൻ പുത്തൻപുര പഞ്ചാരയിൽ ഏലിയാമ്മയെയാണ് വിവാഹം കഴിച്ചിരുന്നത്. അവർ ഏഴ് ആണ്മക്കൾക്കും, ഒരു പെൺകുട്ടിക്കും ജന്മംനല്കി.

ഉറച്ച വിശ്വാസിയും, തികഞ്ഞ കത്തോലിക്കനും, സഭക്ക് ഏഴര പള്ളി (ഏഴു വലിയ പള്ളിയും ഒരു ചെറിയ പള്ളിയും ) നിർമ്മിച്ചുകൊടുത്ത ജോസഫ് മുരിക്കനെ പോപ്പ് അനുഗ്രഹിച്ചു പറഞ്ഞു : “ഒന്നിനും മുട്ട് വരില്ല”.

അങ്ങനെ ഒരുനാളിൽ കേരളത്തിലെ വിപ്ലവപാർട്ടിക്കാർ തൊഴിലാളികളെ കൊണ്ട് ജോസഫ് മുരിക്കനെ “ബൂർഷ്വ”എന്ന് വിളിപ്പിച്ചു. ശാന്തമായ വേമ്പനാട് കായലിൽ സമര കോലാഹലങ്ങളുടെ വേലിയേറ്റം ഉണ്ടായി. അങ്ങനൊരുന്നാൽ 1972-ൽ ഇടതു സർക്കാർ അച്ചായനെതിരെ അറസ്റ്റ് വാറന്റ് പുറപ്പെടുവിച്ചു.
രാജ്യരക്ഷ വകുപ്പുപയോഗിച്ചു മുരിക്കന്റെ നെൽപ്പാടങ്ങൾ സർക്കാർ കണ്ടുകെട്ടി. ആശുപത്രിയിൽ ആയിരുന്ന മുരിക്കനച്ചായനെ ഇതറിയിച്ചില്ല.

പിന്നീട് ചികിത്സ കഴിഞ്ഞു കവലത്തെ വീട്ടിലെത്തിയപ്പോഴാണ് നടന്ന സംഭവങ്ങൾ അറിഞ്ഞത്. നിലാവിന്റെ വെളിച്ചമുള്ള രാത്രികളിൽ നിശബ്ദനായി, ഏകനായി താൻ സൃഷ്ട്ടിച്ചതിന്റെ അരികിലൂടെ ബോട്ടിൽ സഞ്ചരിച്ചത് ഒരിക്കൽക്കൂടി തന്റെ കൃഷിയിടങ്ങൾ കാണാൻ ഉള്ള ആഗ്രഹം കൊണ്ടായിരുന്നു.

അധികം താമസിയാതെ തിരുവനന്തപുരത്ത് ജപ്പാൻകാരനായ “നിഷി മോറെ” എന്ന ആളിൽ നിന്ന് വർഷങ്ങൾക്ക് മുൻപ് മേടിച്ച Palm Dale എന്ന വീട്ടിലേക്ക് താമസം മാറ്റി.

പ്രിയ സുഹൃത്തും, പ്ലാന്ററും ആയ റാന്നിക്കാരൻ മേനാന്തോട്ടം എം.കെ.തോമസ് തിരുവനന്തപുരത്ത്, മുട്ടടയിൽ “അരുമത്യ” എന്ന് നാമകരണം ചെയ്ത വീട്ടിൽ താമസിക്കുന്നത് ഔതച്ചന്റെ മനസ്സിന് ആശ്വാസം നൽകി.

————————
കുമരകം ശങ്കുണ്ണി മേനോൻ എന്ന കമ്മ്യൂണിസ്റ്റ്‌ നേതാവ് എഴുതിയത്.
————————-
മുരിക്കന്റെ കായൽ നിലങ്ങൾ ഏറ്റെടുത്തു തൊഴിലാളികൾക്ക് വീതിച്ചു കൊടുത്തു കമ്മ്യൂണിസ്ററ് നേതാക്കന്മാർ വിജയോന്മാദത്തിൽ നിൽക്കുമ്പോൾ മുരിക്കൻ കമ്മ്യൂണിസ്റ്റ്‌ നേതാക്കളായ കുമരകം ശങ്കുണ്ണി മേനോനോടും, വർഗീസ് വൈദ്യനോടും പറഞ്ഞു : നമുക്ക് വീട്ടിൽ ചെന്ന് ഒരു കാപ്പി കുടിച്ചു പിരിയാം.

കുമരകം ശങ്കുണ്ണി മേനോൻ ആത്മകഥയിൽ ഇങ്ങനെ എഴുതിയിരിക്കുന്നു :

ഞങ്ങളെല്ലാം അവിടെ ചെന്ന് ഡ്രോയിങ് റൂമിൽ കയറി ഇരുന്നു. അപ്പോഴേക്കും കാപ്പിയും ചായയും പലഹാരങ്ങളും എല്ലാം മേശപ്പുറത്ത് നിരന്നു കഴിഞ്ഞിരുന്നു. ഞങ്ങൾ എല്ലാവരും വർത്തമാനം പറഞ്ഞു കാപ്പി കുടിച്ചു തീരാറായപ്പോൾ
മുരിക്കുംമൂട്ടിൽ ഔസേപ്പച്ചന്റെ ഭാര്യ വന്നു മേനോൻ വീട്ടിലെ കുഞ്ഞ് ഏതാണെന്ന് ചോദിച്ചു. ഞാൻ വേഗം എഴുന്നേറ്റു.. കുഞ്ഞ് അകത്തോട്ട് ഒന്നു വരണം എന്നു പറഞ്ഞു. അവർ എന്നെ വിളിച്ച് അവരുടെ അടുക്കളഭാഗത്തേക്ക് കൊണ്ടുപോയി. അടുക്കളയിൽ ഏഴെട്ട് അടുപ്പുകളിൽ ആയി വലിയ ചെമ്പു പാത്രങ്ങളിൽ ആഹാരം പാചകം ചെയ്യുന്നുണ്ടായിരുന്നു.

വിയർപ്പിന്റെ ഗന്ധമുള്ള ജീവിതം

ഔസേപ്പച്ചന്റെ ഭാര്യ അൻപത് അൻപത്തിഅഞ്ച് വയസ്സ് പ്രായം തോന്നിക്കുന്ന തടിച്ച ഒരു സ്ത്രീയാണ്. മുഷിഞ്ഞ ചട്ടയും അടുക്കിട്ടുടുത്ത മുഷിഞ്ഞ മുണ്ടും ഉടുത്തിരുന്ന അവർ അടുക്കളയിൽ നിന്ന് അവരുടെ ജീവിതം എന്നോട് വിവരിക്കുകയായിരുന്നു.

“ഈ ജീവിതം തുടങ്ങിയിട്ട് എത്രയോ വർഷങ്ങളായി. എന്നെ കെട്ടി കൊണ്ടുവന്നപ്പോൾ മുതൽ ഞാൻ മുരിക്കുംമൂട്ടിൽ മുതലാളിയുടെ ഭാര്യയാണ്. കുഞ്ഞേ ഞാനിതുവരെ സിനിമ കണ്ടിട്ടില്ല. ഞങ്ങൾക്ക് തെക്കൻ തിരുവിതാംകൂറിൽ എസ്റ്റേറ്റുകളും മറ്റും ഉണ്ടെന്നു പറഞ്ഞു കേട്ടിട്ടുണ്ട്. ഞാൻ ഇതുവരെ അത് കണ്ടിട്ടില്ല. ഞായറാഴ്ച ബോട്ടിൽ കയറി പള്ളിയിൽ പോകുന്നത് ഒഴിച്ചാൽ ഈ കാലമത്രയും ഞാൻ ഈ വീട്ടിൽ നിന്നും വെളിയിലേക്ക് ഇറങ്ങിയിട്ടില്ല. നെല്ല് പുഴുങ്ങുക, വെയിലത്തിട്ട് ഉണക്കുക, പത്തായത്തിൽ ഇടുക, പിന്നെ ആവശ്യാനുസരണം നെല്ലുകുത്തിച്ചു അരിയാക്കുക, അരി വെച്ചു വിളമ്പുക, ഇതല്ലാതെ നാളിതുവരെ മറ്റൊരു ജീവിതം എനിക്കില്ല. എന്റെ അടുക്കലേക്ക് വരുന്നവർക്ക് വിയർപ്പിന്റെയും, പുകയുടെയും നാറ്റം ആയിരിക്കും”

ഇതെല്ലാം കേട്ടു നിന്നതല്ലാതെ ഒരക്ഷരം മറുപടി പറയാൻ എനിക്കു കഴിഞ്ഞില്ല. ഒരു തരത്തിൽ ഞാനവരോട് യാത്രപറഞ്ഞ് മറ്റു നേതാക്കന്മാരോടും, സഖാക്കളോടും ഒപ്പം മുരിക്കന്റെ വീട്ടിൽനിന്നിറങ്ങി.
—————

ജോസഫ് മുരിക്കന്റെ കുടുംബ സുഹൃത്തായ റാന്നിക്കാരൻ എം.കെ.തോമസിന്റെ പ്രേരണയിൽ മലബാറിൽ രണ്ടായിരം ഏക്കറോളം റബ്ബർ കൃഷി വർഷങ്ങൾക്കു മുൻപേ തുടങ്ങിയിരുന്നു. കൂടാതെ ഔതച്ചന്റെ പിതാമഹന്റെ കാലത്ത് തെക്കൻ തുരുവതാംകൂറിലും റബ്ബർ കൃഷിയിൽ ഏർപ്പെട്ടിരുന്നതിനാൽ മുരിക്കുംമൂട്ടിൽ കുടുംബം ആഭിജാത്യത്തോടെ, പിന്നീടുള്ള കാലം ജീവിതത്തിലൂടെ നടന്നു.

പക്ഷെ രാഷ്ട്രീയക്കാർ കായലിലെ നെൽകൃഷിക്കായി ഇറങ്ങിയപ്പോൾ നെൽകൃഷി തകർന്നത് പിൽക്കാല ചരിത്രം. കായൽ തരിശായി. വിളഞ്ഞത് അഴിമതിയും, കെടുകാര്യസ്ഥതയും. തൊഴിലാളിക്ക് പണിയില്ലാതായി. കേരളം ആന്ധ്രയിൽ നിന്നും, തമിഴ്നാട്ടിൽ നിന്നും വരുന്ന അരിക്കായി കാത്തിരിപ്പ് തുടങ്ങി.

1974 ഡിസംബർ 9ന് ഒരു ഭാരത് ബന്ദ് ദിവസം കായലിന്റെ രാജാവ് തിരുവനന്തപുരത്തെ മെഡിക്കൽ കോളേജിൽ കിടക്കവേ ജീവിതത്തിന്റെ മറുകരയിലേക്ക് യാത്രയായി.

ശ്രീചിത്തിര തിരുനാൾ ഔതച്ചന്റെ സംസ്കാര ചടങ്ങിൽ പങ്കെടുത്തു പറഞ്ഞു :” സാഹസികനും, കഠിനാദ്ധ്വാനിയും, ഈശ്വരവിശ്വാസിയും, എളിമയും ഉള്ള മുരിക്കുംമൂട്ടിൽ തൊമ്മൻജോസഫ് രണ്ടാം ലോകമഹായുദ്ധാന്തര കാലത്ത് തിരുവതാംകൂറിൽ ഭക്ഷ്യക്ഷാമം ഉണ്ടായപ്പോൾ തിരുവതാംകൂറിലെ പ്രജകളെ പട്ടിണിയിൽ നിന്നും രക്ഷിച്ച മഹത് വ്യക്തിയാണ് “.

കുട്ടനാട്ടിൽ കൂട്ടത്തിൽ നടന്നവരും, കൂട്ടത്തിൽ ജോലിയെടുത്തവരും അറിഞ്ഞു കേട്ട് ചങ്ങനാശ്ശേരി വരെ നടന്നു, തീവണ്ടിയിൽ കയറി തിരുവനന്തപുരത്ത് എത്തിയപ്പോഴേക്കും ജോസഫ് മുരിക്കൻ എന്ന ഔതച്ചൻ പട്ടം സെന്റ് മേരീസ്‌ കത്തീഡ്രൽ സെമിത്തേരിയിലേക്ക് യാത്ര പറഞ്ഞിറങ്ങിയിരുന്നു..

കടപ്പാട്
ചരിത്രസഞ്ചാരി ©

Sanish Mohan post

Source: WhatsApp 

Advertisements
Advertisements

വംശഹത്യകൾ ഓർമിപ്പിച്ചു കൊല വിളി മുഴക്കുന്നവർ

കഴിഞ്ഞ ദിവസം whatsappil ഇരിട്ടിയെ കുറിച്ച് ഒരു സ്റ്റാറ്റസ് കാണുവാൻ ഇടയായി അതിൽ ഇങ്ങനെയാണ് പറയുന്നത് “ഇതാണ് ഈ നഗരത്തിന്റെ പ്രത്യേകത ഇവിടെ മതം, ദേശം, വർഗം, ജാതി ഇതൊന്നുമില്ല പണിയെടുക്കുക പണം ഉണ്ടാക്കുക ഓരോരുത്തർക്കും ആവിശ്യം വിശ്വസിക്കാൻ പറ്റുന്ന ആളുകളെ ആണ് ” ഇരിട്ടി പട്ടണത്തെ മനോഹരമായി വരചു കാണിച്ച ഒരു സ്റ്റാറ്റസ്

യഥാർത്ഥത്തിൽ ഇങ്ങനെ തന്നെ ആണോ ഇരിട്ടി എന്ന് വിചിന്തനം ചെയ്യേണ്ടി ഇരിക്കുന്നു ?

കേരള കർണാടക അതിർത്തിയിൽ ബ്രഹ്മഗിരി മലനിരകളിൽ നിന്ന് പതിഞ്ഞൊഴുകുന്ന പുഴയുടെ തീരത്ത് രൂപപെട്ട പട്ടണമാണ് പശ്ചിമഘട്ടത്തിന്റെ പ്രധാന മലയോര അതിർത്തിയായ ഇരിട്ടി. കണ്ണൂർ ജില്ലയിൽ രാഷ്ട്രീയ സംഘട്ടനങ്ങളും കൊലപാതാകങ്ങളും ഉണ്ടാവുമ്പോൾ പൊതുവെ ശാന്തമായി നിന്ന സ്ഥലം എല്ലാ വിഭാഗം ജനങ്ങളും പൊതുവെ ഒരുമയോടെ കഴിഞ്ഞ സ്ഥലമായിരുന്നു അടുത്ത കാലം വരെ

കഴിഞ്ഞ ദിവസം ഇരിട്ടിയിൽ നടന്ന പ്രകടനവും അതിൽ ഉയർന്ന മുദ്രവക്യവും കാണുവാൻ ഇടയായി ….മുദ്രവാക്യം എന്ന് പറയുന്നതിനെക്കാൾ നല്ലത് കൊലവിളി എന്ന് പറയുന്നത് ആവും കൂടുതൽ അഭികാമ്യം

കൊലവിളി ഇങ്ങനെ ആണ് ” 1921 ൽ ഊരിയ വാളുകൾ ഞങ്ങൾ അറബി കടലിൽ എറിഞ്ഞിട്ടില്ല …ഞങ്ങൾക്ക് അറിയാം നന്നായി അറിയാം വീട്ടിൽ കേറാൻ ഞങ്ങൾക്ക് അറിയാം വെട്ടി നുറുക്കാൻ ഞങ്ങൾക്ക് അറിയാം ” പതിവ് പോപ്പുലർ ഫ്രണ്ട് മുദ്രാവക്ക്യമാണ് പോപ്പുലർ ഫ്രണ്ടിന്റെ രാഷ്ട്രീയ രൂപമായ SDPI പ്രവർത്തകരുടെ വായിൽ നിന്ന് ഉതിർന്ന് വീണത് .

SDPI പ്രവർത്തകർ നടത്തിയ കൊലവിളിയിൽ നിന്ന് മനസിലാവുന്നത് 1921,ലെ മലബാർ കലാപത്തെ കുറിച്ചാണ് അവർ വിളിച്ചു പറയുന്നത്. വാരിയംകുന്നന്റെയും അലിമുസ്ലിയരുടെയും നേതൃത്വത്തിൽ നടന്ന മലബാർ കലാപം സ്വാതന്ത്ര സമരമെന്നാണ് സകലമാന മുസ്ലീം സംഘടനകളും ..കൂട്ടത്തിൽ SDPI ,പോപ്പുലർ ഫ്രണ്ട് തുടങ്ങിയ തീവ്ര ഇസ്ലാമിക കക്ഷികളും പറയുന്നത്

RSS,ന് നേരെ ആണ് അവർ കൊലവിളി നടത്തിയത് എങ്കിലും 1921,ൽ നടന്ന മലബാർ കലാപത്തെ അടിസ്ഥാനമാക്കി കൊലവിളി നടത്തേണ്ട ആവിശ്യം എന്താണ് …? 1921 നടന്നത് കൂട്ടകൊലയാണോ (വംശഹത്യ) എന്ന് നാം പരിശോധിക്കെണ്ടിയിരിക്കുന്നു . മലബാർ കലാപം ഉണ്ടായത് 1921,ൽ പോപ്പുലർ ഫ്രണ്ടിന്റെ രാഷ്ട്രീയ ബദ്ധവൈരികളായ RSS രൂപം കൊള്ളുന്നത് 1925,ൽ !

ഒരു നൂറ്റാണ്ട് കഴിഞ്ഞിട്ടും മലബാർ കലാപത്തിന്റെ കനലുകൾ എരിഞ്ഞടുങ്ങിയിട്ടില്ല …കലാപത്തിന്റെ സ്മരണകളിൽ കൂടെ കടന്ന് പോയാൽ മുറിപാടുകളിൽ ഇന്നും രക്തം കിനിയും മലബാർ കലാപത്തിന്റെ ചരിത്രഭാരം അത്ര വലുതാണ്. മലബാർ കലാപം എന്ന് വിശേഷിപ്പിക്കുന്നതിനെക്കാൾ നന്ന് അതിനെ ഹിന്ദുവംശഹത്യ എന്ന് വിശേഷിപ്പുന്നത് ആയിരിക്കും കൂടുതൽ ഉത്തമം.

1921,ൽ നടന്ന മലബാർ കലാപത്തെ കുറിച്ച് പറയുമ്പോൾ ഒരു വിഭാഗം ആളുകൾ പറയുന്ന കാര്യമാണ് ബ്രിട്ടീഷ്കാർക്ക് നേരെ നടന്ന സ്വതന്ത്ര സമര പോരാട്ടമാണ് മലബാർ കലാപമെന്ന് …അങ്ങനെ എങ്കിൽ എത്ര ബ്രിട്ടീഷ്ക്കാർ ഈ കലാപത്തിൽ കൊല്ലപ്പെട്ടു എന്ന് ചോദിച്ചാൽ പലരും ഒഴിഞ്ഞു മാറുന്നത് കാണാം കൃത്യമായാ കണക്ക് പരിശോധിക്കുകയാണ് എങ്കിൽ വെറും 16 ബ്രിട്ടീഷ്കാർ ആണ് 1921,ലെ മലബാർ കലാപ സമയത്ത് കൊല്ലപ്പെട്ടത് അതായത് ചുരുക്കി പറഞ്ഞാൽ 20 താഴെ ബ്രിട്ടീഷ്കാർ

മലബാർ കലാപത്തിൽ കൊല്ലപ്പെട്ടവരിൽ എറെയും വള്ളുവനാടും ,തുളുനാടും ഉൾപെടുന്ന പ്രദേശത്തെ സാധാരണക്കാരായാ ഹിന്ദുക്കൾ ആണ് , ഭയാനകവും ക്രൂരവുമായ നിരവധി സംഭവങ്ങൾ കലാപത്തിനിടെ ഉണ്ടായി എങ്കിലും തൂവുരിൽ നടന്ന കൂട്ടക്കൊലയാണ് ഏറ്റവും നടക്കുന്ന സംഭവങ്ങളിൽ ഒന്ന് .

സാധാരണക്കാരായാ ജനങ്ങൾ ഉറങ്ങി കിടക്കുമ്പോൾ ആണ് ഖിലാഫത്ത് പ്രസ്‌ഥാനക്കാർ 100ളം വീടുകൾ വളഞ്ഞത് . അവർ പിടി കൂടിയ പുരുക്ഷന്മരെ എല്ലാം ബന്ധനസ്ഥരാക്കി ഒരു പാറയ്ക്ക് അടുത്തുള്ള പറമ്പിൽ കൊണ്ടുവന്ന് ക്രൂരമായി പീഡിപ്പിക്കാൻ ആരംഭിച്ചു ക്രൂരമായ പീഡനത്തിന് ശേഷം ഇസ്ലാമികമായാ രീതിയിൽ തല അറുത്ത് മാറ്റി കിണറ്റിൽ തള്ളി . ചെമ്പ്രശേരി തങ്ങൾ എന്ന കുഞ്ഞി തങ്ങൾ ആണ് മത ഭ്രാന്ത് മൂത്തു ക്രൂരമായ കൊലപാതകങ്ങൾ നടത്തിയത് എന്നാണ് നാട്ടിൽ ഉള്ള സംസാരം .

ഇസ്ലാമിസ്റുകളുടെയും തീവ്ര മതമൗലിക വാദികളായ മുസ്ലിങ്ങളുടെ ഇടയിൽ നിന്നും കേൾക്കുന്ന സ്ഥിരം പല്ലവികളിൽ ഒന്നാണ് കലാപത്തിൽ ജന്മിമാർക്ക് മാത്രമേ നഷ്ടങ്ങൾ സംഭവിചിട്ടുള്ളൂ അല്ലാത്തവരെ ഒന്നും കലാപകാരികൾ തൊട്ടിട്ട് കൂടി ഇല്ലാ എന്ന് എന്നാൽ ചരിത്ര സംഭവങ്ങളിലൂടെയും പുസ്തകങ്ങളിലൂടെയും കണ്ണോടിക്കുമ്പോൾ മനസിലാവുന്നത് പൂർണമായും ഹിന്ദു വിരുദ്ധമായിരുന്നു മലബാർ കലാപമെന്നാണ്

കലാപകാരികൾ ആയ ഖിലാഫത്ത് പ്രസ്ഥാനക്കാർ നമ്പുതിരി ഇല്ലങ്ങൾ കൊള്ളയടിക്കാൻ തുടങ്ങിയത് പണ സമ്പാദനത്തിനും ആയുധശേഖരണത്തിനുമാണ് കലാപകാരികൾ സവർണരായ ഹൈന്ദവരെ കൊള്ളയടിക്കാൻ തുടങ്ങിയപ്പോൾ അവർ നാട് വിട്ടു തുടങ്ങി അതോടു കൂടി കലാപകാരികളായ മാപ്പിളമാർ അവർണരായാ ഹിന്ദുക്കളെ നോട്ടമിട്ട് തുടങ്ങി തങ്ങളുടെ മതത്തിലേക്ക് ആളെ കൂട്ടുന്നതിന്റെ ഭാഗമായി വാളിന്റെ കീഴിൽ നിരവധി മതം മാറ്റങ്ങൾ ആണ് ഖിലാഫത്ത് പ്രസ്ഥാനക്കാരായ കലാപകാരികൾ നടത്തിയത്

ഇടത്തെ കയ്യിൽ ഖുർആൻ പുസ്തകവും വലത്തേകയ്യിൽ വാളും പിടിച്ചു ദീൻ വേണോ , വേണോ തല വേണോ ? എന്ന് ചോദിച്ചു മതം മാറ്റിയതും തല മാറ്റിയതും സുഡാപ്പികൾ മുകളിൽ പറഞ്ഞ 1921,ൽ ഊരിയ വാള് കൊണ്ട് തന്നെയാണ്. കർഷകരായ പത്തും ഇരുപതും ഹൈന്ദവരെ ഒരുമിച്ചു പിടിച്ചു കെട്ടി കിണറ്റിൻ കരയിൽ “കുളിപ്പിക്കാനെന്ന് ” പറഞ്ഞു കൊണ്ട് പോയി തലവെട്ടിയതും 1921 വാള് ഊരിയ കലാപകാരികൾ തന്നെയാണ്

കമ്മ്യൂണിസ്റ്റ് നേതാവും കേരളത്തിന്റെ ആദ്യത്തെ മുഖ്യമന്ത്രിയുമായാ ഇ.എം.എസ് തന്റെ അത്മകഥയിൽ കലാപകാരികളെ ഭയന്ന് വീട് വിട്ട് രാത്രിയുടെ മറവിൽ തൃശൂരെക്ക് ഒളിചോടിയ കാര്യം വിവരിക്കുന്നുണ്ട് . മലബാർ കൂട്ടകൊലയുടെ പശ്ചാത്തലത്തിൽ കുമരനാശാൻ രചിച്ചാ “ദുരവസ്ഥാ” എന്ന കാവ്യവും ഏറാനാടിൻറെയും വള്ളുവനാടിൻറെയും മണ്ണിൽ നടന്ന മതഭ്രാന്ത് കലർന്ന കൂട്ടകുരുതിയുടെ തീവ്രത വിളിച് ഓതുന്നു

1921,ൽ നടന്ന കൂട്ടകൊലയെ സൂചിപ്പിചു പൊതു സമൂഹത്തിൽ കൊലവിളി നടത്തുന്നത് ഒരിക്കലും അംഗീകരിക്കാൻ സാധിക്കുന്നത് അല്ലാ …! ഇത്തരം കൊല വിളികൾ RSS നേർക്ക് അല്ലാ നിങ്ങൾ വിളിക്കുന്നത് പൊതു സമൂഹത്തിന് നേരെയാണ് !

1921,ൽ ഖിലാഫത്ത് പ്രസ്ഥാനക്കാർ മത ഭ്രാന്ത് മൂത്ത് നടത്തിയ കൂട്ടകൊലകൾ 100 വർഷങ്ങൾക്ക് ശേഷം സ്വതന്ത്രസമരത്തിന്റെ ഭാഗമാണ് എന്ന് പറഞ്ഞാൽ കണ്ണടചു വിശ്വസിക്കാനും കലാപകാരികളെ നായകൻമാരായി കാണാനും മാത്രം പൊട്ടന്മരല്ല ചരിത്രബോധമുള്ള മലയാളികൾ എന്ന് ഇടക്ക് എങ്കിലും ഓർമ്മിക്കുന്നത് നല്ലതാണ് .

പല മലയാളികൾക്കും ഇന്നും അറിയത്തില്ല ഖിലാഫത്ത് എന്നാൽ എന്താണ് എന്ന് ! പലരും ധരിച്ചിരിക്കുന്നത് സ്വതന്ത്ര സമര പോരാട്ടത്തിന്റെ ഭാഗമായുള്ള ഒരു പ്രസ്ഥാനമാണ് ഖിലാഫത്ത് എന്നാണ് എന്നാൽ ഖിലാഫാത്തിന് സ്വാതന്ത്ര സമരവുമായി യാതൊരു ബന്ധവും ഇല്ലാ എന്നതാണ് സത്യം .

സൗദി അറേബ്യ തുടങ്ങിയ ഗൾഫ് രാഷ്ട്രങ്ങൾ ആഗോള ഇസ്ലാമിന്റെ തലതൊട്ടപ്പ സ്ഥാനം ഏറ്റെടുക്കുന്നതിന്റെ മുൻപ് തുർക്കിയിൽ നിലവിൽ ഉണ്ടായിരുന്ന ഖിലാഫത്ത് എന്ന ഇസ്ലാമിക ഭരണ വ്യവസ്ഥയുടെ കീഴിൽ ആയിരുന്നു ആഗോള ഇസ്‌ലാമിക സമൂഹം നിലകൊണ്ടിരുന്നത് . ഒന്നാം ലോക മഹായുദ്ധത്തിൽ തുർക്കിയും ,ജർമനിയും മറ്റു രാഷ്ട്രങ്ങളും ഒരു വശത്തും ഫ്രാൻസും ,ബ്രിട്ടനും ഉൾപ്പെടെ ഉള്ള രാഷ്ട്രങ്ങൾ എതിർചേരിയിലും ആയിരുന്നു. എന്നാൽ യുദ്ധത്തിൽ ജര്മനിക്കും ജര്മനിയെ സഹായിച്ച തുർക്കി ഉൾപ്പടെ ഉള്ള സഖ്യകക്ഷികൾക്കും വമ്പൻ തോൽവി സംഭവിച്ചതിനെ തുടർന്ന് 1920-ൽ നടന്ന പാരീസ് ഉടമ്പടി മൂലം ജര്മന് പക്ഷത്ത് ഉണ്ടായിരുന്ന രാജ്യങ്ങളുടെ അധികാരവും പദവികളും വെട്ടിചുരിക്കി …കൂട്ടത്തിൽ അന്നത്തെ ആഗോള ഇസ്ലാമിക ഖിലാഫത്തിന്റെ ഭരണതലവനായാ (ഖലീഫ ) തുർക്കി സുൽത്താന് അധികാരവും പദവികളും നഷ്ടമായി . തുർക്കി സുൽത്താന്റെ അധികാരം നഷ്ടമായതോടെ ഖിലാഫത്തും നിഷ്കാസനം ചെയ്യാപെട്ടു . ഖലീഫയുടെ അധികാരവും പദവികളും നഷട്പെട്ടതിൽ അമർഷം പൂണ്ട് ഇല്ലതായ ഖിലാഫത്തിന് ബദലായി ഒരു ഖിലാഫത്ത് സ്ഥാപിക്കാൻ വേണ്ടി രൂപികരിക്കപെട്ടതാണ് “ഖിലാഫത്ത് പ്രസ്ഥാനം “അതായത് മത രാഷ്ട്രം രൂപീകരിക്കാൻ വേണ്ടി രൂപീകരിച്ച പ്രസ്ഥാനം

15ലക്ഷം അർമേനിയൻ വംശജരുടെ വംശഹത്യക്ക് നേതൃത്വം നല്കിയവർ ആണ് പദവി നഷ്ടപെട്ട തുർക്കി സുൽത്താൻ ഉൾപ്പടെ ഉള്ള മറ്റ് ഓട്ടോമൻ സുൽത്താൻമാർ. അർമേനിയൻ വംശഹത്യക്ക് പാശ്ചാത്തലവും ഏറെ കുറെ മലബാറിൽ സംഭവിച്ചതിന് തുല്യമാണ് രണ്ട് വംശഹത്യകളുടെ ചരിത്രം പരിശോധിച്ചാൽ സാമ്യതകൾ ഏറെയാണ് !

കാലം എത്ര കഴിഞ്ഞാലും മലബാർ ലഹള തീർത്ത പാടുകൾ മായിക്കില്ല കാരണം അത്രയേറെ ആഴത്തിൽ ഉള്ള മുറിവുകളാണ് മലബാർ കലാപം സൃഷ്ടിച്ചത്. ഇത്തരം കൊല വിളികളിലൂടെ മുറിവ് വീണ്ടും വ്രണമായി മാറുകയേ ഉള്ളു എന്ന് ഓർമിപ്പിക്കുന്നു !!

വാൾതലപ്പ് കണ്ടാൽ ഭയപെടുന്ന നൂറ്റാണ്ട് കഴിഞ്ഞു എന്ന് വംശഹത്യകൾ ഓർമിപ്പിച്ചു കൊല വിളി മുഴക്കുന്നവർ മനസിലാക്കുക .

Amal J George

Advertisements

മഹാപ്രളയം സംഹാരതാണ്ഡവം ആടുമ്പോൾ

മഹാപ്രളയം സംഹാരതാണ്ഡവം ആടുമ്പോൾ!
ചില അമച്വർ ചിന്തകൾ !
 
പ്രളയമേ പ്രളയം! ലോകമെങ്ങും പ്രളയം! വെള്ളം കരകവിഞ്ഞും വീടുകൾ വാരിയെടുത്തും ഒഴുകി; മലവെള്ളം കുത്തിയൊഴുകി വാഹനങ്ങൾപോലും ഒഴുക്കിക്കൊണ്ടുപോയി. നോഹിന്റെ കാലത്തെ പ്രളയയത്തിനുശേഷം വീണ്ടുമൊരു പ്രളയം ഉണ്ടാകില്ലെന്ന വാക്ക് പാഴ് വാക്കോ? പ്രളയം മൂലമായിരിക്കുമോ ഈ ഭൂമി നശിക്കുക?
 
2021 -ൽ കേരളം, ഉത്തരാഖണ്ഡ്, ജർമനി, സവിറ്റ്സർലൻഡ്, ബല്ജിയം, നെതർലന്ഡ്, ഓസ്ട്രിയ, ടെന്നിസീ, ന്യൂ യോർക്ക്, നോവ സ്‌കോട്ടിയ (കാനഡ), ഹെനാൻ, ജാകർത്ത, ഷാങ്കാവ് (ചൈന), തുടങ്ങി നിരവധി നാടുകളിൽ മഹാപ്രളയം ഉണ്ടായി! ഈ നൂറ്റാണ്ടിൽ കാട്ടുതീയും വരള്ചയും ജലക്ഷാമവും പ്രളയം പോലെ ലോകമെങ്ങും ഭീകരമായിക്കൊണ്ടിരിക്കുന്നു. ആറുമാസം പ്രളയം, ആറുമാസം കാട്ടുതീ എന്നപോലാകുമോ ഭൂമിയുടെ സ്‌തിതി?
 
കാരണമായി പറയുന്നത് കാലാവസ്ഥ വ്യതിയാനം. കാലാവസ്ഥാവ്യതിയാനം ഭൂമിയുടെ ഉത്ഭവം മുതൽ എക്കാലത്തും ഉണ്ടായിട്ടുണ്ട്. ഇനിയും അതുണ്ടാകുകയും ചെയ്യും. നോഹിന്റെ കാലത്തെ മഹാപ്രളയംപോലും കാലാവസ്ഥാവ്യതിയാനം മൂലമല്ലെന്ന് ആരറിഞ്ഞു. കാലാവസ്ഥാവ്യതിയാനം അനുസരിച്ചുള്ള മുൻകരുതലുകൾ എടുക്കുന്നതിലൂടെ മാത്രമേ പരിഹാരമുണ്ടാകുകയുള്ളു. മുൻകരുതൽ എടുക്കണമെന്ന പാഠമാണ് നോഹിന്റെ കഥ പഠിപ്പിക്കുന്നത്. അഥവാ മുൻകരുതൽ എടുത്തവർ സുരക്ഷിതരായി എന്ന പാഠം.
 
അതുകൊണ്ട് ലോകമെങ്ങും പ്രളയമായതുകൊണ്ടു കേരളത്തിലെ പ്രളയം നിസാരവൽക്കരിക്കുന്നതു ശരിയല്ല. മറ്റെവിടെയെല്ലാം പ്രളയം ഉണ്ടായാലും തീർച്ചയായും കേരളത്തിലെ പ്രളയം ഒഴിവാക്കാനാകും. അതിലായിരിക്കണം നമ്മുടെ പ്രാഗൽഭ്യം. അതിനുള്ള നടപടികൾ യുദ്ധകാലാടിസ്ഥാനത്തിൽ തുടങ്ങണം. എന്നാൽ ഇനിയും പ്രവർത്തിച്ചു തുടങ്ങിയില്ല എന്നതാണ് സത്യം.
 
പ്രകൃതിയുടെ സംരക്ഷണം:
 
ഗാർഡ്‌ഗിൽ റിപ്പോർട്ട് ഗൗരവായിട്ടെടുക്കണം. ക്വാറികൾ വരുത്തിവച്ച പ്രശ്നങ്ങൾക്ക് പരിഹരമുണ്ടാകണം. പശ്ചിമഘട്ടസംരക്ഷണം അവിടെ ജീവിക്കുന്ന മനുഷ്യരെ കുടിയൊഴിപ്പിച്ചുകൊണ്ടായിരിക്കരുത്! അവരുടെ ജീവിതം സുരക്ഷിതമാക്കിക്കൊണ്ടും പ്രകൃതി സംരക്ഷണത്തിന് ഉതകുംവിധം അവരുടെ ജീവിതശൈലി രൂപപ്പെടുത്തികൊണ്ടും ആകണം.
 
വനം സംരക്ഷിച്ചുകൊണ്ടാണ് പശ്ചിമഘട്ടം സംരക്ഷിക്കേണ്ടത്. വനസംരക്ഷണമെന്നത് വനത്തിൽ ജനം കയറാതെ വനം കാടുകടയറാൻ അനുവദിച്ചും ഇഴജന്തുക്കൾക്കും വന്യ മൃഗങ്ങക്കും മാത്രമായി വനം വിട്ടുകൊടുക്കുന്നതിലൂടെയും ആകരുത്. വന്യവനങ്ങളുള്ള ആമസോൺ കാടുകളിൽ പോലും ആളുകൾ താമസിക്കുന്നു.
 
കേരളം പോലുള്ള പ്രദേശങ്ങളിൽ ജനവാസസമ്പന്നമായ വനങ്ങളാണ് ആവശ്യം. റോഡുകളും തോടുകളും നിറഞ്ഞ വനങ്ങൾ! ഉണങ്ങിയതും ദുർബലവുമായ കൊമ്പുകൾ വെട്ടിയും ബലവത്തായ ശിഖരങ്ങൾ സംരക്ഷിച്ചും നിലനിർത്തുന്ന വന്മരങ്ങൾ നിറഞ്ഞ വനങ്ങൾ. അവക്കാഡോ പോലുള്ള ഫലവൃക്ഷങ്ങളാൽ സമൃദ്ധവും കാലിക്കൂട്ടങ്ങളും ആട്ടിക്കൂട്ടങ്ങളും നിറഞ്ഞു മേയുന്ന, ഫലവൃക്ഷങ്ങളും കാട്ടുതടികളും നിറഞ്ഞുനില്ക്കുന്ന, ആർക്കും ഏതു പാതിരാക്കും വന്യമൃഗങ്ങളെ പേടിക്കാതെ നടക്കാൻ കഴിയുന്ന, പ്രകൃതിരമണീയവും മനോഹരവും ജനവാസയോഗ്യസവുമായ വനങ്ങൾ. വന്യജീവികൾ ജനസാദ്രതയില്ലാത്ത സംസ്ഥാനങ്ങളിൽ ജീവിക്കട്ടെ. കേരളത്തിൽ വളർത്തുമൃഗങ്ങൾ മാത്രം വനങ്ങളിൽ വിഹരിക്കട്ടെ!
 
മലയോരം: സ്വിറ്റസർലൻഡും തെക്കൻ ജർമനിയും തെക്കൻ ഓസ്ട്രിയയും പോലെ!
 
മനോഹരമാക്കി കേരളത്തിന്റെ മലനാട് സംരക്ഷിക്കപ്പെടണം. മലമുകളിൽ വെള്ളം കെട്ടിനിൽക്കാൻ ഇടയാകരുത്. അധികം വെള്ളം അവിടെ മണ്ണിൽ ഇറങ്ങുന്നതിനും ഇടയാകരുത്. മലമുകളിൽ അധികം മണ്ണിളക്കരുത്! എത്ര മഴ പെയ്യ്താലും ഉടനെ വെള്ളം താഴേക്ക് ഒഴുകിവരാർ പരുവത്തിന് ചാലുകളും തോടുകളും ഉണ്ടാകണം. ഒഴുക്ക് കാടുകയറാതിരിക്കൽ ചാലുകളും തോടുകളും വളരെ ശ്രദ്ധാപൂർവമായിരിക്കണം നിർമ്മിക്കേണ്ടത്. മണ്ണിടിച്ചിലുണ്ടാകാതിരിക്കാൻ പലയിടങ്ങളും കെട്ടിയെടുത്ത് പ്രകൃതിരമണീയമായ മലയോരം പ്രസ്‌കൃതിസംരക്ഷണത്തിനും മാതൃകയാക്കാം. മലനാട്ടിൽ
ഹോട്ടലുകൾക്കു പകരം ഹോം സ്റ്റേ പരീക്ഷിക്കാവുന്നതേയുള്ളു. അതിനാവശ്യമായ വിദഗ്ദ്ധസഹായവും സാമ്പത്തികവും സർക്കാരിനോ സന്നദ്ധസംഘടനകൾക്കോ നല്കാവുന്നതേയുള്ളു. നമ്മുടെ മലനാടിനേക്കാൾ നൂറുകണക്കിന് ഇരട്ടി ദുർഘടവും മഞ്ഞിടിച്ചിലും മഴവെള്ളപ്പാച്ചിലും മൂലം ഭീകരവുമായ ആൽപ്പൻ പര്വതങ്ങൾക്കിടയിൽ (ജർമനി ഓസ്ട്രിയ സിറ്റിസർലാൻഡ്) എത്ര സുരക്ഷിതവും ഉയർന്ന നിലവാരത്തിലുമാണ് അവിടുത്തുകാർ ജീവിക്കുന്നതെന്ന് കണ്ടുപഠിക്കാവുന്നതേയുള്ളു.
 
മലയോര കർഷകരുടെ കാർഷികരീതി മലനാടിന്റെ സംരക്ഷണത്തിന് ഉതകുന്നതാണോ എന്ന് പരിശോധിക്കണം. അല്ലെങ്കിൽ കാർഷിക രീതിക്കു മാറ്റമുണ്ടാകണം. ഏലം കൃഷിചെയ്യുന്നത്‌ പ്രശ്നമാകാൻ ഇടയില്ല. കപ്പയും വാഴയുമൊന്നും മലനാടിനു പറ്റിയ കൃഷിയാകണമെന്നില്ല. ഇടനാട്ടിൽനിന്നും മലനാട്ടിലേക്ക് കുടിയേറിയവർ ഇടനാട്ടിലെ കൃഷിയും കൃഷിരീതികളും മലനാട്ടിലും പരീക്ഷിച്ചുവെന്നു മാത്രം. മലനാട്ടിൽ ചൂട് കൂടിയപ്പോൾ സന്തോഷിച്ചവരും അവരിൽ കാണും. എന്നാൽ മലനാട്ടിൽ മഞ്ഞു വീഴാൻ മാത്രമുള്ള തണുപ്പ് ഉള്ളതാണ് പ്രകൃതിക്കു നല്ലത്‌. ടുറിസം, വളർത്തുമൃഗങ്ങൾ, വനസംരക്ഷണത്തിനുതകുന്ന കൃഷികൾ തുടങ്ങിയവയിലൂടെ വരുമാനവും ഉണ്ടാക്കാം. കുടിയൊഴിപ്പിക്കുന്നതല്ല, ജനവാസമാണ് വാനസംരക്ഷണത്തിനും പ്രകൃതിയുടെ സംരക്ഷണത്തിനും ഗുണകരമെന്ന് തെളിയിക്കാവുന്നതേയുള്ളു……
 
ഇടനാട്: വടക്കൻ ജർമനി പോലെ!
 
പണ്ടൊക്കെ കേരളത്തിൽ മിക്ക പറമ്പുകളിലും കുളങ്ങളുണ്ടായിരുന്നു. ജലം മണ്ണിൽ ഇറങ്ങുന്നതിനും ജലക്ഷാമം പരിഹരിക്കുന്നതിനും കുളങ്ങൾ സഹായിച്ചിട്ടുണ്ട്. ഇന്ന് പല കുളങ്ങളും മൂടപ്പെട്ടു. കുളങ്ങൾ നികത്തിയത് വീണ്ടും കുഴിക്കുകയും പുതിയ കുളങ്ങൾ കുഴിക്കുകയും ‌വേണം. ഇടനാട്ടിൽ ഓരോ പഞ്ചായത്തിലും നാലോ അഞ്ചോ ഏക്കർ കണക്കിന് വിസ്തൃതങ്ങളായ തടാകങ്ങൾ നിർമ്മിക്കണം. ജലസംഭരണികളായ ഇത്തരം തടാകങ്ങൾ കൃഷിയാവശ്യത്തിനുള്ള വള്ളം മാത്രമല്ല മീൻ വളർത്തലിനും ഉപകരിക്കും. അതുപോലെ കനാലുകളും ധാരാളമായി നിർമ്മിക്കണം. എന്നാൽ വെള്ളം എല്ലായിടത്തും എത്തിക്കുന്നതിലും സംഭരിക്കുന്നതിലും ശാസ്ത്രീയമായി ഉപയോഗിക്കുന്നതിലും കേരളം പരാജയപ്പെട്ടു. നികത്തിയ കണ്ടങ്ങൾ പുനരുദ്ധരിക്കുക എളുപ്പമല്ല. എന്നാൽ തത്തുല്യമായ ജലസംഭരണികൾ നിർമ്മിക്കാൻ കഴിയും. അങ്ങനെ പലതും ……..,
 
തീരദേശം: ഹോളണ്ടും വെനീസും പോലെ!
 
കേരളത്തിന്റെ തീരദേശത്ത് ഹോളണ്ടിനെ മാതൃകയാക്കണം! ചില കാര്യങ്ങളിൽ വെനീസിനെയും! ഹോളണ്ടിന്റെയും വർനീസിന്റെയും സങ്കരസന്തതിയായി പുതിയൊരു കുട്ടനാട് ജനിക്കുകയാണെങ്കിൽ എത്ര മനോഹരമായിരിക്കും നമ്മുടെ കേരളം!
 
അണക്കെട്ടുകൾ ജലക്ഷാമം പരിഹരിച്ചുവോ?
 
കേരളത്തിൽ 81 ഡാമുകൾ ഉണ്ടായിട്ടും വീടുകളിൽ പൈപ്പുവഴി കുടിവെള്ളം എത്തുന്നില്ലായെന്നതും കൃഷിയിടങ്ങളിൽ കനാലുകൾ വഴി വെള്ളമെത്തുന്നില്ലായെന്നതും അപമാനകരം. ധാരാളം മഴയുണ്ടായിട്ടും വരകൾച്ചയുടെ നാളുകളിലെ ജലക്ഷാമം നീതീകരിക്കാനാകില്ല. നല്ല നീന്തൽകുളങ്ങൾ പഞ്ചായത്തുകളിൽ നിർമ്മിക്കാൻ മഴക്കാലത്തെ ജലം സംഭരിച്ചാൽ മാത്രം മതിയാകും. അതുപോലും ഇല്ല ! …..
 
അണക്കെട്ടുകൾ വൈദ്യുതിക്ഷാമം പരിഹരിച്ചുവോ ? !
 
പൊട്ടിയാൽ പ്രശ്‌നമാകുന്ന വലിയ അണക്കെട്ടുകൾ നമുക്കാവശ്യമില്ല. വലിയ അണക്കെട്ടുകൾ വെദ്യുതിക്ഷാമം ഒട്ടു പരിഹരിച്ചും ഇല്ല. വലിയ അണക്കെട്ടുകൾ കാലഹരണപ്പെട്ട ആശയമാണ്. ക്രമാനുഗതമായി വലിയ അണക്കെട്ടുകൾ ഒന്നൊന്നായി ഇല്ലാതാക്കണം! …..
 
പുതിയ ചെറിയ ഒട്ടനവധി പദ്ധതികൾ
 
പുതിയതും ചെറിയതുമായ ഒട്ടനവധി പദ്ധതികളാണ് ഉണ്ടാകേണ്ടത്.
 
എണ്ണമറ്റ തടാകങ്ങളും ധാരാളം കനാലുകളും തോടുകളും അത്യാവശ്യമായും ഉണ്ടാക്കിയെടുക്കണം. കനാലുകൾ പലതും പരസ്പരം ബനദ്‌ധിപ്പിക്കണം. ചെറിയ തോടുകളിൽ നിന്നും വൈദ്യുതി ഉല്പദിപ്പിക്കനുള്ള സാങ്കേതിക വിദ്യ ഇന്ന് ലഭ്യമാണ്. ഓരോ പഞ്ചായത്തിലും ഒന്നിലധികം വൈദ്യുതി ഉല്പാദനകേന്ദ്രങ്ങൾ ഉണ്ടാകാവുന്നതേയുള്ളൂ. പലതരം തരം ചെറിയ ജല വൈദ്യുതിപദ്ധതികൾ പല രാജ്യങ്ങളിലും വിജയകരമായി പ്രവർത്തിക്കുന്നുണ്ട്. ജലവൈദ്യുതി പദ്ധതികൾക്കു ഇന്ന് ഭീമാകാരങ്ങളായ അണക്കെട്ടുകൾ ആവശ്യമില്ല. ഭാരിച്ച സാമ്പത്തിക ബാദ്ധ്യതയും ഇല്ല.
 
സോളാർപദ്ധതികൾ ഓരോ പഞ്ചായത്തും കേന്ദ്രീകരിച്ചു നടപ്പാക്കണം. ഓരോ വീടിനും ആവശ്യമായ വൈദ്യുതി അതാതു വീടുകളുടെ മേൽക്കൂരയിൽ സോളാർ പാനൽ വഴി ഉല്പാദിപ്പിക്കാൻ കഴിയും. കൃഷിയില്ലാത്ത പ്രദേശങ്ങളും സോളാർ പാനലുകൾക്കു ഉപയൊഗിക്കണം. കാറ്റാടി വഴിയുള്ള വൈധ്യുതി ഉത്പാദനം വേറെയും. ഇതൊക്കെ പ്രയോഗികമാക്കിയാൽ വൈദ്യുതിക്ഷാമം പരിഹരിക്കം……
 
അങ്ങനെ പലതും നടക്കും! നടന്നിരിക്കണം! കാട്ടിലെ തടി തേവരുടെ ആന എന്ന മനോഭാവം മാറിയേ പറ്റൂ!
 
ജോസഫ് പാണ്ടിയപ്പള്ളിൽ
Advertisements
Advertisements
Advertisements

തു​റ​ന്നുപ​റ​യേ​ണ്ട​പ്പോ​ൾ നി​ശ​ബ്ദ​നാ​യി​രി​ക്ക​രു​ത്

Nelson MCBS

തു​റ​ന്നുപ​റ​യേ​ണ്ട​പ്പോ​ൾ നി​ശ​ബ്ദ​നാ​യി​രി​ക്ക​രു​ത്

മാർ. ജോസഫ് കല്ലറങ്ങാട്ട്

തു​റ​ന്നുപ​റ​യേ​ണ്ട​പ്പോ​ൾ നി​ശ​ബ്ദ​നാ​യി​രി​ക്ക​രു​ത്ഇ​രു​പ​താം​നൂ​റ്റാ​ണ്ട് ക​ണ്ട ഏ​റ്റ​വും സ​ത്യ​സ​ന്ധ​നായ മനു ഷ്യനും ആ​ശ​യം​കൊ​ണ്ടും ജീ​വി​തം​കൊ​ണ്ടും ലോ​കം കീ​ഴ​ട​ക്കി​യ കാ​ലാ​തീ​ത​മാ​യ ഇ​തി​ഹാ​സ​വുമാ​ണ് മ​ഹാ​ത്മാ​ഗാ​ന്ധി. മ​ഹാ​ത്മ​ജി​യെ​ക്കു​റി​ച്ചു​ള്ള ഓ​ർമക​ളിൽ നിറയുന്നത് വാ​ക്കും എ​ഴു​ത്തും കൊ​ണ്ടെ​ന്ന​തി​ലേ​റെ ക​ർ​മവും ജീ​വി​ത​വും​കൊ​ണ്ട് ആ​വി​ഷ്ക​രി​ച്ച സ​ത്യാ​ധി​ഷ്ഠി​ത​മാ​യ മ​നു​ഷ്യ​പു​രോ​ഗ​തി​യു​ടെ ആ​ശ​യ​ങ്ങ​ളാ​ണ്. ഗാ​ന്ധി​സ​ത്തി​നു ടെ​ക്സ്റ്റ്ബു​ക്കു​ക​ൾ ആ​വ​ശ്യ​മി​ല്ല. മ​ന​ഃസാ​ക്ഷി​യെയും സ​ഹി​ഷ്ണു​ത​യെയും മു​റു​കെ​പ്പി​ടി​ച്ചു സ​ത്യ​ത്തി​നു​വേ​ണ്ടി ശ​ബ്ദി​ക്കു​ന്ന ഒ​രു സം​സ്കൃ​തി രൂ​പ​പ്പെ​ടു​ത്ത​ണ​മെ​ന്നാ​ണ് ഗാ​ന്ധി​ജ​യ​ന്തി ഓ​ർ​മിപ്പി​ക്കു​ന്ന​ത്.

റോ​മ​യ്ൻ റോ​ള​ണ്ട് ഗാ​ന്ധി​ജി​യെ​പ്പ​റ്റി എ​ഴു​തി​യ വ​രി​ക​ൾ ശ്ര​ദ്ധേ​യ​മാ​ണ്, “യു​ഗ​യു​ഗാ​ന്ത​ര​ങ്ങ​ളി​ൽ ഐ​തി​ഹാ​സി​ക​മാ​യ സ്മൃ​തി പൂ​ജി​ച്ച് പാ​ലി​ക്ക​പ്പെ​ടു​മാ​റ് ഇ​ന്ത്യ​യു​ടെ ദേ​ശീ​യ ച​രി​ത്ര​ത്തി​നു മാ​ത്രം അ​വ​കാ​ശ​പ്പെ​ട്ട ഒ​രു വീ​ര​നേ​താ​വ് മാ​ത്ര​മ​ല്ല ഗാ​ന്ധി. മ​നു​ഷ്യ​സ​മു​ദാ​യ​ത്തി​ലെ ഋ​ഷി​ക​ളു​ടെ​യും പു​ണ്യാ​ത്മാ​ക്ക​ളു​ടെ​യും ഇ​ട​യി​ൽ ത​ന്‍റെ നാ​മം അ​ദ്ദേ​ഹം ആ​ലേ​ഖ​നം ചെ​യ്തി​രി​ക്കു​ന്നു. അ​ദ്ദേ​ഹ​ത്തി​ന്‍റെ വി​ഗ്ര​ഹ​ത്തി​ന്‍റെ പ്ര​കാ​ശ​ധോ​ര​ണി ലോ​ക​ത്തി​ലെ എ​ല്ലാ ദേ​ശ​ങ്ങ​ളി​ലും ക​ട​ന്നുചെ​ന്നി​ട്ടു​ണ്ട്.”

Mahatma Gandhi

ഉ​യി​ർ​ത്തെ​ഴു​ന്നേ​ൽ​ക്കേ​ണ്ട സ​ത്യം

എ​ല്ലാ ത​ത്ത്വ​ചി​ന്ത​ക​ളെ​യും വി​ശ്വാ​സ​മൂ​ല്യ​ങ്ങ​ളെ​യും ഉ​ൾ​ക്കൊ​ള്ളാ​നും മ​ന​സി​നെ​യും ശ​രീ​ര​ത്തെ​യും ആ​ത്മ​വി​ശു​ദ്ധി​യി​ലേ​ക്കു ന​യി​ക്കാ​നും ഗാ​ന്ധി​ജി​ക്ക് സാ​ധി​ച്ചു. നി​ർ​ഭാ​ഗ്യ​മെ​ന്നു പ​റ​യ​ട്ടെ, ഇ​ന്ന് ന​മ്മു​ടെ സ​മൂ​ഹ​ത്തി​ൽ ഗാ​ന്ധി​ജി അ​ന്യ​നും അ​ന​ഭി​മ​ത​നും ആ​കു​ന്നു​ണ്ടോ എ​ന്ന സം​ശ​യം അ​നു​ദി​നം ബ​ല​പ്പെ​ടു​ന്നു​ണ്ട്. ഭാ​ര​ത​ത്തി​ന്‍റെ നി​ല​നി​ല്പി​നും അ​ർ​ഥവ​ത്താ​യ മ​തേ​ത​ര​ത്വ​ത്തി​നും ഗാ​ന്ധിജി എ​ന്ന സ​ത്യം അ​നി​വാ​ര്യ​മാ​ണ്. വി​വി​ധ മ​ത​സ​മൂ​ഹ​ങ്ങ​ളു​ടെ ഐ​ക്യ​ത്തി​നു വേ​ണ്ടി ജീ​വി​തം മാ​റ്റി​വ​ച്ചു എ​ന്ന​താ​യി​രു​ന്നു ഗാ​ന്ധി​ജി​യു​ടെ അ​ന​ന്യ​ത.

ഗാ​ന്ധി​ജി ക​റ​തീ​ർ​ന്ന ഒ​രു ഹൈ​ന്ദ​വ​വി​ശ്വാ​സി​യാ​യി​രു​ന്നു. അ​ത് ഒ​രി​ക്ക​ലും മ​റ​ച്ചു​വ​യ്ക്കാ​നോ ഒ​ളി​ച്ചു​വ​യ്ക്കാ​നോ അ​ദ്ദേ​ഹം ആ​ഗ്ര​ഹി​ച്ചി​ല്ല. വ്യ​ത്യ​സ്ത​ങ്ങ​ളാ​യ മ​ത​വി​ശ്വാ​സ​ങ്ങ​ളി​ൽ അ​ടി​യു​റ​ച്ചു നി​ന്ന് പൊ​തു​നന്മക്കാ​യി ഒ​രു​മി​ച്ചു മു​ന്നേ​റ​ണ​മെ​ന്ന് അ​ദ്ദേ​ഹം ന​മ്മു​ടെ സ​മൂ​ഹ​ത്തെ ഓ​ർ​മി​പ്പി​ക്കു​ന്നു​ണ്ട്. ഇ​ന്ത്യ​ൻ ദേ​ശീ​യ​ത​യ്ക്കു തു​രങ്കം വ​യ്ക്കു​ന്ന തിന്മക​ളെ​ക്കു​റി​ച്ച് സൂ​ചി​പ്പി​ക്കു​ന്പോ​ൾ ക്രി​മി​ന​ൽ…

View original post 676 more words

World Suicide Prevention Day, September 10

അന്തരാഷ്ട്ര

ആത്മഹത്യ പ്രതിരോധ ദിനം

 

“ആത്മഹത്യ പ്രതിരോധം; പ്രവർത്തിയിലൂടെ പ്രതീക്ഷ നൽകാം”

ലോകമെബാടും സെപ്റ്റംബർ 10 അന്തരാഷ്ട്ര ആത്മഹത്യ പ്രതിരോധ ദിനമായാണ് (World Suicide Prevention Day) മാനസികാരോഗ്യ ദിനമായിട്ടാണ് ആചരിക്കുന്നത്. വർദ്ധിച്ചു വരുന്ന ആത്മഹത്യ നിരക്ക് കുറക്കുകയെന്ന ലക്ഷ്യത്തോടെ 2003 മുതൽ ഏറെ പ്രാധാന്യം നൽകികൊണ്ട് ഈ ദിനാചരണം നടക്കുന്നു. മുൻകാലഘട്ടങ്ങളെ അപേക്ഷിച്ചു മാനസികാരോഗ്യ മേഖലയിൽ ബോധവത്കരണ പ്രവർത്തങ്ങൾ നടക്കുന്നുണ്ടെങ്കിലും ആത്മഹത്യ ചെയ്യുന്നവരുടെ ഞെട്ടിക്കുന്ന കണക്കുകൾ ഇങ്ങനെയൊരു ദിനാചരണത്തിന്റെ ആവശ്യകത വ്യകതമാക്കുന്നു.

ആഗോള തലത്തിൽ ഏകദേശം ഓരോ വർഷവും 700,000 -ത്തിലധികം ആളുകൾ ആത്മഹത്യ ചെയ്യുന്നുണ്ടെന്നാണ് കണക്കുകൾ സൂചിപ്പിക്കുന്നത്. അതിൽ തന്നെ 17% ഇന്ത്യക്കാരാണ്. ഇത്ര മാത്രം ആത്മഹത്യകൾ ഉണ്ടാവുമ്പോൾ ആത്മഹത്യശ്രമങ്ങളുടെ എണ്ണം ഇതിലപ്പുറം ആയിരിക്കുമെന്ന് ഊഹിക്കാമല്ലോ. 15-24 വയസ്സിനിടയിലുള്ളവരുടെ മരണത്തിൽ രണ്ടാമത്തെ പ്രധാന കാരണം ആത്മഹത്യയാണ്. ഇന്ത്യയിൽ പ്രതിദിനം 381 ആത്മഹത്യകൾ സംഭവിക്കുന്നുണ്ട്. 2019 ൽ ഇന്ത്യയിൽ 1.39 ലക്ഷത്തിലധികം പേർ ആത്മഹത്യ ചെയ്തു. മഹാ മാരിയുടെ വരവും അതിനെ പ്രതിരോധിക്കാൻ എടുത്ത നടപടികളും ഓരോരുത്തരുടെയും മാനസികാരോഗ്യത്തിൽ ഉണ്ടാക്കിയ പ്രത്യാഘാതങ്ങൾ വളരെ വലുതാണ്. സാമൂഹിക അകലം പാലിക്കുന്നതിന്റെ ഭാഗമായി സ്വന്തം വീടുകളിലേക്ക് ചുരുങ്ങുവാൻ ആളുകൾ നിർബന്ധിതരായി. ഈ മഹാമാരി ഒറ്റപ്പെടലിന്റെയും നിസഹായാവസ്ഥയുടെയും വികാരങ്ങൾ വർദ്ധിപ്പിക്കുന്നതിനും കാരണമായി. ദിനചര്യയിലുണ്ടായ വ്യത്യാസങ്ങൾ, മാനസിക ഉല്ലാസത്തിനുള്ള മാർഗങ്ങളുടെ ലഭ്യതകുറവ്, സാമ്പത്തിക പ്രതിസന്ധി എന്നിവയെല്ലാം കൊറോണ കാലത്തെ മാനസികാരോഗ്യ പ്രശ്നങ്ങൾ വർദ്ധിക്കുന്നതിന് കാരണമായി.

വിവിധ കാരണങ്ങളാൽ സ്വന്തം ജീവൻ ഹനിക്കുന്ന പ്രവർത്തിയാണ് ആത്മഹത്യ. ഒരുനിമിഷത്തെ അവിവേകംമൂലം എടുത്തു ചാടി ജീവൻ അവസാനിപ്പിക്കുന്നതും വളരെ പ്ലാനിങ്ങോടെ ചെയ്യുന്നതും ഇതിൽ ഉൾപ്പെടുന്നു. ജാതി മത ഭേദമന്യേ എന്നു പറയുന്ന പോലെ എല്ലാ പ്രായക്കാരിലും, സാമ്പത്തികവും സാമൂഹികവും വംശീയവും വ്യത്യാസപ്പെട്ടു കിടക്കുന്നവരിലും ആത്മഹത്യ സംഭവിക്കുന്നുണ്ട്. പ്രതി വർഷം കൂടി വരുന്ന ആത്മഹത്യാ നിരക്ക്‌ മനുഷ്യന്റെ നല്ലൊരു മാനസികാവസ്ഥയിലേക്കല്ല വിരൽ ചൂണ്ടുന്നത്.

ആത്മഹത്യയെന്നത് സങ്കീർണ്ണമായ ഒരു പെരുമാറ്റമാണ്. ഒരു വ്യക്തി അനുഭവിക്കുന്ന ഒരു പ്രശ്നത്തോടുള്ള പ്രതികരണമായി മാത്രം അതിനെ കാണാനാവില്ല. ആത്മഹത്യ ചെയ്യുന്ന പലരും ജീവിക്കാൻ തീവ്രമായി ആഗ്രഹിച്ചിരുന്നവരാണ്. എന്നാൽ അവരുടെ പ്രശ്നങ്ങൾക്ക് ബദൽ മാർഗ്ഗങ്ങൾ കാണാൻ കഴിയാതാവുമ്പോൾ സ്വന്തം ജീവനെടുക്കുകയെന്ന തീരുമാനത്തിലേക്കെത്തുന്നു.

ആത്മഹത്യയിലേക്കു നയിക്കുന്ന കാരണങ്ങൾ

സ്വന്തം ജീവനെടുക്കുന്നതിനെക്കുറിച്ചുള്ള ചിന്തകളെ സൂയിസൈഡൽ ഐഡിയേഷൻസ് എന്നാണ് വിളിക്കുന്നത്. പ്രധാനമായും വിഷാദ രോഗത്തിന്റെ ഭാഗമായി ഇത് കാണുന്നു. വിഷാദം,ഉത്കണ്ഠ, മദ്യപാനം, മറ്റ് മാനസിക വൈകല്യങ്ങൾ തുടങ്ങിയ മാനസികാരോഗ്യ പ്രശ്നങ്ങലുള്ളവരിൽ ആത്മഹത്യ പ്രവണത കൂടുതലായി കാണുന്നു. മുൻപ് ആത്മഹത്യ ശ്രമങ്ങൾ നടത്തിയവർ വീണ്ടും അതാവർത്തിക്കാനുള്ള സാധ്യതയുണ്ട്. ആത്മഹത്യയുടെ കുടുംബ പശ്ചാത്തലം ഉള്ളതും അപകട സാധ്യത വർധിപ്പിക്കുന്നു. സാമ്പത്തിക പ്രശ്നങ്ങൾ, ബന്ധം വേർപിരിയൽ തുടങ്ങിയ സമ്മർദ്ദങ്ങലുണ്ടാവുമ്പോൾ ആത്മഹത്യയെ പരിഹാരമായി അവലംബിക്കുന്നവരുമുണ്ട്. അതു പോലെ വിട്ടുമാറാത്ത വേദനയും അസുഖവും പോലുള്ള പ്രതിസന്ധിയുടെ നിമിഷങ്ങളിൽ പല ആത്മഹത്യകളും സംഭവിക്കുന്നു. സംഘർഷാവസ്ഥ, പ്രകൃതി ദുരന്തങ്ങൾ, അക്രമണങ്ങൾ, ദുരുപയോഗപ്പെടൽ എന്നിവ അനുഭവിക്കുന്നതും ആത്മഹത്യയിലേക്ക് നയിക്കുന്നതിന്റെ പ്രധാന ഘടകങ്ങളാണ്. ചില വിഭാഗങ്ങളിലും ആത്മഹത്യ നിരക്ക് കൂടുതലായി കാണപ്പെടുന്നു. അഭയാർത്ഥികൾ, കുടിയേറി പാർക്കുന്നവർ; എൽ ജി ബി ടി വ്യക്തികൾ; തടവുകാർ എന്നിവർ ആത്മഹത്യ ചെയ്യാൻ ഉയർന്ന സാധ്യത കാണിക്കുന്നുണ്ട്. ഒരാളുടെ ആത്മഹത്യ ചുറ്റുമുള്ളവരെയും പ്രതികൂലമായി ബാധിക്കുന്നു. ആത്മഹത്യ തടയാൻ കഴിഞ്ഞില്ലല്ലോ എന്ന കുറ്റബോധം മുതൽ സാമൂഹിക തലത്തിൽ നേരിടുന്ന സ്റ്റിഗമ വരെ അതിൽ ഉൾപ്പെടുന്നു.

ആത്മഹത്യ ചെയ്യാൻ പ്രേരണയുള്ള മിക്ക വ്യക്തികളും അവരുടെ ആത്മഹത്യാ ഉദ്ദേശ്യങ്ങളെക്കുറിച്ച് കൃത്യമായ മുന്നറിയിപ്പുകളോ സൂചനകളോ നൽകാറുണ്ട്. അവ തിരിച്ചറിയാൻ കഴിഞ്ഞു സഹായങ്ങളോ ചികിത്സയോ ലഭ്യമാക്കാൻ കഴിഞ്ഞാൽ ഒരു പരിധി വരെ ആത്മഹത്യ നിരക്ക് നമ്മുക്ക് കുറയ്ക്കാനാവും.

ശ്രദ്ധിക്കേണ്ട ചില അടയാളങ്ങൾ/ ലക്ഷണങ്ങൾ

1. മരിക്കാൻ ആഗ്രഹിക്കുന്നതിനെക്കുറിച്ചോ മരണത്തെ കുറിച്ചോ സംസാരിക്കുക.

2. ആത്മഹത്യ രീതികളെ കുറിച്ച് അന്വേഷിക്കുക

3. പ്രതീക്ഷയില്ലായ്മയും നിരാശയും അനുഭവപ്പെടുക. ജീവിക്കാൻ വ്യക്തമായ കാരണങ്ങളില്ലെന്ന തോന്നൽ.

4. അമിത ഉത്കണ്ഠ, ദേഷ്യം, പക

5. അമിതമായി മദ്യം, മയക്കുമരുന്ന് തുടങ്ങിയ ലഹരി മരുന്നുകളുടെ ഉപയോഗം.

6. മറ്റുള്ളവർക്ക്‌ ഒരു ഭരമാണെന്ന രീതിയിലുള്ള സംസാരം.

7. മറ്റുള്ളവരിൽ നിന്നും മാറി നിൽക്കുന്ന അവസ്ഥ / സാമൂഹികമായ പിൻവാങ്ങൽ/ ഒറ്റപെട്ടു എന്ന തോന്നൽ

8.തുടരെ തുടരെ മാനസികാവസ്ഥയിൽ വരുന്ന വ്യതിയാനം.

9. ഉറക്കത്തിലുണ്ടാകുന്ന വ്യത്യാസങ്ങൾ (ചിലരിൽ ഉറക്കം കൂടുന്നു/ ചിലരിൽ അത് കുറയുന്നു)

ഇത്തരത്തിലുള്ള ലക്ഷണങ്ങൾ കാണിക്കുന്നുണ്ടെങ്കിൽ കൃത്യമായ ശ്രദ്ധ നൽകേണ്ടതും മാനസികാരോഗ്യ വിദഗ്ദരെ സമീപിക്കേണ്ടതുമാണ്.

നമുക്ക് എന്തു ചെയ്യാനാവും?

ശാരീരിക ആരോഗ്യം പോലെത്തന്നെ പ്രാധാന്യമർഹിക്കുന്നതാണ് മാനസികാരോഗ്യവും. ഇവ രണ്ടും പരസ്പര പൂരകങ്ങളാണ്. എന്നാൽ പോലും മാനസികാരോഗ്യ ബുദ്ധിമുട്ട് വരുമ്പോൾ മാനസികാരോഗ്യ വിദഗ്ധനെ കാണുന്നതിൽ ദുരഭിമാനം വെച്ച് പുലർത്തുന്നവരുണ്ട്. ഒരു വ്യക്തി ആത്മഹത്യ ഭീഷണി ഉയർത്തുമ്പോൾ അടിയന്തരമായി സ്വീകരിക്കേണ്ട നടപടികളുണ്ട്. അത്തരത്തിലുള്ള ബുദ്ധിമുട്ടുകൾ നേരിടുമ്പോൾ മാനസികാരോഗ്യ വിദഗ്ദ്ധരെ മടി കൂടാതെ സമീപിക്കുക.

ആത്മഹത്യ പ്രവണതയുള്ളവരെ അതിൽ നിന്നും പിന്തിരിക്കുന്നതിനായി നമുക്കെല്ലാവർക്കും പങ്കു വഹിക്കാനാകും. നമ്മുടെ പരിചയവലയത്തിൽ ആർക്കെങ്കിലും ആത്മഹത്യാ പ്രവണതയുണ്ടെന്നു തോന്നിയാൽ അവരോടു കാര്യങ്ങൾ ചോദിച്ചറിയാൻ ശ്രമിക്കണം. ആത്മഹത്യ പ്രവണതയെ ഗൗരവമായി എടുക്കുക. മനസ് തുറന്നുള്ള സംസാരം അവരെ സഹായിച്ചേക്കാം. അവരുടെ അനുഭവങ്ങൾ കേൾക്കാൻ സമയവും ഇടവും ഉണ്ടാക്കുന്നത് അവർക്ക് ഒരു ആശ്വാസം നൽകുന്നു. കുറ്റപെടുത്താതെയും അവരുടെ വികാരങ്ങളെ മാനിച്ചു കൊണ്ടുമുള്ള സംഭാഷണത്തിന് ജീവിതത്തെ കുറിച്ചുള്ള പ്രതീക്ഷ സൃഷ്ടിക്കാൻ കഴിയും. ഒരു നല്ല ശ്രോതാവ് പ്രശ്നങ്ങളെ ചർച്ച ചെയ്യുകയും, പിന്തുണ വാഗ്ദാനം ചെയ്യുന്നു. അവരെ പിന്തുണയ്ക്കാനും ആളുകളുണ്ടെന്ന തോന്നൽ മുന്നോട്ട് പോകാൻ അവരെ സഹായിക്കുന്നു.

അതുപോലെ ആത്മഹത്യാ പ്രവണതയുള്ളവരാണെന്നു തോന്നിയാൽ അതിന് ശ്രമിച്ചേക്കാവുന്ന മാർഗങ്ങൾക്ക് പരമാവധി തടയിടാൻ ശ്രമിക്കണം. അത്തരത്തിലുള്ള വ്യക്തിയെ ഒറ്റയ്ക്ക് ഇരുത്തരുത്. അതു പോലെ ആ വ്യക്തിയുടെ ജീവിതത്തിന് വെല്ലുവിളി ഉയർത്തിയെക്കാവുന്ന മാരകമായ വസ്തുക്കൾ നീക്കം ചെയ്യുക. അപകടം ഉണ്ടായേക്കാൻ സാധ്യതയുള്ള സ്ഥലങ്ങളിൽ നിന്നും മാറ്റുക. ഇത്തരത്തിലുള്ള കൂട്ടായ പ്രവർത്തനങ്ങളിലൂടെ ആത്മഹത്യകളെ നമുക്ക് പ്രതിരോധിക്കാം. ആളുകളിൽ ജീവിതത്തെ കുറിച്ച് ശുഭാപ്തി വിശ്വാസം ഉണ്ടാക്കാം
#jnvm_articles by Nimmy Michel

Advertisements

മനോഹർ പരീക്കർ അദ്ധ്യാപക ദിനത്തിൽ എഴുതിയ കുറിപ്പു്

അന്തരിച്ച മനോഹർ പരീക്കർ അദ്ധ്യാപക ദിനത്തിൽ എഴുതിയ കുറിപ്പു് വീണ്ടും വീണ്ടും വായിക്കേണ്ടതാണ്. .

“ഞാൻ ഗോവയിലെ പര ഗ്രാമത്തിൽ നിന്നു വന്ന ആളാണ്. അത് കൊണ്ടാണ് ഞങ്ങളെ പരീക്കർ എന്ന് വിളിക്കുന്നത്. എന്റെ ഗ്രാമം തണ്ണിമത്തന് പേരുകേട്ട സ്ഥലമാണ്. ഞാൻ കുട്ടിയായിരുന്നപ്പോൾ, മെയ് മാസത്തിലെ വിളവെടുപ്പ് സീസൺ അവസാനിക്കുമ്പോൾ, അവിടെയുള്ള കർഷകർ തണ്ണിമത്തൻ കഴിക്കുന്ന മത്സരം സംഘടിപ്പിക്കും. എല്ലാ കുട്ടികളും അവർ ആഗ്രഹിക്കുന്നത്ര തണ്ണിമത്തൻ കഴിക്കാൻ ക്ഷണിക്കപ്പെടും. ഞാൻ മുംബൈ ഐഐടിയിൽ എഞ്ചിനീയറിംഗ് പഠിക്കാൻ പോയതിന് ശേഷം ഈ മത്സരങ്ങളെ കുറിച്ച് ശ്രദ്ധിക്കാറില്ല. അഞ്ചാറ് വർഷങ്ങൾക്ക് ശേഷം വീണ്ടും ഞാൻ എന്റെ ഗ്രാമത്തിലേക്ക് മടങ്ങിയെത്തിയ സമയത്ത് ഞാൻ തണ്ണിമത്തൻ തേടി മാർക്കറ്റിൽ പോയി. വളരെ കുറച്ച് തണ്ണിമത്തനേ അവിടെ ഉണ്ടായിരുന്നുള്ളൂ. ഉള്ളതാകട്ടെ വളരെ ചെറുതും.

അക്കാലത്ത് തണ്ണിമത്തൻ കഴിക്കുന്ന മത്സരം സംഘടിപ്പിച്ച കർഷകനെ കാണാൻ പോയി. ഇപ്പോൾ അദ്ദേഹത്തിന്റെ മകനാണ് മത്സരങ്ങൾ ഏറ്റെടുത്തു നടത്തുന്നത് എന്നറിഞ്ഞു.. പക്ഷേ ഒരു വ്യത്യാസമുണ്ടായിരുന്നു. അച്ചൻ തണ്ണിമത്തൻ കഴിക്കാൻ തരുമ്പോൾ വിത്ത് ഒരു പാത്രത്തിലേക്ക് തുപ്പാൻ ആവശ്യപ്പെടുമായിരുന്നു. വിത്തുകളിൽ കടിക്കരുതെന്ന് ഞങ്ങളോട് പറയുമായിരുന്നു. അദ്ദേഹം തന്റെ അടുത്ത വിളയ്ക്കുള്ള വിത്തുകൾ ശേഖരിക്കുകയായിരുന്നു ഈ മത്സരത്തിലൂടെ. യഥാർത്ഥത്തിൽ ഞങ്ങൾ ശമ്പളമില്ലാത്ത ബാലവേലക്കാരക്കുകയായിരുന്നു ഇതിലൂടെ. മത്സരത്തിനായി അദ്ദേഹം തന്റെ മികച്ച തണ്ണിമത്തൻ സൂക്ഷിച്ചു വെച്ചിരുന്നു. അടുത്ത വർഷം അതിലും വലിയ തണ്ണിമത്തൻ ഉല്പാദിപ്പിക്കാനുള്ള മികച്ച വിത്തുകൾ, ആ മത്സരം സംഘടിപ്പിച്ചതിലൂടെ, അദ്ദേഹത്തിന് ലഭിച്ചു. അദ്ദേഹത്തിന്റെ മകൻ, ചുമതലയേറ്റപ്പോൾ, വലിയ തണ്ണിമത്തന് മാർക്കറ്റിൽ കൂടുതൽ പണം ലഭിക്കുമെന്ന് തിരിച്ചറിഞ്ഞു, അതിനാൽ മകൻ വലിയവ വിൽക്കുകയും മോശമായ തണ്ണിമത്തനുകൾ മത്സരത്തിനായി സൂക്ഷിക്കുകയും ചെയ്തു. അടുത്ത വർഷം, തണ്ണിമത്തനുകൾ ഉണ്ടായത് ചെറുതായിരുന്നു, വർഷങ്ങൾ കഴിഞ്ഞപ്പോൾ തണ്ണിമത്തനുകൾ നിലവാരം കുറഞ്ഞതും ചെറുതുമായി തുടങ്ങി. ഏഴ് വർഷത്തിനുള്ളിൽ തന്നെ പര ഗ്രാത്തിലെ തണ്ണിമത്തൻ നിലവാരമില്ലാത്തതും ആർക്കും വേണ്ടാത്തതുമായി. മനുഷ്യരിൽ, 25 വർഷത്തിനുശേഷം തലമുറകൾ മാറുന്നു. നമ്മുടെ കുട്ടികളെ പഠിപ്പിക്കുമ്പോൾ നമ്മൾ എന്താണ് തെറ്റ് ചെയ്യുന്നതെന്ന് മനസിലാക്കാൻ 200 വർഷമെങ്കിലുമെടുക്കും. അടുത്ത തലമുറയെ പരിശീലിപ്പിക്കാൻ നമ്മൾ നമ്മളുടെ ഏറ്റവും മികച്ച അദ്ധ്യാപകരെ ഉപയോഗിച്ചില്ലെങ്കിൽ, ഇതാണ് നമ്മൾക്കും സംഭവിക്കാൻ പോകുന്നത്. അത് കൊണ്ട് അദ്ധ്യാപകവൃത്തിയിലേക്ക് നമ്മൾ മികച്ചവരെ തന്നെ ആകർഷിക്കണം.”

അദ്ധ്യാപനം ഒരു മാന്യമായ തൊഴിലാണ്, ഇന്ത്യയ്ക്ക് കൂടുതൽ മിടുക്കരായ അധ്യാപകർ ആവശ്യമാണ്. എല്ലാവർക്കും എൻ്റെ ഹൃദയം നിറഞ്ഞ അദ്ധ്യാപക ദിനാശംസകൾ💐💐💐

Advertisements

ആ യാത്രക്കാരില്‍ ഞാന്‍ എന്‍റെ മകനെ കണ്ടു

ജര്‍മ്മനിയില്‍, അധികാരത്തിലെത്തിയ ഹിറ്റ്ലര്‍ ആദ്യം ചെയ്ത പ്രവര്‍ത്തി തന്‍റെ പിതാവിന്‍റെ കുഴിമാടം ഇടിച്ച് നിരത്തുക എന്നതായിരുന്നൂ. അതിന്‍റെ കാരണം തന്‍റെ പിതാവൊരു ജൂതനായിരുന്നു എന്നതാണ്. ജൂതന്‍മ്മാരോടുള്ള ഹിറ്റ്ലറുടെ ഈ പക ലക്ഷകണക്കിന് ജൂതന്‍മ്മാരെ ചുട്ട്കൊല്ലുന്ന അവസ്ഥയിലേക്ക് എത്തിച്ചു. അതിനായ് പ്രതേകം കോൺസൺഡ്രേഷൻ ക്യാമ്പുകളും ഹിറ്റ്ലര്‍ നിര്‍മ്മിച്ചു. മുഴുവന്‍ ജൂതന്‍മ്മാരെയും കൊണ്ട് വന്ന് ഗ്യാസ്സ് ചേമ്പറിലിട്ടാണ് ഹിറ്റ്ലര്‍ ഈ ക്രൂരമായ കൂട്ടകുരുതി നടത്തിയത്…

കോൺസൺഡ്രേഷൻ ക്യാമ്പുകളിലെ അടിയന്തിര ആവിശ്യങ്ങള്‍ക്ക് ചില ഘട്ടങ്ങളില്‍ അവിടേക്ക് ഡോക്ടര്‍മ്മാരെ വിളിക്കും. അങ്ങനെ എപ്പൊഴൊക്കെയാണോ അവിടെക്ക് ഡോക്ടര്‍മ്മാര്‍ വന്നിറ്റുള്ളത് അപ്പൊഴൊക്കെ അവരുടെ കൂടെ സഹായായ നേഴ്‌സ്സായ് വന്നത് ഒരു പെണ്‍കുട്ടിയാണ്. മിടുക്കിയായ ഒരു പെണ്‍കുക്കി….

കുറെ കാലം,
കഴിഞ്ഞാണ് ലോകം ഒരു വലിയ സത്യം തിരിച്ചറിഞ്ഞത്. അവള്‍ അങ്ങനെ വന്ന് പോകുന്ന ഓരോ തവണയും അവള്‍ ആ ക്യാമ്പില്‍ നിന്നും ജൂതകുഞ്ഞുങ്ങളെ പുറത്തേക്ക് രക്ഷിച്ച് കൊണ്ട് പോകും. അങ്ങനെ രക്ഷിച്ച് അവള്‍ ജീവിതത്തിന്‍റെ നീലാകാശത്തിലേക്ക് തുറന്ന് വിട്ടത് പത്തോ നൂറോ കുഞ്ഞുങ്ങളെയല്ല…
രണ്ടായിരത്തി അറന്നൂറ് കുഞ്ഞുങ്ങളെയാണ്…..

2008 മെയ്യ് 12,
നൂറാമത്തെ വയസിലാണ് അവള്‍ മരണപെടുന്നത്…..

ഇത്,
രണ്ടായിരത്തി,
ഇരുപത്തിയൊന്നാണ്…..
ഇവിടെ ഹിറ്റ്ലറല്ല മൂപ്പത് ലക്ഷം മനുഷ്യരെ വെടിവെച്ച് കൊന്ന താലിബാനാണ് വില്ലന്‍. കാല്‍പാദം മറച്ചില്ല എന്ന ഒറ്റ കാരണത്താല്‍ ഒരു യുവതിയെ പരസ്യമായ് വിചാരണ ചെയ്ത് വെടിവെച്ച് കൊന്ന കാഴ്ച തല്‍സമയം ലോകത്തെ കാണിച്ച് തങ്ങളുടെ നയം വ്യക്തമാക്കി കൊണ്ടിരിക്കുന്നവരാണ്. അവരുടെ പിടിയില്‍ നിന്നും രക്ഷപെടാന്‍ അഫ്ഗാനിസ്ഥാൻ തലസ്ഥാനമായ കാബൂളിലെ വിമാനതാവളത്തിലേക്ക് ഓടിയെത്തിയ പതിനായിരങ്ങളെ കണ്ടില്ലെ..?

വീമാന ചിറകിലും, ചക്രത്തിന്‍റെ അരികിലും, മുകളിലുമൊക്കെയായ് കയറുകൊണ്ട് ബന്ധിക്കപ്പെട്ട് ഒന്ന് രക്ഷപെടാന്‍ ശ്രമിച്ചവരുടെ ദയനീയ കാഴ്ചകള്‍ കണ്ടില്ലെ…?

പറന്നുയരുമ്പോള്‍, അപ്പൂപ്പന്‍ത്താടി പോലെ ഉതിര്‍ന്ന് വീഴുന്ന മനുഷ്യരെ കണ്ടില്ലെ..? മരണത്തെക്കാള്‍ അവര്‍ ഭയന്നത് താലിബാന്‍ ക്രൂരതകളെയാണ്….

ഇവിടെയാണ്, ‘മർക്കസ് വെയ്‌സ്‌ജോർബെർ’യെന്ന പൈലറ്റിനെ കുറിച്ച് നാം അറിയേണ്ടത്. ഓര്‍ക്കേണ്ടത്…

യൂ.എസ്സ് എയര്‍ഫോഴ്സ്സിന്‍റെ, RCH 871ലെ പൈലറ്റാണ് ‘മർക്കസ് വെയ്‌സ്‌ജോർബെർ’. തന്‍റെ വീമാനത്തിന്‍റെ പരമാവധി ശേഷിയുടെ അഞ്ച് മടങ്ങിലധികം ആളുകള്‍ തിങ്ങി നിറഞ്ഞ വീമാനം എന്ത് ധൈര്യത്തിലാണ് ‘മർക്കസ്’ മുന്നോട്ട് എടുത്തത്…?

വര്‍ദ്ധിത ഭാരത്താല്‍, വീമാനം തകര്‍ന്നാല്‍ താന്‍ ഉള്‍പ്പെടെ എല്ലാവരും മരണപ്പെടും എന്ന് അറിയാഞ്ഞിട്ടല്ല മാര്‍ക്കസ് ആ ആകാശനൗഖ പറത്തിയത്. ആ വീമാനത്തില്‍ കയറി പറ്റിയവരുടെ കാഴ്ച. അവരുടെ ദയനീയമായ നോട്ടങ്ങള്‍, നിലവിളികള്‍, അതില്‍ പലരും പിന്നാലെ വരുന്ന ശത്രുവിനെ കണ്ട്, മരണം കണ്ട് ഓടിയതാണ്. അഞ്ചാള്‍ ഉയരമുള്ള വീമാനത്താവളത്തിന്‍റെ സുരക്ഷ മതിലൊന്നും അവര്‍ക്കൊരു വിഷയമെ ആയിരുന്നില്ല. അതും ചാടികടന്ന് വീമാനത്തില്‍ കയറി പറ്റിയതാണവര്‍. തന്‍റെ കോക്പിറ്റിലിരുന്ന് വീമാനത്തിന്‍റെ അകത്തേക്ക് നോക്കി, എല്ലാം നഷ്ടപ്പെട്ടവരുടെ മുഖങ്ങള്‍ ഒന്നിച്ച് തന്‍റെ മൊബൈല്‍ ക്യാമറയില്‍ പകര്‍ത്തി വര്‍ദ്ധിച്ച ആത്മ ധൈര്യത്തോടെ, നിശ്ചലമായ ചിറകുകളുളള, യാന്ത്രികോർ‌ജ്ജത്താൽ പ്രവർത്തിക്കുന്ന, വായുവിനേക്കാൾ ഭാരം കൂടിയ ആ ആകാശനൗകയെ ‘മർക്കസ് വെയ്‌സ്‌ജോർബെർ’ RCH 871 നീലാകാശത്തേക്ക് ഉയര്‍ത്തി….

ആ യാത്രയില്‍ താന്‍ തന്‍റെ മൊബൈലില്‍ പകര്‍ത്തിയ ആ ചിത്രം ഇടകൊക്കെ എടുത്ത് നോക്കിയിരുന്നെന്നും. അറിയാതെ തന്‍റെ കണ്ണുകള്‍ നിറഞ്ഞൊഴുകിയത് എന്തിനായിരുന്നെന്ന് എനിക് മനസിലായിരുന്നില്ലെന്ന് മാര്‍ക്കസ് തന്‍റെ ട്വിറ്ററില്‍ കുറിച്ചു….

കൂടെ ഇങ്ങനെയും….

”ആ യാത്രക്കാരില്‍,
ഞാന്‍ എന്‍റെ മകനെ കണ്ടു….
എന്‍റെ അമ്മയേയും, സഹോദരിയേയും ഭാര്യയേയും കണ്ടു…..”

അങ്ങനെ,
760.പേരെയാണ്,
താലിബാന്‍തോക്കിന്‍ മുനയില്‍ നിന്ന് ‘മർക്കസ് വെയ്‌സ്‌ജോർബെർ’ ജീവിതത്തിന്‍റെ നീലാകാശത്തിലേക്ക് രക്ഷിച്ച് പറത്തിവിട്ടത്ത്. പറന്ന് പറന്ന് അവര്‍ ഇന്നലെ രാത്രി ആശ്വാസത്തിന്‍റെ പുതപ്പിനുള്ളില്‍ നിന്നും പുതിയ സ്വപ്നങ്ങള്‍ കാണാന്‍ തുടങ്ങി….

CNNന്‍റെ,
ലേഖിക തിരിച്ചെത്തിയ ‘മർക്കസ് വെയ്‌സ്‌ജോർബെർ’ ഒരു ചോദ്യം ചോദിച്ചത് ഇങ്ങനെയാണ്…

”എവിടെന്ന്,
കിട്ടി ഇത്രയും ധൈര്യം…?

ആ ചോദ്യത്തിന് ഉത്തരം പറയുമ്പോള്‍ ‘മർക്കസ് വെയ്‌സ്‌ജോർബെന്‍റെ’ കണ്ണുകള്‍ വികസിച്ചു. മുഖം വല്ലാതെ ചുവന്നു….
അയാള്‍ പറഞ്ഞൂ….

”ഈ ധൈര്യം,
എനിക്ക് തന്നത് എന്‍റെ അച്ചനാണ്…

അച്ചനൊരു,
ഡോക്ടര്‍ ആയിരുന്നു.
രാജ്യത്ത് വലിയൊരു പകര്‍ച്ചപനി പിടിപെട്ടു. പനി പകരുമെന്ന പേടിയില്‍ അവിടെയുള്ള ഡോക്ടര്‍മാരെല്ലാം രാജ്യംവിട്ട് പലായനം ചെയ്തു. അച്ചന്‍മാത്രം എവിടെയും പോയില്ല. ഓരോ വീട്ടിലും ചെന്ന് അച്ചന്‍ രോഗികളെ പരിചരിച്ചു. അവസാനം അച്ചനെയും ഈ പനി പിടികൂടി…

ആ അച്ചന്‍,
മരണത്തെ മുഖാമുഖം കണുന്ന ആ നിമിഷം.
തന്‍റെ മകനെ ചേര്‍ത്ത് പിടിച്ച് ആ അച്ചന്‍ ഒരു വാക്കു പറഞ്ഞൂ….

”ഒരു മനുഷ്യന്‍ ഇങ്ങനെ,
മുങ്ങി മരിക്കുന്നത് കണ്ടാല്‍ നിനക് നീന്തലറിയുമോ ഇല്ലയോ എന്ന് നീ നോക്കരുത്. അയാളെ രക്ഷിക്കാന്‍ നീ എടുത്ത് ചാടുക തന്നെ വേണം….

ആ വീമാനം,
ഇപ്പോള്‍ വീണ്ടും കാബൂളിലേക്ക് പോവുകയാണ്…..

കൂടെ…

#Marcus_Weisgerber _♥

Advertisements
Advertisements

ഏറ്റവും വലിയ കൂട്ടക്കൊലയുടെ ഇടം

Nelson MCBS

ഓഷ്‌വിറ്റ്സ് : മനുഷ്യ ചരിത്രത്തിലെ ഏറ്റവും വലിയ കൂട്ടക്കൊലയുടെ ഇടം
 
ഓഷ്‌വിറ്റ്സ് തടങ്കൽ പാളയത്തിൽ രക്തസാക്ഷിത്വം വരിച്ച വിശുദ്ധ മാക്സിമില്യാൻ കോൾബയുടെ ഓർമ്മ ദിനത്തിൻ യൂറോപ്പിലെ ഏറ്റവും വലിയ നാസി തടങ്കൽപാളയമായിരുന്ന ഓഷ്‌വിറ്റ്സിനെ നമുക്കൊന്നു പരിചയപ്പെടാം.
 
ഓഷ്‌വ്വിറ്റ്‌സ്‌-ബിർകെനൗ (Auschwitz-Birkenau) എന്നറിയപ്പെടുന്ന ഓഷ്വിറ്റ്സ് തടങ്കൽ പാളയം തെക്കൻ പോളണ്ടിലെ ക്രാക്കൊവ് പട്ടണത്തിൽ നിന്നു 50 കിലോമീറ്റർ അകലയായി സ്ഥിതി ചെയ്യുന്നു. 1940 ലാണ് രാഷ്ട്രീയ തടവുകാരെ പാർപ്പിക്കാൻ എന്ന ഉദ്ദേശ്യത്തോടെ ഇവിടെ തടങ്കൽ പാളയം ആരംഭിച്ചത്. രണ്ടാം ലോകമഹായുദ്ധസമയത്ത് (1939-45) ഓഷ്വിറ്റ്സിൽ ഒരു ദശലക്ഷത്തിലധികം ആളുകൾക്ക് ജീവൻ നഷ്ടപ്പെട്ടു. 1945 ജനുവരിയിൽ, സോവിയറ്റ് സൈന്യം ഓഷ്‌വിറ്റ്സിനെ വിമോചിപ്പിക്കുമ്പോൾ ആയിരക്കണക്കിന് തടവുകാരുടെ മൃതദേഹങ്ങൾ അവിടെ കൂമ്പാരം തീർത്തിരുന്നു.
 
ഓഷ്‌വിറ്റ്സിൻ്റെ ഉത്ഭവം
 
1933 മുതൽ 1945 വരെ ജർമ്മൻ ചാൻസലറായിരുന്ന അഡോൾഫ് ഹിറ്റ്ലർ (1889-1945) “അന്തിമ പരിഹാരം” (Final Solution) എന്ന പേരിൽ ഒരു നയം നടപ്പാക്കി. ജർമ്മനിയിലെയും നാസികൾ പിടിച്ചടക്കിയ മറ്റു രാജ്യങ്ങളിലെയും ജൂതന്മാരെ ഒറ്റപ്പെടുത്തുക മാത്രമായിരുന്നില്ല അതിൻ്റെ ഉദ്ദേശ്യം. മനുഷ്യത്വരഹിതമായ നിയന്ത്രണങ്ങൾക്കും ക്രരൂമായ അക്രമങ്ങൾക്കും യഹൂദരെ വിധേയരാക്കുന്നതുമായിരുന്നു ആ നയം. ഓരോ ജൂതനെയും ഇല്ലാതാക്കുന്നതിലൂടെ മാത്രമേ ജർമ്മനിക്കു ഐശ്വര്യം വീണ്ടെടുക്കാൻ കഴിയു എന്നു ഹിറ്റ്‌ലർ വിചാരിച്ചു. അതോടൊപ്പം കലാകാരന്മാർ, അധ്യാപകർ, കമ്മ്യൂണിസ്റ്റുകാര, സ്വവർഗാനുരാഗികൾ, മാനസികവും ശാരീരികവുമായ വൈകല്യമുള്ളവർ എന്നിവർക്കൊന്നും ഹിറ്റ്ലറിൻ്റെ നവ ജർമ്മനിയിൽ സ്ഥാനമില്ലായിരുന്നു. ഈ ദൗത്യം പൂർത്തിയാക്കാൻ ഹിറ്റ്‌ലർ മരണ ക്യാമ്പുകൾ നിർമ്മിക്കാൻ ഉത്തരവിട്ടു. 1933 ജർമ്മനിയിലെ…

View original post 448 more words

‘ലോകം കാണിക്കാത്ത’ ഭീകരത!

Nelson MCBS

പ്രിയ സുഹൃത്തേ, ജീവൻ്റെ നാഥൻ്റെ നാമത്തിൽ വന്ദനം!

ഇന്ന് ആഗസ്റ്റ് പത്താം തീയതി ഭാരതസഭ ജീവൽസംരക്ഷണ ദിനമായി പ്രഖ്യാപിച്ചിരിക്കുകയാണല്ലോ. ഭ്രൂണഹത്യ എന്ന ഹീനപാതകം നാട്ടിൽനിന്ന് അപ്രത്യക്ഷമാകുംവിധം ബോധവത്കരണ ശ്രമങ്ങൾ നമുക്ക് ഊർജസ്വലമാക്കാം!

ഫാ. ജോഷി മയ്യാറ്റിൽ ലേഖനം വായിക്കുകയും ഗ്രൂപ്പുകളിലും സുഹൃത്തുക്കൾക്കിടയിലും പങ്കുവയ്ക്കുകയും ചെയ്യുമല്ലോ. ഒപ്പം, ശ്രീ. ഷാജി ജോസഫ് പോണേക്കര ഡിസൈൻ ചെയ്ത ഈ ചിത്രം FB, whatsapp തുടങ്ങിയവയുടെ സ്റ്റാറ്റസായി ഇടുകയും ജാതിമതഭേദമന്യേ മറ്റുള്ളവരെക്കൊണ്ട് ഇടുവിക്കുകയും ചെയ്യണമെന്ന് സ്നേഹത്തോടെ അഭ്യർത്ഥിക്കുന്നു. ജീവനുവേണ്ടി നമുക്കു കൈകോർക്കാം!

‘ലോകം കാണിക്കാത്ത’ ഭീകരത!

ഫാ. ജോഷി മയ്യാറ്റിൽ

ഭീകരത ലോകത്തെ അടക്കിവാഴുകയാണ്. ആയിരക്കണക്കിനു മനുഷ്യർ ഭീകരവാദത്തിൻ്റെ ഇരകളായി ലോകത്തിൻ്റെ വിവിധ ഭാഗങ്ങളിൽ മരിച്ചുവീണുകഴിഞ്ഞു. ഇതു കണ്ട് ലോകം പലവട്ടം ഞെട്ടിത്തരിച്ചിട്ടുണ്ട്. ഇങ്ങനെ വിറങ്ങലിച്ചുനില്ക്കാൻ നമുക്കും ഇടയ്ക്കിടെ ഇടയാകുന്നുണ്ട്. ഫാസിസത്തിൻ്റെയും ഇസ്ലാമിസത്തിൻ്റെയും കമ്മ്യൂണിസത്തിൻ്റെയും കൊടുംക്രൂരതകളാണ് ഇതുവരെ ലോകശ്രദ്ധയിൽ പതിഞ്ഞിട്ടുള്ള ഭീകരപ്രവർത്തനങ്ങൾ.

എന്നാൽ ആരും കാണാതെയും ഞെട്ടാതെയും വിറങ്ങലിക്കാതെയും ഇന്ന് നമ്മുടെ സ്വന്തം പരിസരങ്ങളിൽ നിർബാധം കൊല്ലപ്പെടുന്നത് കോടിക്കണക്കിന് മനുഷ്യ ജീവനുകളാണ്. സ്ത്രീ-പുരുഷ സംഗമത്തിലൂടെ ദൈവം ലോകത്തിലേക്ക് അയയ്ക്കുന്ന ഒരു മനുഷ്യക്കുഞ്ഞിനെ ലോകം കാണിക്കാതിരിക്കാൻ ഏതാനും വർഷങ്ങൾക്കുമുമ്പ് ഭൂമിയിൽ എത്തിയവർ സംഘംചേർന്നു നടത്തുന്ന ഭീകരപ്രവർത്തനത്തിൻ്റെ പേരാണ് ഗർഭച്ഛിദ്രം! അതിന് ഒത്താശ ചെയ്തുകൊടുക്കാൻ സർക്കാരുകളും ‘പരിഷ്കൃത’ലോകവും കൂടെയുണ്ട് എന്ന വ്യത്യാസമേയുള്ളൂ…

ലോകസമാധാനം അപകടത്തിൽ

സത്യത്തിൽ, ലോകസമാധാനത്തിനുള്ള ഏറ്റവും വലിയ ഭീഷണിയാണ് ഭ്രൂണഹത്യ. ലോകത്തിലെ ഏറ്റവും സുരക്ഷിത ഇടമായ അമ്മയുടെ ഉദരത്തിൽ ഒരു കുഞ്ഞിന് സുരക്ഷിതമായി കഴിയാനാവില്ലെങ്കിൽ ലോകത്തിൽ ഒരിടത്തും…

View original post 799 more words

അന്താരാഷ്ട്ര സൗഹൃദ ദിനം: ജൂലൈ 30

അന്താരാഷ്ട്ര സൗഹൃദ ദിനം: ജൂലൈ 30
 
ബ്രിട്ടിഷ് എഴുത്തുകാരനായ ജോൺ ചുർട്ടൺ കോളിൻസ് സുഹൃത്തുക്കളെക്കുറിച്ച് ഒരിക്കൽ ഇപ്രകാരം എഴുതി :”നമ്മുടെ അഭിവൃദ്ധിയിൽ നമ്മുടെ സുഹൃത്തുക്കൾക്ക് നമ്മളെ അറിയാം, പ്രതികൂല സാഹചര്യങ്ങളിൽ നമുക്കു നമ്മുടെ സുഹൃത്തുക്കളെ അറിയാം.”
 
സൗഹൃദത്തിലൂടെ സമാധാനപരമായ സംസ്കരം കെട്ടിപ്പടുക്കുന്നതിന് പ്രവർത്തിക്കുന്ന World Friendship Crusade എന്ന സംഘടന 1958 ജൂലൈ 30ന് അന്താരാഷ്ട സൗഹൃദ ദിനമായി പ്രഖ്യാപിക്കണമെന്ന ആശയം മുന്നോട്ടു വച്ചു. പരാഗ്വെക്കാരനായ ഡോ. റാമോൺ ആർട്ടെമിയോ ബ്രാച്ചോ ആയിരുന്നു ഈ സംഘടനയുടെ സ്ഥാപകൻ.
 
പരാഗ്വേയിലെ പ്യൂർട്ടോ പിനാസ്കോ എന്ന പട്ടണത്തിൽ സുഹൃത്തക്കളോടൊപ്പം 1958 ജൂലൈ ഇരുപതാം തീയതി അത്താഴം കഴിച്ചു സൗഹൃദ ദിനം അന്താരാഷ്ട്ര തലത്തിൽ സംഘടിപ്പിക്കണം എന്ന ആശയം മുന്നോട്ടു വച്ചു. വർണ്ണ ലിംഗ വംശ മത ഭേദമില്ലാതെ മനുഷ്യവർഗത്തിൻ്റെ സൗഹൃദവും കൂട്ടായ്മയും പ്രോത്സാഹിപ്പിക്കുകയാണ് ലോക സൗഹൃദ ദിനത്തിൻ്റെ ലക്ഷ്യം.
 
ഐക്യരാഷ്ട്രസഭയുടെ ജനറൽ അസംബ്ലിയാണ് 2011 ഏപ്രിൽ ഇരുപത്തിയേഴാം തീയതി ജൂലൈ 30 അന്താരാഷ്ട്ര സൗഹൃദ ദിനമായി ഔദ്യോഗികമായി അംഗീകരിച്ചത് . ഇന്ത്യ ബംഗ്ലാദേശ് മലേഷ്യ യു എ ഇ അമേരിക്ക എന്നി രാജ്യങ്ങളിൽ ഓഗസ്റ്റു മാസത്തിലെ ആദ്യത്തെ ഞായറാഴ്ചയാണ് സൗഹൃദ ദിനമായി ആഘോഷിക്കുന്നത്.
 
Sharing the human spirit through friendship (മാനവചേതനയുടെ പങ്കുവെപ്പിലൂടെ സൗഹൃദം) എന്നതാണ് ഈ വർഷത്തെ ലോക സൗഹൃദ ദിനത്തിൻ്റെ വിഷയം.
 
സൗഹൃദമാണ് ലോകജനതയെ സമൃദ്ധവും സമാധാനപരവുമാക്കുന്നതിനുള്ള ഒരു അടിസ്ഥാന ഉപകരണം. സമൂഹങ്ങൾക്കിടയിൽ സാമൂഹിക ഐക്യവും സൗമ്യതയും നിലനിർത്തുന്നതിനുള്ള പ്രധാന ഉറവിടം സൗഹൃദമാണ്. വിവിധ ആളുകൾക്കിടയിലും സമൂഹങ്ങളിലും രാജ്യങ്ങളിലും സൗഹൃദത്തിന്റെ പ്രവണതകൾ വളർത്തിയെടുക്കുന്നതിലൂടെ നമുക്ക് മെച്ചപ്പെട്ട സ്ഥിരതയും ഐക്യദാർഢ്യവും സമാധാനവും കൈവരിക്കാൻ കഴിയും.
 
J Kunnel MCBS
Advertisements

എന്താണ് ഉബുണ്ടു ?

ഉബുണ്ടു എന്ന് കേട്ടിട്ടുണ്ടോ നിങ്ങൾ ?

എന്താണ് ഉബുണ്ടു ?

മൂന്ന് വർഷം മുമ്പ് ഒരു സുഹൃത്തിന്റെ വീട് സന്ദർശിച്ചപ്പോഴുണ്ടായ ഒരനുഭവം പറഞ്ഞു കൊണ്ട് വിശദമാക്കാം.

ആ സുഹൃത്തിനൊരു മകളുണ്ട്. .

ഒരു മിടുക്കി പെൺകുട്ടി .
ഒമ്പതു വയസ്സുകാരി .

നാലാം ക്ലാസ്സിൽ പഠിക്കുന്ന അവളുടെ വായനാമുറിയിൽ ധാരാളം പുസ്തകങ്ങൾ ഉണ്ടായിരുന്നു

അതു കണ്ടപ്പോ ഞാൻ ഒരു വൃത്തികെട്ട ചോദ്യം ചോദിച്ചു പോയി

” ഓ ഇത്രയുമൊക്കെ മോള് വായിക്കാറുണ്ടോ . അപ്പോ ക്ലാസില് ഫസ്റ്റായിരിക്കുമല്ലോ?. “
ഫസ്റ്റാവുക എന്നതാണ് ജീവിത നേട്ടം എന്നതാണല്ലോ നമ്മുടെ പൊതുബോധം . അതു കരുതി ചോദിച്ചതാണ്.

പക്ഷേ അതിനവൾ പറഞ്ഞ മറുപടി സത്യത്തിൽ എന്നെ ലജ്ജിപ്പിച്ചു കളഞ്ഞു.

” ഞാനുണ്ടല്ലോ ഉണ്ണിയങ്കിളേ നാലാം ക്ലാസിലാ പഠിക്കുന്നേ..എന്നാ ഒരു നാലാം ക്ലാസുകാരിയേക്കാള്‍ ബുദ്ധിയൊക്കെ എനിക്കുണ്ട് കേട്ടോ .
അതുകൊണ്ട് വേണമെങ്കി എനിക്ക് ഈസിയായി ക്ലാസില്‍ ഫസ്റ്റാകാവുന്നതേയുള്ളൂ.

പക്ഷേ ഞാന്‍ അങ്ങനെ ഫസ്റ്റാകത്തില്ല.

അതെന്താന്നറിയാവോ ?.ഞാൻ ഫസ്റ്റായാ എന്റെ കൂട്ടുകാരന്‍ ആൽബിൻ വിഷമിക്കും.

ആൽബിന്‍ പരീക്ഷേല് രണ്ടാമതായാല്‍ അവന്റെ പപ്പ അവന്റെ മമ്മിയെ വഴക്കു പറയും. അത് കേട്ട് ആ ആന്റി കരയും.അതോടെ അവര് തമ്മിലുള്ള ബന്ധം പിന്നെയും വഷളാകും.

എന്നാ ഞാന്‍ രണ്ടാമതായാലോ ഒരു കുഴപ്പോമില്ല. എന്റെ പപ്പാ ചിരിക്കത്തേയുള്ളൂ. ഒരു വഴക്കും പറയത്തില്ല. എന്നെ ഒന്നു ചേര്‍ത്തുപിടിക്കത്തേയുള്ളൂ.

അപ്പോപ്പിന്നെ ഞാന്‍ രണ്ടാമതാകുന്നതല്ലേ നല്ലത്?. ആൽബിന്‍ ഹാപ്പിയാകുവേം ചെയ്യും.
അവന്റെ മമ്മി കരയത്തുമില്ല. പപ്പ വഴക്കും പറയത്തില്ല. അപ്പോ അതല്ലേ നല്ലത്.?
നമ്മുടെ പ്രിയപ്പെട്ടവരുടെ സന്തോഷമല്ലേ നമ്മുടെ സന്തോഷം. അതോണ്ടാ ഞാനങ്ങനെ ചെയ്യുന്നത്.

എന്റെ പപ്പ എനിയ്ക്ക് ആഫ്രിക്കയിലെ കുട്ടികളുടെ ഉബുണ്ടുവിനെ കുറിച്ചു പറഞ്ഞുതന്നിട്ടുണ്ട്. അതു കൊണ്ടാ ഞാനിങ്ങനെയൊക്കെ ചെയ്യുന്നേ.

ഉണ്ണിയങ്കിളിനറിയത്തില്ലേ ഉബുണ്ടു എന്താന്ന്?

എനിക്കറിയാം എന്റെ ക്ലാസ്സിലെ കുട്ടികളാരും ഉബുണ്ടുവെന്നോ ഉബുണ്ടു ഫിലോസഫിയെന്നോ കേട്ടിട്ടേ ഉണ്ടാവില്ലെന്ന്.

ചിലപ്പോ എന്റെ ടീച്ചേർസിന് പോലും അതറിയത്തില്ലാരിക്കും.അതാ ഞാന്‍ പറഞ്ഞത് എനിക്ക് കുറച്ച് ലോകവിവരമൊക്കെ ഉണ്ടെന്ന്.
പക്ഷേ എന്റെ ലോകവിവരം എന്റെ പപ്പയൊഴിച്ച് മറ്റാരും അംഗീകരിക്കില്ല കേട്ടോ .

എന്റെ ടീച്ചേർസിനു എന്നോട് ദേഷ്യമൊന്നുമില്ല.എന്നാലും അവരുടെ ഗുഡ് ലിസ്റ്റിലൊന്നും ഞാനില്ല.

ഞാനതൊന്നും പിന്നത്ര കാര്യമാക്കാറില്ല കേട്ടോ. ചിലപ്പോ എന്റെ ചില ചോദ്യോം ഉത്തരവുമൊക്കെ അവരെ ദേഷ്യം പിടിപ്പിക്കും അതാ കാര്യം. ഒരാപ്പിള്‍ എഴായി മുറിച്ചാല്‍ എന്നൊക്കെപ്പറഞ്ഞ് മാത് സ് ടീച്ചറ് ക്ലാസ്സിൽ പഠിപ്പിക്കുവേ. അപ്പോ ഞാൻ പറയും “എന്നാത്തിനാ ടീച്ചറേ ആപ്പിൾ മുറിക്കുന്നേ?.ഓറഞ്ചുപോരേ ? അപ്പോൾപ്പിന്നെ മുറിക്കേണ്ടല്ലോ ” എന്നൊക്കെ.

ഇതൊക്കെ കേക്കുമ്പോ ടീച്ചർക്ക് ദേഷ്യം വരും.

എന്നിട്ട് പാരന്റ്സിനെ വിളിച്ചോണ്ടു ചെല്ലാൻ പറയും. എന്റെ കുസൃതിയെ പറ്റി പറയാനാ അതുകൊണ്ടെന്താ മറ്റു കുട്ടികളുടെ പേരന്റ്സ് വര്‍ഷത്തിലൊരിക്കെ സ്കൂളില്‍ ചെല്ലേണ്ടി വരുമ്പോ എന്റെ പപ്പ മാസത്തിലൊരിക്കല്‍ ചെല്ലേണ്ടിവരും. എന്നാലും പപ്പ എന്നെ വഴക്കു പറയത്തില്ല കേട്ടോ…….”

അവളന്ന് പറഞ്ഞ കാര്യങ്ങൾ ഞാനിത്രയും വിവരിച്ചതെന്തിനാണെന്നറിയാമോ ?

അവൾ പറഞ്ഞ ഉബുണ്ടുവിനെ പറ്റി പറയാൻ .

എന്താണ് ഉബുണ്ടു ?

അതൊരു ജീവിതാശയമാണ്.

ആഫ്രിക്കൻ ഗോത്ര ജനതയുടെ മാനുഷികത വ്യക്തമാക്കുന്ന ഒരാശയം . അതാണ് ഉബുണ്ടു.

വിശദമാക്കാം.

ഏതാനും വർഷങ്ങൾക്ക് മുമ്പ് ഒരു നരവംശ ശാസ്ത്രജ്ഞൻ ആഫ്രിക്കയിലെ ഒരു ആദിവാസി ഗ്രാമത്തിൽ പഠനത്തിനായി ചെന്നു.

തൻ്റെ ജോലികൾക്കിടയിൽ അവിടത്തെ കുട്ടികളുമായി വിനോദങ്ങളിൽ ഏർപ്പെടുക എന്നത് ഇദ്ദേഹത്തിന്റെ ശീലമായിരുന്നു…..

ഒരിക്കൽ അദ്ദേഹം ഒരു ബോക്സ് നിറയെ ചോക്കലേറ്റ് കൊണ്ടുവന്ന് ഒരിടത്ത് വച്ചു.

ശേഷം അവിടത്തെ കുറേ കുട്ടികളെ വിളിച്ച് കുറച്ചു ദൂരെ മാറ്റി നിരത്തി നിറുത്തി.

എന്നിട്ട് പറഞ്ഞു

” ഞാൻ സ്റ്റാർട്ട് പറയുമ്പോൾ ഇവിടെ നിന്നും നിങ്ങൾ ഓടണം. ഓടി ആദ്യം ആ ബോക്സിൽ തൊടുന്ന ആൾക്ക് അതിലെ ചോക്കലേറ്റ് മുഴുവനും . എടുക്കാം…..”.

ശേഷം അദ്ദേഹം വിളിച്ചു പറഞ്ഞു.

“റെഡി . സ്റ്റെഡി .ഗോ….”

പിന്നീട് സംഭവിച്ചത് ഒരത്ഭുതം ആയിരുന്നു,

ആരും മത്സരിച്ചോടിയില്ല.

എല്ലാ കുട്ടികളും പരസ്പരം കൈ കോർത്തു പിടിച്ച് ഒന്നിച്ചാണ് ഓടിയത്.
ഒരേ നിരയിൽ .

അങ്ങനെ ഒന്നിച്ചാണ് അവർ ചോക്കലേറ്റ് ബോക്സിനടുത്തെത്തിയതും വട്ടമിട്ട് അതിൽ തൊട്ടതും.

ശേഷം അവർ ആ ചോക്കലേറ്റ് തുല്യമായി വീതിച്ചെടുത്ത് സന്തോഷത്തോടെ കഴിച്ചു,
ആരും ധ്യതി വച്ചില്ല. എല്ലാർക്കും ചോക്കലേറ്റ് കിട്ടുകയും ചെയ്തു.

ആന്ത്രോപ്പോളജിസ്റ്റിന് അതൊരത്ഭുതമായിരുന്നു.
അദ്ദേഹം ലജ്ജിതനായി.

തെല്ല് കഴിഞ്ഞപ്പോൾ “നിങ്ങൾ എന്തുകൊണ്ടാണ് ഇങ്ങനെ ചെയ്തത് ?” എന്ന് അദ്ദേഹം അവരോടു ചോദിച്ചു

അതിനവർ പറഞ്ഞ മറുപടി ഇതായിരുന്നു.

“ഞങ്ങൾ ഉബുണ്ടു അനുസരിക്കുന്നവരാണ്. “

ഉബുണ്ടു . ?

എന്താണ് ഉബുണ്ടുവിൻ്റെ സാരാംശം ?

അയാൾ അതെന്താണെന്ന് പിന്നീട് മുതിർന്നവരോട് ചോദിച്ചു മനസ്സിലാക്കി.

മറ്റുള്ളവർ സങ്കടപ്പെടുമ്പോൾ ഒരാൾ മാത്രം എങ്ങനെ സന്തോഷിക്കും.?
വിശാലാർത്ഥത്തിൽ അതാണ് ഉബുണ്ടു .

ഓരോരുത്തരും എല്ലാവർക്കും വേണ്ടിയാകണം.

എല്ലാവരും ഓരോരുത്തർക്കും വേണ്ടിയും.

ജീവിതം എന്നത് പരസ്പര സഹകരണം കൂടിയാണ്.

“നിങ്ങൾ ഉള്ളതു കൊണ്ടാണ് ഞാനും ഉള്ളത്. അതിനാൽ നമുക്ക് ഒന്നിച്ചു നിൽക്കാം “

ആ ഗോത്രവർഗക്കാരുടെ മാനുഷികത വ്യക്തമാക്കുന്ന ആശയമാണിത്

അതാണ് ഉബുണ്ടോ .

ഈ ഭൂമിയിൽ ഒറ്റയ്ക്ക് സുഖമായി വാഴാൻ ആർക്കും ആവില്ല,

എല്ലാവരും പരസ്പരം സഹകരിക്കുമ്പോഴാണ് ഒരു സമൂഹം മികച്ചതാവുക.

അത് വിശദമാക്കുന്നു. ഈ ആഫ്രിക്കൻ ഗോത്രവർഗ സിദ്ധാന്തം.

കേട്ടിട്ട് നമുക്കും അത് ശീലിക്കാമെന്ന് തോന്നുന്നില്ലേ ?

Advertisements

കർക്കിടക ചേന കട്ടിട്ടായാലും കൂട്ടണം

കർക്കിടക ചേന കട്ടിട്ടായാലും കൂട്ടണം

പ്രമോദ് മാധവൻ
==================================


മലയാളിയുടെ തീൻ മേശയിലെ കരുത്തനാണ്, ചൊറിയനെങ്കിലും ചേന. വെറുതേ അല്ല ചൊറിച്ചിൽ, നമ്മുടെ ശരീരങ്ങളെ കരുത്തുറ്റതാക്കാനുള്ള കാൽസിയം ഓക്സലേറ്റിന്റെ നിറകലാപമാണ് ചൊറിച്ചിലിന്റെ പിന്നിൽ . സഹിച്ചേ പറ്റൂ.

ഇനി അതല്ല, ചൊറിച്ചിൽ വേണ്ടേ?
വേണ്ട… മ്മടെ ഗജേന്ദ്രയോ ശ്രീ പദ്മയോ നട്ടോളൂ. കാൽസ്യം അല്പം കുറഞ്ഞാലും ചൊറിച്ചിൽ തീരെ കമ്മി.

ഇത് എവിടെ കിട്ടും?

ശ്രീകാര്യത്തെ കേന്ദ്ര കിഴങ്ങ് വിള ഗവേഷണ കേന്ദ്രത്തിൽ അന്വേഷിക്കാം.

മലയാളിയുടെ ക്ഷാമ ഭൂതകാലത്തിൽ എരിവയറുകൾക്കു കൂട്ടായി നിന്ന ഭക്ഷണമാണ് കിഴങ്ങ് വർഗ വിളകൾ. കപ്പയും ചേനയും കാച്ചിലുമൊക്കെ. ചേനേം കാച്ചിലും മുമ്മാസം ആയിരുന്നു അക്കാലം. അവിടെ നിന്നും സ്വിഗ്ഗിയും സൊമാറ്റോയും എക്കാലവും എന്ന നിലയിലേക്ക് മാറിയിട്ടുണ്ട് കാര്യങ്ങൾ. പുകയാത്ത അടുപ്പുകൾ ഉള്ള നവ കേരളം.

ചേനയോടേറ്റുമുട്ടാൻ ആരുണ്ട് ഈ നാട്ടിൽ? വാ.. ഇങ്ങു കേരളത്തിലേക്ക്.
പ്രമേഹിയാണോ? ചേനയ്ക്കു ഗ്ലൈസെമിക് ഇൻഡക്സ് കുറവാണു. ധൈര്യമായി തട്ടിക്കോ..

കൂടിയ രക്ത സമ്മർദ്ദമാണോ? പൊട്ടാസ്സ്യസമ്പന്നമാണ് ചേന. മാറ്റി നിർത്തേണ്ട.

തടി കുറയ്ക്കണോ? വയർ നിറഞ്ഞെന്നു വരുത്താൻ വിരുത് കൂടും ചേനയ്ക്ക് .

മലബന്ധമുണ്ടോ? ദഹന നാരുകളുടെ മഹാ കുംഭമേളയാണ് ചേനയിൽ..

പൈൽസ്, അര്ശസ്, ഗുന്മം.. ബേജാറാവണ്ട. അസാധ്യ ആന്റിഹെമറോയിഡൽ ശേഷി…

ആർത്തവ ചക്ര പ്രശ്നങ്ങൾ, ആർത്തവ വിരാമവുമായ ബന്ധപ്പെട്ട മൂഡ് വ്യത്യാസങ്ങൾ.. ഫൈറ്റൊ ഈസ്ട്രോജന്റെ നിറകുംഭം..

കൃമി ശല്യമുണ്ടോ? ചേന കൈകാര്യം ചെയ്തോളും.

അങ്ങനെ നോക്കിയാൽ സമകാലീന മലയാളിയുടെ സകല ഉദരവ്യാധികളും മാറ്റുന്ന കാലഭൈരവൻ തന്നെ ചേന.നോക്കീം കണ്ടും മനുഷ്യൻ കഴിക്കാൻ തുടങ്ങിയാൽ മരുന്ന് കമ്പനികൾ പൂട്ടിപ്പോകും.

കുംഭത്തിലാണ് മണ്ണിൽ ശയിക്കാൻ ചേനയ്ക്കു ഇഷ്ടം. അതും വെളുത്ത വാവിൻ നാൾ.

കുംഭചേന കുടത്തോളം.
മീനത്തിൽ നട്ടാൽ ഇമ്മിണി മാത്രം എന്ന് പഴ മൊഴി ( banana talk)😜

ഒന്നരയടി കുഴിയിൽ കുമ്മായം ചേർത്ത് രണ്ടു വാരം കഴിഞ്ഞു മേല്മണ്ണിട്ടു പകുതി മൂടിയ കുഴിയിൽ ചാണകപ്പൊടിയും കരിയിലകളുമിട്ട മലർ മെത്തയിൽ മേലാകെ ചാണകച്ചാർ പൂശി കാഞ്ഞു പിന്നെയും തോലും തൂപ്പും മൂടി ഇടവം വരെ ഒരു കിടപ്പാണ് കീറി മുറിയ്ക്കപ്പെട്ട ചേനക്കഷണം. നമ്മൾ വിചാരിക്കും ആൾ അലസമായി കിടക്കുക ആണെന്ന്. അല്ലേ അല്ല, ആ സമയം മുഴുവൻ തന്റെ വേരുകൾ കൊണ്ട് അസ്ഥിവാരം പണിയുകയാണ് കക്ഷി . ഇടവം പിറന്നാൽ മുകൾ പണി തുടങ്ങും. പിന്നെ കൊടിയേറ്റം, കുടമാറ്റം…

അടി തളിക
നടു വടി
മേൽ കുട.. ചേന ഡാ…

സംസ്‌കൃതത്തിൽ സുരൻ, ഹിന്ദിയിലും അതേ.
കന്നടയിൽ സുവർണ്ണ ഗദ്ദ. തെലുങ്കിൽ കാണ്ഡ ഗദ്ദ.

ചേന രണ്ടു തരം. ഗ്രാമ്യയും വന്യയും. അതായതു നാടനും കാടനും . കാടൻ നല്ല ചൊറിയൻ. ചൊറിച്ചിൽ കളയാതെ കഴിച്ചാൽ വിവരം അറിയും. പക്ഷെ കഴിക്കേണ്ട രീതിയിൽ കഴിച്ചാൽ അർശസ്സും പൈൽസും പമ്പകടക്കും.

പിന്നെ നാടൻ.. നമ്മുടെ ചങ്ക്.
കർക്കിടകത്തിൽ വല്ലവന്റേം കട്ടിട്ടു ലോക്കപ്പിൽ കിടന്നാലും വേണ്ടില്ല, കഴിക്കണം. വെണ്ണ പോലെ വേകും.

പോലീസിനോട് പഴഞ്ചൊല്ലാണ് കുറ്റക്കാരൻ എന്ന് പറഞ്ഞാൽ മതി.

ഓണത്തിന് വിളവെടുക്കണമെങ്കിൽ മകരമാസം ആദ്യം നട്ടു നനച്ചു വളർത്തുക. മഴയെ ആശ്രയിച്ചാണ് കൃഷി എങ്കിൽ കുംഭ മാസത്തിൽ. വിത്തുചേനയായി വിളവെടുക്കണമെങ്കിൽ വൃശ്ചികത്തിൽ കിളയ്ക്കണം. മണ്ണ് തനിയേ ചേനയിൽ നിന്നും ഇളകി മാറും . വൃശ്ചിക കാറ്റ് കൊണ്ട് ചേനയിലെ നീര് വലിയുന്നതിനാൽ ദീർഘ കാലം കേടു കൂടാതെ സൂക്ഷിച്ചു വയ്ക്കാം

വർഷത്തിൽ ഒരു ദിവസം ചേനയ്ക്കായി മെനക്കെട്ടാൽ ഒരു കൊല്ലം മുഴുവൻ ചേന തിന്നാം.
എന്നാൽ ഒരു കൊല്ലം മുഴുവൻ വാഴയ്ക്കായി മെനക്കെട്ടാൽ ഒരു ദിവസം, കൂടിയാൽ ഒരാഴ്ച, പഴം തിന്നാം. വ്യത്യാസം പിടി കിട്ടിയോ?

വാഴ വയ്ക്കുന്നവനെ അടിക്കണം, ചേന വയ്ക്കാത്തവനെയും എന്ന് പറയുന്നതിന്റെ പൊരുളും മറ്റൊന്നല്ല.

ചേന വയ്ക്കാത്തവൻ കള്ളൻ എന്ന് പറഞ്ഞാൽ വെറും മണഗുണാഞ്ചൻ എന്നർത്ഥം.

ഇന്ത്യയാണ് ചേനയുടെ ഈറ്റില്ലം എന്നാണ് പണ്ഡിതർ ആദ്യം കരുതിയത്. ഇവിടെ ദക്ഷിണേന്ത്യ, മഹാരാഷ്ട്ര, ഒഡീഷാ,എന്നിവിടങ്ങളിൽ കൃഷി വ്യാപകം. പക്ഷെ തെരഞ്ഞു തെരഞ്ഞു ചെന്നപ്പോൾ വടക്കു കിഴക്കൻ ഏഷ്യൻ രാജ്യങ്ങളിൽ നിന്നും പന്തം കൊളുത്തിപ്പട. ഇവിടുത്തേക്കാൾ വംശ വൈവിധ്യം അവിടെ. അപ്പോ പിന്നെ അവിടെ പിറന്നവൻ എന്നായി. അവിടെ നിന്നും പിന്നെ ലാറ്റിൻ അമേരിക്കയിലേക്കും ആഫ്രിക്കയിലേക്കും. ചേന ഇന്ന് അന്താരാഷ്ട്ര പ്രശസ്തൻ ആഗോള മരുന്ന് കമ്പനികളുടെ കഞ്ഞികുടി മുട്ടിക്കാൻ കഴിവുള്ളവൻ.

കഴിക്കുന്നവർക്ക് ദൃഷ്ടാന്തമുണ്ട്.

ചേന ഉപ്പേരി, അവിയൽ, കാളൻ, തോരൻ, എരിശ്ശേരി, പായസം, ലേഹ്യം, കട്ട്‌ ലെറ്റ്‌ എന്ന് വേണ്ട ഏത് കാലത്തും ഒരേ ഗുണം ഒരേ രുചി. ഒരില മാത്രമുള്ള ചെടി ഏതെന്നു ചോദിച്ചാലും ഉത്തരം ചേന എന്ന് തന്നെ

അപ്പോൾ, കർക്കിടകമായി?

കോവിഡ് കാരണം വീട്ടിൽ തന്നെ ഇരുന്നതിനാൽ, മൊബൈലിൽ തേയ്‌ക്കൽ ആയിരുന്നതിനാൽ, കുംഭത്തിൽ വല്യ തിരക്കായിരുന്നു എന്ന് അറിയാം. ആയതിനാൽ ചേന നടാൻ കഴിഞ്ഞില്ല എന്നല്ലേ പറയാൻ പോകുന്നത് . വിഷമിക്കേണ്ട, അപ്പുറത്തെ പുരയിടത്തിലെ പൊട്ടൻ കൃഷി ചെയ്തിട്ടുണ്ടാകും.
പോകാ … പറിക്ക്യ.. കഴിക്ക്യ…

എന്നാൽ അങ്ങട്…

വാൽ കഷ്ണം :
കാര്യം ചേന ആള് ജപ്പാൻ ആണെങ്കിലും ചില ഇനങ്ങൾ മുറിച്ചു കഷ്ണിക്കുമ്പോൾ ഉള്ള ചൊറിച്ചിൽ അസഹനീയം.

പേടിക്കേണ്ട. വഴിയുണ്ട്

1.ചേന അരിയുമ്പോൾ കഴുകാതിരിക്കുക. ജലാംശം പറ്റുമ്പോൾ ചൊറിച്ചിൽ കൂടാം

2.ചേന മുറിച്ചു പുളി വെള്ളത്തിൽ കഴുകി കഷണിക്കാം

3.അരിയുന്നതിനു മുൻപ് കയ്യിൽ വെളിച്ചെണ്ണ പുരട്ടാം

4.ഉപ്പ് വെള്ളം കൊണ്ട് ചേന നന്നായി കഴുകി മുറിക്കാം

5.ചേന വേവിച്ചിട്ടു മുറിക്കുന്നതിനെ കുറിച്ചും ആലോചിക്കാം.

ചൊറിയാത്ത ചേന ഇനങ്ങളായ ഗജേന്ദ്ര, ശ്രീ പദ്മ എന്നിവ കൃഷി ചെയ്യുന്നതിനെ കുറിച്ചും ആലോചിക്കാം.

പ്രമോദ് മാധവൻ
കൃഷി ഓഫീസർ
ചാത്തന്നൂർ കൃഷിഭവൻ
കൊല്ലം
💚💚💚💚💚💚💚💚💚💚💚💚💚💚💚

Advertisements

ഞാനും അവരുടെ മൂന്നാമത്തെ കുട്ടി ആയിരുന്നുവല്ലോ

പ്രിയപ്പെട്ട ശ്രീ പ്രശാന്ത്

കളക്ടർ ബ്രോ, താങ്കളുടെ ആദ്യ ചിത്രമായ Sara’s ന്റെ ലിങ്ക് അയച്ചു തന്നതിന് നന്ദി. ഒറ്റയിരിപ്പിൽ ഇന്നലെ തന്നെ ഞാനാ ചിത്രം മുഴുവനും കണ്ടു.

മികവുറ്റ രീതിയില്‍ നിര്‍മിച്ച ഒരു ചിത്രം. അന്നാ ബെന്നിന്റേത് വളരെയധികം പ്രശംസയര്‍ഹിക്കുന്ന ഒരു പ്രകടനമാണ്‌. സണ്ണി വെയ്നും ഒപ്പം തന്നെ. താങ്കളുടെ പ്രകടനം ഗംഭീരമായിരുന്നു. ഒരു പുതുമുഖനടനെന്ന് തോന്നിപ്പിക്കാത്ത വിധം അര്‍ദ്ധ ശങ്കയില്ലാതെ താങ്കളുടെ ഭാഗം അഭിനയിച്ചു. ഒരു ബ്യൂറോക്രാറ്റ് എന്ന നിലയില്‍ നമ്മള്‍ വളര്‍ത്തിയെടുക്കുന്ന ദൃഢമായ സ്വഭാവസവിശേഷതകള്‍ ഈ കഥാപാത്രത്തിൽ നിറഞ്ഞു നിന്നിരുന്നു. ഒരു നല്ല ചലച്ചിത്രം നിർമിക്കുക എന്ന ചിന്ത മാത്രം മനസ്സില്‍ കൊണ്ട് നടക്കുന്ന ഒരു പ്രൊഡ്യൂസര്‍. എടുത്തു ചാട്ടങ്ങളില്ലാത്ത, ലക്ഷ്മണ രേഖകളെ മറികടക്കാത്ത കൃത്യമായ വീക്ഷണമുള്ള ഒരാള്‍. ആ കഥാപാത്രത്തിനനുയോജ്യമായ ഭാവങ്ങള്‍ പ്രദാനം ചെയ്യുന്നതിൽ താങ്കള്‍ പൂര്‍ണമായും വിജയിച്ചിരിക്കുന്നു.

എന്നാൽ ചിത്രത്തില്‍ ഏറ്റവും പ്രശംസനീയം എന്നെനിക്കു തോന്നിയത് മറ്റൊരു കഥാപാത്രമാണ്. ഒരു സുറിയാനി ക്രിസ്ത്യാനി അമ്മായി അമ്മയുടെ വേഷം അതുപോലെ തന്നെ തിരശീലയില്‍ പകര്‍ന്നാടിയ മല്ലികാ സുകുമാരനാണ് അത്. ആ വേഷത്തെ അവര്‍ വളരെയധികം മികവുറ്റതാക്കി തീര്‍ത്തു. അതീ ചിത്രത്തിലെ ഏറ്റവും മികച്ച പ്രകടനമായിരുന്നു താനും. എന്റെ ആശംസകള്‍ അവരെ അറിയിക്കണം. ഈ കഥാപാത്രത്തിനു മികച്ച സഹനടിക്കുള്ള അവാർഡ് നൽകരുത്. മികച്ച നടിക്കുള്ള അവാര്‍ഡ് തന്നെ കൊടുക്കണം. അന്നാ ബെൻ അത് എതിർക്കില്ല എന്നു തീർച്ച.

ഒരവസാന വാക്കു കൂടി…

സ്വന്തം ചോരയില്‍ ഉണ്ടായ കുഞ്ഞിനെ നഷ്ട്ടപ്പെടുത്തുക എന്ന ദുര്യോഗം എനിക്കുണ്ടായിട്ടുണ്ട്. ഞങ്ങളുടെ മൂന്നാമത്തെ കുഞ്ഞിനെ ഞങ്ങള്‍ക്ക് ആവശ്യമില്ല എന്ന് ഞങ്ങള്‍ തീരുമാനിച്ചു. ഞങ്ങള്‍ മെഡിക്കല്‍ ടെര്‍മിനേഷന്‍ ഓഫ് പ്രെഗ്നൻസി, എം ടി പി ചെയ്യാന്‍ തീരുമാനിച്ചു.

എം ടി പി എന്നത് കേള്‍ക്കുമ്പോള്‍ വളരെ കൌതുകകരമായ ഒരു പദമായി തോന്നിയേക്കാം. പക്ഷെ എന്റെ കുഞ്ഞിന്റെ ആ ഗര്‍ഭഛിദ്രം ആയുസ്സ്‌ മുഴുവന്‍ എന്നെ പിന്തുടരുന്ന ദുസ്വപ്നമായി. അന്നാ ഗര്‍ഭഛിദ്രത്തിനു സമ്മതം മൂളിയതിനു ശേഷം നാളിന്നു വരെ ആ കുഞ്ഞിനെ പറ്റിയുള്ള ചിന്തകള്‍ എന്നെ അലട്ടിക്കൊണ്ടിരിക്കുകയാണ്.

മുപ്പതു വര്‍ഷങ്ങള്‍ക്കുമുന്‍പ് നടന്നതെങ്കിലും ഇന്നും എൻ്റെ ഭാര്യയുടെ ഗര്‍ഭപാത്രത്തില്‍ നിന്നും ചിരണ്ടിയെടുത്ത് ചോരയില്‍ കുതിര്‍ന്ന എന്റെ കുഞ്ഞിന്റെ രൂപം എന്റെ കണ്ണുകള്‍ക്ക്‌ മുന്നില്‍ കാണാം. കൊത്തി ചീന്തിയെടുത്തു ഒരു പാത്രത്തിൽ വെച്ച ഒരു മാംസക്കഷ്ണം. ആ കാഴ്ച എനിക്കൊരിക്കലും മറക്കാനാവില്ല. ഇന്നും ആ പേടി സ്വപ്നം എന്നെ വേട്ടയാടുന്നു.

Sara’s കണ്ടതിനു ശേഷം ഇന്നലെ വീണ്ടും ആ ദുസ്വപ്നം ഞാന്‍ കണ്ടു.

എന്റെ കുഞ്ഞു ജീവിച്ചിരുന്നെങ്കില്‍ ഇപ്പോള്‍ അവൻ (അതോ അവളോ? എനിക്കറിഞ്ഞുകൂടാ….) ഒരു യുവാവാണ്, യുവതിയാണ്. മുപ്പതുകളുടെ തുടക്കത്തില്‍ എത്തി നില്‍ക്കുന്ന ചെറുപ്പക്കാരൻ, ചെറുപ്പക്കാരി.

ശരിയാണ്. ഒരു സ്ത്രീയ്ക്ക് അവളുടെ ശരീരത്തിന് മുകളില്‍ പരിപൂർണ്ണമായ അവകാശമുണ്ട് എന്ന് മാത്രമല്ല ആ ശരീരം സംബന്ധിച്ച തീരുമാനങ്ങളിൽ അവസാന വാക്ക് അവരുടെതുമാണ്. ഇതെല്ലാം സമ്മതിക്കുമ്പോഴും ഒരു കാര്യം കൂടി എനിക്കിന്നു ബോധ്യമായി.

ഗര്‍ഭപാത്രത്തില്‍ വെച്ച് തന്നെ കൊന്നു കളയാന്‍ ഞങൾ തീരുമാനിച്ച കുഞ്ഞിനും അതിന്റെ ശരീരത്തിന്റെ മേല്‍ പരിപൂര്‍ണമായ അവകാശം ഉണ്ടായിരുന്നു. അതിനുമുണ്ടായിരുന്നു എല്ലാവരെയും പോലെ ഈ ഭൂമിയില്‍ ജീവിക്കാനുള്ള അവകാശം.

പിന്നീട് 20 വര്‍ഷങ്ങള്‍, ഞാന്‍ യു എന്നില്‍ ജോലി ചെയ്തിരുന്നു. അവിടുത്തെ എന്റെ ജോലികള്‍ പ്രധാനമായും കുട്ടികളുമായി ബന്ധപ്പെട്ടതായിരുന്നു. പത്തു പന്ത്രണ്ടു ലക്ഷത്തിലധികം കുട്ടികളെ ആണ് ആ കാലയളവില്‍ എനിക്ക് ബാലവേലയില്‍ നിന്ന് രക്ഷിക്കാനും ഉന്നത വിദ്യാഭ്യാസം നല്‍കാനും ഒപ്പം മികച്ചൊരു ജീവിതത്തിലേക്ക് വഴി തിരിച്ചു വിടാനും സാധിച്ചത്. ന്യൂ യോര്‍ക്ക്‌, ജനീവ, സ്വിറ്റ്സർലൻഡ്, ബാങ്കോക്ക്, സിങ്കപ്പൂർ, ജപ്പാൻ പോലെയുള്ള സ്ഥലങ്ങളിലെ യു എന്‍ പോസ്റ്റിംഗ് എന്ന് പറയുമ്പോള്‍ എല്ലാവരും കരുതുക സുഖ ശീതളിമയുടെ നടുവില്‍ വിഹരിക്കുന്ന ഒന്നാണെന്നാണ്. പക്ഷെ എന്റെ ജോലി സ്ഥലമാകട്ടെ കൂടുതലും ദരിദ്ര ഗ്രാമങ്ങളില്‍, ദരിദ്രരും പാര്‍ശ്വ വല്ക്കരിക്കപ്പെട്ടവരും, സാമൂഹികവും സാമ്പത്തികവുമായി വളരെയധികം പിന്നില്‍ നിന്നിരുന്ന ദരിദ്ര ജനങ്ങള്‍ക്കിടയില്‍ ആയിരുന്നു. അവിടെ ജോലി ചെയ്തിരുന്ന കാലം ലക്ഷക്കണക്കിന്‌ കുട്ടികളുടെ ജീവിത സാഹചര്യങ്ങളെ ഉയർത്തിയെടുക്കാന്‍ എനിക്ക് സാധിച്ചു. അവരാകട്ടെ ഇന്ന് വളര്‍ന്നു വലുതായി മെച്ചപ്പെട്ട സാമൂഹ്യ സാമ്പത്തികാവസ്ഥകളില്‍ ജീവിക്കുന്ന യുവതീ യുവാക്കളായി മാറിയിരിക്കുന്നു. എത്രയോ എത്രയോ തലമുറകളായി അനുഭവിച്ചു വന്ന ദാരിദ്ര്യത്തിന്റെയും കഷ്ടതകളുടെയും ദുരവസ്ഥകളില്‍ നിന്നും അവരെ മോചിപ്പിക്കാന്‍ എനിക്ക് കഴിഞ്ഞു.

ഒരുപക്ഷെ അതായിരുന്നിരിക്കാം എന്റെ പാപ പരിഹാരം. എന്റെ കുഞ്ഞിനെ ഇല്ലായ്മ ചെയ്തതിനുള്ള പ്രായശ്ചിത്തം. പക്ഷെ എന്റെ കുഞ്ഞിന്റെ വെട്ടി മുറിച്ച ശരീരം കണ്ടപ്പോൾ തുടങ്ങിയ ആ പേടിസ്വപ്നം എന്നെ ഇന്നുവരെ വിട്ടു മാറിയിട്ടില്ല. എന്റെ മരണം വരെ അവ എന്നെ അനുഗമിക്കും.

അന്നു മുതൽ, ആരും തന്നെ തങ്ങളുടെ കുട്ടികളുടെ ഗര്‍ഭഛിദ്രത്തിലൂടെ കടന്നു പോകരുതേ എന്നാഗ്രഹിക്കുന്ന ഒരാളാണ് ഞാന്‍. അമ്മയുടെ ജീവനാപത്തു വരുമ്പോള്‍ അല്ലാതെ ജനനം കാത്തു കിടക്കുന്ന ഒരു കുഞ്ഞിനെ കൊന്നു കളയുന്നതില്‍ ഒരു ധാർമികതയും ഇല്ല. അതു കൊലപാതകം തന്നെയല്ലേ?

പലപ്പോഴും ഞാന്‍ ചിന്തിക്കാറുണ്ട്. എന്റെ മാതാപിതാക്കള്‍ എന്നെ അബോര്‍ട്ട് ചെയ്തിരുന്നെങ്കിലോ……?

ഞാനും അവരുടെ മൂന്നാമത്തെ കുട്ടി ആയിരുന്നുവല്ലോ.

സാറയുടെ മാതാപിതാക്കള്‍ സാറയെ അങ്ങനെ കൊന്നിരുന്നെങ്കിലോ?

എം പി ജോസഫ് മേനാച്ചേരി

Advertisements

ഇന്ന് ഒരു ദിവസത്തേക്ക് നമുക്കും ലജ്ജിക്കാം!

ഇന്ന് ഒരു ദിവസത്തേക്ക് നമുക്കും ലജ്ജിക്കാം!

ഇന്നേക്ക് മൂന്ന് വർഷം മുമ്പ് പാലക്കാട്‌ ഭക്ഷണം മോഷിടിച്ചതിനു തല്ലിക്കൊന്ന മധുവിന്റെ ഓർമ്മ പുതുക്കുന്ന മലയാളികൾക്ക് വേണ്ടി ..
“അമേരിക്കയിൽ പതിനഞ്ചു വയസ്സുള്ള ഒരു കുട്ടി , കടയിൽ നിന്ന് മോഷ്ടിക്കുമ്പോൾ പിടിയിലായി. കാവൽക്കാരന്റെ പിടിയിൽ നിന്ന് രക്ഷപ്പെടാൻ ശ്രമിക്കുന്നതിനിടെ, സ്റ്റോറിന്റെ അലമാരയും തകർന്നു. കേസെടുത്തു കോടതിയിൽ ഹാജരാക്കിയ കുട്ടിയോട് ജഡ്ജ് .
ചോദിച്ചു, “നിങ്ങൾ ശരിക്കും എന്തെങ്കിലും മോഷ്ടിച്ചോ, അതായത് ഒരു പാക്കറ്റ് റൊട്ടിയും ചീസും”?
താഴേക്ക് നോക്കിയാണ് കുട്ടി പ്രതികരിച്ചത്. ; – അതെ ‘.
ന്യായാധിപൻ ,: – ‘എന്തുകൊണ്ട്?’
പയ്യൻ ,: – എനിക്ക് ആവശ്യമായിരുന്നു.
ജഡ്ജി: – ‘വാങ്ങാമായിരുന്നില്ലേ .
പയ്യൻ: – ‘പണമില്ലായിരുന്നു.’
ന്യായാധിപൻ: – വീട്ടിൽ നിന്ന് എടുക്കാമായിരുന്നില്ലേ ? . ആൺകുട്ടി: – ‘വീട്ടിൽ അമ്മ മാത്രമേയുള്ളൂ, ‘അമ്മ രോഗിയാണ് കുറെ ദിവസമായി വല്ലതും കഴിച്ചിട്ട്.
വിധികർത്താവ്: – നിങ്ങൾ ജോലി ഒന്നും ചെയ്യുന്നില്ലേ?
ആൺകുട്ടി: – ഒരു കാർ കഴുകാൻ പോയിരുന്നു . അമ്മയ്ക്ക് കലശലായ അസുഖം വന്നപ്പോൾ ഞാൻ ഒരു ദിവസം അവധി എടുത്തതിനാൽ എന്നെ പുറത്താക്കി.
വിധികർത്താവ്: – നിങ്ങൾ ആരോടെങ്കിലും സഹായം ചോദിച്ചോ ?
ആൺകുട്ടി: – രാവിലെ മുതൽ വീട് വിട്ടിറങ്ങി, അമ്പതോളം പേരുടെ അടുത്തേക്ക് പോയി, കരഞ്ഞു യാചിച്ചു, ആരും ഒന്നും തന്നില്ല . അമ്മയുടെ അവസ്ഥ ആലോചിച്ചപ്പോൾ വേറെ വഴി ഇല്ലായിരുന്നു.
വാദങ്ങൾ അവസാനിച്ചപ്പോൾ, ജഡ്ജി വിധി പ്രഖ്യാപിക്കാൻ തുടങ്ങി, മോഷണവും പ്രത്യേകിച്ച് ബ്രെഡ് മോഷണം വളരെ ലജ്ജാകരമായ കുറ്റമാണ്, ഒരിക്കലും പൊറുക്കപ്പെടാൻ പറ്റാത്ത കുറ്റം .. കടുത്ത ശിക്ഷ അർഹിക്കുന്നു . ഈ കുറ്റത്തിന് നാമെല്ലാം ഉത്തരവാദികളാണ്. ‘ഞാനടക്കം കോടതിയിലെ ഓരോ വ്യക്തിയും കുറ്റവാളിയാണ്, അതിനാൽ ഇവിടെ ഹാജരായിരിക്കുന്ന ഓരോ വ്യക്തിക്കും പത്ത് ഡോളർ പിഴ ശിക്ഷ വിധിക്കുന്നു, പത്ത് ഡോളർ നൽകാതെ ആർക്കും ഇവിടെ നിന്ന് പുറത്തുപോകാൻ കഴിയില്ല. ‘
ഇത് പറഞ്ഞ് ജഡ്ജി തന്റെ പോക്കറ്റിൽ നിന്ന് പത്ത് ഡോളർ എടുത്ത് മേശ പുറത്ത് വച്ച് തുടർന്ന് എഴുതിത്തുടങ്ങി: – കൂടാതെ, വിശന്ന കുട്ടിയെ പോലീസിന് കൈമാറിയതിന് ഞാൻ സ്റ്റോർ ഉടമക്ക് ആയിരം ഡോളർ പിഴ ചുമത്തുന്നു .
പിഴ 24 മണിക്കൂറിനുള്ളിൽ നിക്ഷേപിച്ചില്ലെങ്കിൽ, സ്റ്റോർ മുദ്രവെക്കാൻ കോടതി ഉത്തരവിടും.
ഈ കുട്ടിക്ക് മുഴുവൻ പിഴയും നൽകിക്കൊണ്ട് കോടതി ആ കുട്ടിയോട് ക്ഷമ ചോദിക്കുന്നു.
വിധി കേട്ട ശേഷം, കോടതിയിൽ ഹാജരായ ആളുകളുടെ കണ്ണുകളിൽ നിന്ന് കണ്ണുനീർ ഒഴുകുന്നുണ്ടായിരുന്നു, കുട്ടി സംഭവിക്കുന്നതെന്തെന്നറിയാതെ ജഡ്ജിന്റെ മുഖത്തേക്ക് നോക്കി കൊണ്ട് വിങ്ങിപ്പൊട്ടി കരയുന്നുണ്ടായിരുന്നു”.
അത്തരമൊരു തീരുമാനത്തിന് നമ്മുടെ സമൂഹവും സംവിധാനങ്ങളും കോടതികളും തയ്യാറാണോ?
വിശപ്പുള്ള ഒരാൾ അന്നം മോഷ്ടിക്കപ്പെട്ട കുറ്റത്തിന് പിടിക്കപ്പെട്ടാൽ ആ രാജ്യത്തെ ജനങ്ങൾ ലജ്ജിക്കണം എന്ന് ചാണക്യൻ പറഞ്ഞിട്ടുണ്ട് .
ഇന്ന് ഒരു ദിവസത്തേക്ക് എങ്കിലും നമുക്കെല്ലാവർക്കും ലജ്ജിക്കാം ..
(വാട്സാപ്പിൽ ഒരു സുഹൃത്ത് ശുഭദിന ആശംസയായി അയച്ചു തന്നതാണ്. വികസനം കൊണ്ട് ശ്വാസം മുട്ടുന്ന കേരളത്തിലെ അതി ബുദ്ധിജീവികൾക്കായി സമർപ്പിക്കുന്നു.)

Source: Forwarded Message via WhatsApp

Maundy Thursday Pesaha Vyazham Message

അപ്പം = ദൈവം

Jesus Breaks Bread

പെസഹാവ്യാഴം.

ഈശോ അപ്പമെടുത്ത് “ഇതെന്റെ ശരീരമകുന്നു”വെന്ന് (ലൂക്ക 22, 19) ഉച്ചരിച്ചപ്പോള്‍ അപ്പം ദൈവമായ, ദൈവം അപ്പമായ മഹാത്ഭുതം നടന്നതിന്റെ ഓര്‍മ! മനുഷ്യചരിത്രത്തിലെ ഏറ്റവും മനോഹരമായ രംഗം! രക്ഷാകരചരിത്രത്തിന്റെ തോടും, പുഴയും, കൈവഴികളും ഒരു ബിന്ദുവില്‍ സംഗമിച്ച നിമിഷം! ദൈവത്തിന്റെ അനന്തകാരുണ്യം കരകവിഞ്ഞൊഴുകി പ്രപഞ്ചത്തെയാകെ പ്രസാദാത്മകമാക്കിയതിന്റെ ആഘോഷം!

ദൈവസ്നേഹത്തിന്റെ പാരമ്യതയില്‍നിന്നാണ് ഈ ദൈവിക ഇടപെടല്‍ ഉയിരെടുത്തത്. ഒറ്റപ്പെടലിന്റെ വേദനക്കിടയിലും ദൈവേഷ്ടം പൂര്‍ത്തിയാക്കുവാന്‍ സെഹിയോന്‍ ശാലയിലെ യജ്ഞവേദിയിലേക്ക് നടന്ന മനുഷ്യപുത്രന്‍ കാല്‍കഴുകലിന്റെ (യോഹ 3, 1-11) അഗ്നിയൊരുക്കി വചനമന്ത്രങ്ങളുച്ചരിച്ചു സ്വയം യാഗമായപ്പോള്‍ ദൈവവെളിപാടിന്റെ വലിയ മുഹൂര്‍ത്തമായിത്തീര്‍ന്നു അത്. ഇതാ, ദൈവത്തിന്റെ കൂടാരം മനുഷ്യനോടുകൂടെ! (വെളിപാട്21,3) ജീവിതത്തിന്റെ അടിവേരുകളില്‍നിന്നു മുളപൊട്ടി പാകമായ ആത്മാവിഷ്കരമായിട്ടാണ് ഈശോ സെഹിയോന്‍ മാളികയില്‍ അപ്പമാകുന്നത്.

ഇവിടെ അപ്പമെന്ന യഥാര്‍ഥ്യത്തിന്‍റെ ഘടനക്കുള്ളിലാണ്‌ ഈ മഹാത്ഭുതം സംഭവിക്കുന്നത്‌. അപ്പം മനുഷ്യന്റെ ഒടുക്കമില്ലാത്ത വിശപ്പിന്റെ ശമനോപാധിയാണ്; ആഗ്രഹങ്ങളുടെ, സൗഹൃദങ്ങളുടെ പ്രകടനമാണ്. അതിലുമുപരി, മനുഷ്യന്റെ അസ്തിത്വത്തിന്റെ പ്രതീകം കൂടിയാണ്. അതുകൊണ്ടുതന്നെ, ഊട്ടുശാലയുടെ പശ്ചാത്തലത്തില്‍,  അപ്പത്തിന്റെയും വീഞ്ഞിന്റെയും പ്രതീകാത്മകതയില്‍ അവതരിപ്പിച്ച അത്താഴം ഈശോയെ സംബന്ധിച്ച് സ്വാഭാവികവും ജൈവികവുമായിരുന്നു. മാത്രമല്ല അപ്പം, “ഞാന്‍ ജീവന്റെ അപ്പമാകുന്നു”വെന്ന (യോഹ:6,35) വചനത്തിന്റെ പൊരുളും, ദൈവം തന്റെ വാത്സല്യം പ്രകടമാക്കുവാന്‍ ഇസ്രായേല്‍ ജനത്തിന് നല്‍കിയ മന്നായുടെ (ജ്ഞാനം:16,21) പൂര്‍ത്തീകരണവുമായിത്തീര്‍ന്നു.

അപ്പം അതിന്റെ വ്യത്യസ്ഥരൂപങ്ങളില്‍ നിലനില്‍ക്കുന്നുണ്ടെങ്കിലും ബലിപീOത്തില്‍ അര്‍പ്പിക്കപ്പെടുന്ന അപ്പം ക്രിസ്തുവിന്റെ ശരീരമായിത്തീരുന്നുവെന്നതു ക്രൈസ്തവവിശ്വാസത്തിന്റെ അടിസ്ഥാന ശിലയാണ്. ലോകത്തിന്റെ ജീവനുവേണ്ടി ക്രിസ്തു നല്‍കുന്ന അപ്പം അവിടുത്തെ ശരീരമാകുന്നു. (യോഹ:6,51) മനുഷ്യന്റെ അസ്തിത്വവുമായി ഇഴചേര്‍ന്നുന്നില്‍ക്കുന്ന അപ്പം ക്രിസ്തുവിന്റെ ശരീരമായിത്തീരുമ്പോള്‍ അത് ആത്മാവിന്റെ ഭക്ഷണമാകുന്നു; ശരീരത്തിനും മനസ്സിനും പോഷണമാകുന്നു.  അപ്പസത്തയില്‍നിന്നു ദൈവസത്തയിലേക്കുള്ള ഈ പരിണാമം മനസ്സിലാക്കുവാന്‍ ദുഷ്കരമാണെങ്കിലും, ക്രൈസ്തവന്റെ കുര്‍ബാനാനുഭാവത്താല്‍ സ്പുടം ചെയ്യപ്പെട്ട വിശ്വാസം ഈ വലിയ യാഥാര്‍ഥ്യത്തിന്റെ ലാവണ്യം അനുഭവിക്കാന്‍ അവളെ/അവനെ പ്രാപ്തമാക്കുന്നുണ്ട്.

ഈ അനുഭവമാണ് പെസഹാവ്യാഴത്തെ ഇന്നും പ്രസക്തമാക്കുന്നത്‌. നോമ്പിന്റെ ചൈതന്യത്തില്‍ നാം പെസഹാവ്യാഴത്തിനായി ഒരുങ്ങുന്നതും അതുകൊണ്ടാണ്. ദൈവം ഈ പ്രപഞ്ചത്തെ സൃഷ്ടിച്ചതും തന്റെ ഏകജാതനെ നല്‍കുവാന്‍ തക്കവിധം ഈ ലോകത്തെ സ്നേഹിച്ചതും (യോഹ:1,16)  രക്ഷകനെ വാഗ്ദാനം ചെയ്തതും അപ്പം ദൈവമായിമാറിയ, ദൈവം അപ്പമായിമാറിയ ഈ ദിവ്യമുഹൂര്‍ത്തത്തിനുവേണ്ടിയായിരുന്നു. രക്ഷകന്റെ വരവിനായി ഒരു ജനത്തെ പ്രത്യേകമായി ദൈവം ഒരുക്കിക്കൊണ്ട് വന്നതും ഈ മുഹൂര്‍ത്തത്തിനുവേണ്ടിയായിരുന്നു. അവിടുന്ന് മനുഷ്യനായി പിറന്നതും വചനം പ്രഘോഷിച്ചും അത്ഭുതങ്ങള്‍ ചെയ്തും ജനങ്ങളുടെയിടയില്‍ ആയിരുന്നതും ഈയൊരു മുഹൂര്‍ത്തത്തിനുവേണ്ടിമാത്രമായായിരുന്നു. പ്രഭാതവേളകളിലെ ദൈവിക മുഹൂര്‍ത്തങ്ങളിലൂടെ നിശബ്ദതയിലായിരുന്നുകൊണ്ടും അഞ്ചപ്പംകൊണ്ട് അയ്യായിരങ്ങളെ തൃപ്തരാക്കിക്കൊണ്ടും തന്നിലുള്ള അപ്പാവതാരത്ത്തിന്റെ ആത്മീയസാധ്യതകളിലേക്ക് അവിടുന്ന് ഉയരുകയായിരുന്നു. പെസഹാവ്യാഴത്തിന്റെ ഈ മഹാത്ഭുതമാണ് ദൈവത്തിന്റെ രക്ഷാകരാപദ്ധതിയുടെ കേന്ദ്രം.

പെസഹവ്യാഴത്തിന്റെ കഥാപരിസരത്ത് ഉദ്ഘാടനം ചെയ്യപ്പെട്ട വിശുദ്ധ കുര്‍ബാനയുടെ ദൈവശാസ്ത്രം പലതലത്തില്‍ മനസ്സിലാക്കാനും പഠിക്കാനും നമുക്ക് സാധിക്കും. ഗ്രീക്കുചിന്തയുടെ പിന്‍ബലത്തിലാണ് ഈ മഹാസംഭവം താത്വികമായി വ്യഖ്യാനിക്കപെട്ടതെങ്കിലും ഭാരത ചിന്തയ് ക്കും  ഇത് – അപ്പം=ദൈവം, ദൈവം=അപ്പം – അന്യമല്ലെന്ന് നാം ഭാരതക്രൈസ്തവര്‍ മനസ്സിലാക്കേണ്ടതുണ്ട്. അന്യമല്ലെന്ന് മാത്രമല്ല, അപ്പം ദൈവമാണെന്ന സങ്കല്‍പം വളരെ ശക്തമായിത്തന്നെ ഭാരതീയ ചിന്തയിലുണ്ട്.

“അന്നം ബ്ബ്രഹ്മ”മെന്ന ഉപനിഷത്തിലെ ചിന്ത ഭാരത സംസ്കാരത്തിന്റെ തന്നെ ഭാഗമാണ്. തൈത്തീരിയോപനിഷത്തില്‍ തത്വചിന്തയുടെ മറുപുറമായിട്ടാണ് “അന്നം ബ്ബ്രഹ്മ”മെന്ന ചിന്തയെ അവതരിപ്പിക്കുന്നത്‌. “അന്നം ബ്രഹ്മേതി വ്യജനാത്…”. (അന്നത്തെ ബ്രഹ്മമെന്നറിഞ്ഞു) “അന്നം ബ്ബ്രഹ്മ”മാണ്; അന്നത്തില്‍നിന്നാണ് സര്‍വ ഭൂതങ്ങളും ഉണ്ടാകുന്നത്. ഭഗവത്ഗീതയും ഈ ദര്‍ശനം പങ്കുവയ്ക്കുന്നുണ്ട്‌. “അന്നാദ്ഭവന്തി ഭൂതാനി”. (അന്നത്തില്‍ നിന്ന് ഭൂതങ്ങളെല്ലാം ഉണ്ടാകുന്നു). അപ്പമാണ് ജീവന്‍ നല്‍കുന്നതും ജീവന്‍ നിലനിര്‍ത്തുന്നതും. അപ്പമില്ലാത്ത അവസ്ഥ ജീവനില്ലാത്ത അവസ്ഥയാണ്.

അപ്പം ബ്രഹ്മമാണെന്ന ഭാരതസങ്കല്‍പം സാധാരണ മനുഷ്യരിലും ഉണ്ടായി രുന്നു. മകന്‍ അമ്മയോട് ചോദിക്കുകയാണ്. “ആരാണമ്മേ, രാജാവ്? അമ്മ പറഞ്ഞു: “രാജാ പ്രത്യക്ഷ ദൈവം മകനെ”. വീണ്ടും മകന്‍ ചോദിച്ചു: “ആരാണമ്മേ, ദൈവം?” അമ്മ പറഞ്ഞു: “അന്നദാതാവായ പൊന്നുതമ്പുരാന്‍ മകനെ”. അപ്പം തരുന്നവനെ ദൈവമായി കാണുന്ന സംസ്കാരിക ചൈതന്യത്തിന്റെ ഇടവഴികളില്‍ അപ്പം നല്‍കുന്ന, അപ്പമായിത്തീരുന്ന ഈശോയെ അവതരിപ്പിക്കുകയാണ് പെസഹാവ്യാഴാചരണം. കാരണം, അന്നം ദൈവത്തില്‍നിന്നും വരുന്നതും ജീവന്‍ നല്കുന്നതുമാണ്. ഈശോ പറയുന്നത് ശ്രദ്ധിക്കുക: “സ്വര്‍ഗത്തില്‍ നിന്നിറങ്ങിയ ജീവനുള്ള അപ്പം ഞാനാണ്. ആരെങ്കിലും ഈ അപ്പത്തില്‍നിന്നു ഭക്ഷിച്ചാല്‍ എന്നേയ്ക്കും ജീവിക്കും”. (യോഹ:6,51)

ക്രൈസ്തവന് ദൈവം അന്നദാതാവ് മാത്രമല്ല, ദൈവം അപ്പമായിത്തീരുന്നവനാണ്, അന്നം തന്നെയാണ്. അന്നത്തിലൂടെയാണ്, ദൈവത്തിലൂടെയാണ് ജീവന്‍ ഉണ്ടാകുന്നത്; അന്നം ഭക്ഷിക്കുന്നതിലൂടെയാണ്, പങ്കുവയ്ക്കുന്നതിലൂടെയാണ് ജീവന്‍ നിലനില്‍ക്കുന്നത്. “ഉതാശിതമുപഗച്ചന്തി മൃത്യുവ:” (കൊടുക്കാതെ ഭക്ഷിക്കുന്നവന്‍ മരണങ്ങള്‍ പ്രാപിക്കുന്നു. ഋഗ്വേദം 8-6-22) തനിയേ ഭക്ഷിക്കുന്നവന്‍ പാപത്തെ ഭുജിക്കുന്നുവെന്നാണ് മഹാഭാരതം പറയുന്നത്.

ദൈവം അപ്പമാകുന്ന വലിയ സംഭവത്തിന്റെ പുണ്യസ്മരണയിലൂടെ കടന്നുപോകുന്ന ക്രൈസ്തവരുടെ പെസഹാവ്യാഴ ദൈവശാസ്ത്രത്തെ മനസ്സിലാക്കുവാന്‍ ഭാരതമനസ്സിനു വളരെ എളുപ്പത്തില്‍ കഴിയുമെന്നത് ഈ ദിനത്തിന്റെ ഭംഗി വര്‍ധിപ്പിക്കുന്നു. ദൈവം അപ്പമാകുന്ന വിശുദ്ധ കുര്‍ബാനയുടെ ദൈവശാസ്ത്രം ക്രൈസ്തവജീവിതത്തിന്റെ കേന്ദ്രമാണെന്നും, വിശുദ്ധ കുര്‍ബാന ക്രൈസ്തവന്റെ ഏറ്റവും വലിയ പ്രാര്‍ത്ഥനയാണെന്നും പറയുമ്പോള്‍ അത് ഭാരതസംസ്കാരത്തോട് ചേര്‍ന്ന്‍ പോകുന്നതുതന്നെയാണ്. പ്രസിദ്ധ കവി മധുസൂദനന്‍ നായരുടെ “എച്ചില്‍” എന്ന കവിതയില്‍ അദ്ദേഹം പറയുന്നത്: “അന്നം ബ്രഹ്മമെന്നറിഞ്ഞിട്ടും ബ്രഹ്മജ്ഞനത് വേണ്ടയോ? യജ്ഞമെങ്ങന്നമില്ലാതെ? അന്നത്താല്‍ യജ്ഞവര്‍ധനം.” ദൈവം അപ്പമായി അവതരിച്ചിട്ടും ജ്ഞാനികള്‍ക്കുപോലും ആ ദൈവിക വെളിപാടി ലേക്ക് ഹൃദയം തുറക്കുവാനാകുന്നില്ലല്ലോയെന്നു കവി ആവലാതിപ്പെടുകയാണ്. എന്നാല്‍, ദൈവം അപ്പമാകുന്നതു ക്രൈസ്തവനു വലിയൊരു വെളിപാടും അപ്പമായ ദൈവം, വിശുദ്ധ കുര്‍ബാന, ക്രൈസ്തവനു ജീവന്‍ നിറഞ്ഞ ഔഷധവുമാണ്.

പെസഹാവ്യാഴാനുഭവം ക്രൈസ്തവന്‍ നെഞ്ചേറ്റുന്നത് ദൈവം അപ്പമായി ത്തീരുന്ന വിശുദ്ധ കുര്‍ബാനാത്ഭുതത്തിന്റെ ഓര്‍മയിലാണ്. ജീവിത സാഹചര്യങ്ങളില്‍ മുറിക്കപ്പെട്ടും ചിന്തപ്പെട്ടും വിശുദ്ധ കുര്‍ബാനയായിത്തീരാനാനുള്ള ആഹ്വാനമാണ് പെസഹാദിനാചരണങ്ങളിലൂടെ മുഴങ്ങുന്നത്. അതുകൊണ്ട്തന്നെ ക്രൈസ്തവന് വിശുദ്ധ കുര്‍ബാന ഒരു ദര്‍പ്പണമാണ് – പ്രപഞ്ചതാളലയങ്ങളുടെ പ്രതിഫലനം കാട്ടുന്ന ഒരു മൊഴിക്കണ്ണാടി. സമസ്ത പ്രപഞ്ചത്തിന്റെയും മനസ്സുണ്ടതില്‍; പെരുവഴിയില്‍ തളര്‍ന്നുവീഴുന്ന പാവപ്പെട്ടവന്റെ നിസ്വനമുണ്ടതില്‍; തെരുവില്‍ അലഞ്ഞുനടക്കുന്ന ഭിക്ഷാടകരായ ആകാശപ്പറവകളുടെ നിസ്സഹായമായ ചിറകടിയുണ്ടതില്‍; എയിഡ്സ് രോഗികളുടെ, ബുദ്ധിവികസിക്കാത്തവരുടെ വിഹ്വലതയുണ്ടതില്‍; ലോകത്തിന്റെ ഇമ്പമാര്‍ന്ന സ്വരങ്ങള്‍ കേള്‍ക്കാന്‍ കഴിയാത്ത, മഴവില്ലിന്റെ മനോഹാരിത കാണാന്‍ കഴിയാത്ത മക്കളുടെ തേങ്ങലുകളുണ്ടതില്‍; മക്കളാല്‍ ഉപേക്ഷിക്കപ്പെട്ട മാതാപിതാക്കളുടെ, തകര്‍ന്ന കുടുംബങ്ങളുടെ മുറിപ്പാടുണ്ടതില്‍; ‘നാല്‍ക്കവലകളില്‍ വിശന്നു തളര്‍ന്നു വീഴുന്ന മക്കളുടെ ജീവനുവേണ്ടി കരങ്ങളുയര്‍ത്തുന്ന’ (വിലാപങ്ങള്‍ 2, 19) വൈദികന്റെ, സന്യാസിയുടെ പ്രാര്‍ഥനയുണ്ടതില്‍. അതുകൊണ്ടാണ് പെസഹാവ്യാഴാനുഭവം ക്രൈസ്തവ അസ്തിത്വത്തിന്റെ എല്ലാ അടരുകളെയും ചൂഴ്ന്നു നില്‍ക്കുന്ന മഹാസംഭവത്തിന്റെ അനുസ്മരണമാകുന്നത്.

ദൈവസ്നേഹം നിറഞ്ഞാടുന്ന ദിനമാണ് പെസഹാവ്യാഴം. വിശുദ്ധ കുര്‍ബാ നയിലെ ദൈവസ്നേഹത്തിന്റെ വിസ്പോടനം മനസ്സിലാക്കുവാന്‍ ക്രൈസ്തവന്‍ പരാജയപ്പെടുകയാണെങ്കില്‍,  മനുഷ്യസ്നേഹത്തിന്റെ നറുംപാലൊഴുകുന്ന ദൈവകാരുണ്യത്തിലേക്ക് വളരുവാന്‍ അവള്‍ക്കു/അവനു സാധിക്കുകയില്ല. ഓര്‍ക്കുക, ദൈവം അപ്പമായിതീരുന്നുവെന്ന അറിവ് വ്യാഖ്യാനങ്ങളുടെ വൈവിധ്യംകൊണ്ട് സങ്കീര്‍ണമാകുന്നുണ്ടെങ്കിലും, അനുഭവങ്ങളുടെ ഊഷ്മളതകൊണ്ട് നമുക്കേറ്റവും ഹൃദ്യമാകുന്നത് അത് ദൈവസ്നേഹത്തിന്റെ ആഘോഷമാകുന്നതുകൊണ്ടാണ്; മനുഷ്യാസ്തിത്വവുമായി ചേര്‍ന്നുനില്‍ക്കുന്നതുകൊണ്ടാണ്; സഹനത്തിന്റെ, വേദനയുടെ യാഗപുഷ്പങ്ങള്‍ സൗരഭ്യം പരത്തുന്നതുകൊണ്ടാണ്.

സഹനമാണ് യാഗത്തിന് മനോഹാരിത നല്‍കുന്നതും അതിനെ രക്ഷാകരമാക്കുന്നതും. ജീവിതം ബുദ്ധിമുട്ടേറിയതാണ് എന്ന് സാമാന്യവത്ക്കരിക്കുന്നതിന്റെ ആധ്യാത്മിക വ്യാഖ്യാനമാണ് ജീവിതം ബലിയര്‍പ്പണമാണ് എന്ന് പറയുന്നത്. ബലിയര്‍പ്പണത്തിന്റെ അവശ്യഘടകം  ത്യാഗം തന്നെയാണ്. യാഗത്തില്‍ ത്യാഗമില്ലാത്തതുകൊണ്ടല്ലേ,  മനുഷ്യജീവിത സാഹ്യചര്യങ്ങളില്‍ ക്രൈസ്തവര്‍ കുര്‍ബാനയാകാത്തത്? ഇത്രയും കുര്‍ബാനകള്‍ അര്‍പ്പിച്ചിട്ടും എന്തേ കുര്‍ബാനയുടെ ശരിയായ ചൈതന്യം ക്രൈസ്തവര്‍ മനസ്സിലാക്കുന്നില്ല എന്നത് സങ്കടകരം തന്നെ.

ഈയിടെയുണ്ടായ ഒരു വിവാദം മനസ്സിലെത്തുന്നു. അത് കുര്‍ബാനപ്പണത്തെക്കുറിച്ചുള്ളതായിരുന്നു. വിശുദ്ധ കുര്‍ബാനയെക്കുറിച്ചും, കുര്‍ബാനപ്പണത്തെക്കുറിച്ചും വിശുദ്ധിയോടെ,  കരുതലോടെ, ജാഗ്രതയോടെ, മുല്യബോധത്തോടെ നാം നിലപാടുകള്‍ കൈക്കൊള്ളെണ്ടതുണ്ട്.

 ത്യാഗമില്ലാത്ത, സഹനമില്ലാത്ത ബലിയര്‍പ്പണം സാധ്യമല്ലെന്നും, ത്യാഗമില്ലാത്ത, സഹനമില്ലാത്ത ബലിയര്‍പ്പണം അര്‍ത്ഥശൂന്യമാണെന്നും ആര്‍ക്കാണറിഞ്ഞുകൂടാത്തത്? പഴയനിയമത്തിലെ ഒരു സംഭവം ഇങ്ങനെയാണ്: ദൈവമായ കര്‍ത്താവിനെതിരെ ദാവീദ് രാജാവ് പാപം ചെയ്തപ്പോള്‍ പാപപ്പരിഹാരമായി ദഹനബലി അര്‍പ്പിക്കുവാന്‍ ദൈവം ദാവീദിനോട് ആവശ്യപ്പെട്ടു. ജെബ്യൂസ്യനായ അരവ്നായുടെ മെതിക്കളത്തില്‍ചെന്ന് മെതിക്കളവും കാളകളും വാങ്ങുവാന്‍ ദാവീദും ഭൃത്യരും ചെന്നു. അരവ്നാ ദാവീദിനോടു പറഞ്ഞു: “യജമാനനെ, അങ്ങ് ആഗ്രഹിക്കുന്നതെന്തും ബാലിയര്‍പ്പിച്ചാലും. ബലിപീഠത്തിലര്‍പ്പിക്കേണ്ടതിനു ഇതാ കാളകള്‍, വിറകിനു ഇതാ മെതിവണ്ടികളും നുകങ്ങളും…” ദാവീദ് അരവ്നായോടു പറഞ്ഞു: “ഇല്ല, വിലയ്ക്കു മാത്രമേ ഇത് ഞാന്‍ വാങ്ങൂ. എനിക്ക് ഒരു ചിലവുമില്ലാത്ത ദഹനബലി എന്റെ ദൈവമായ കര്‍ത്താവിനു ഞാന്‍ അര്‍പ്പിക്കുകയില്ല.” ദാവീദ് അമ്പത് ഷെക്കല്‍ വെള്ളി കൊടുത്ത് കളവും കാളകളും വാങ്ങി. അവിടെ ബലിപീഠം പണിതു ദാവീദ് കര്‍ത്താവിന് ദഹനബലികളും സമാധാനബലികളും അര്‍പ്പിച്ചു. (2സാമുവല്‍ 24, 18-25)

നമുക്ക് ഒരു ചിലവുമില്ലാത്ത, ഒരു വേദനയുമില്ലാത്ത ബലി എങ്ങനെയാണ് നാം അര്‍പ്പിക്കുക? കുര്‍ബാനപ്പണമെന്നത് ഈ ‘ചിലവി’ന്റെ ഒരു പ്രകടനമാണ്. അതൊരു നിശ്ചിത തുകയായി നിജപ്പെടുത്തിയിരിക്കുന്നത് പ്രായോഗികമായി എളുപ്പമാക്കാനാണ്. അത് സഭയുടെ ശുശ്രൂഷകളോട് ചേര്‍ത്ത് വയ്ക്കുമ്പോള്‍ അതിന്റെ മൂല്യം വര്‍ധിക്കുകയല്ലേ ചെയ്യുക? വൈദികന് അടിച്ചുപൊളിക്കാനുള്ളതാണെന്നും വീഞ്ഞുവാങ്ങി സുഖിയ്ക്കാനുള്ളതാണെന്നും പറഞ്ഞു അവഹേളിക്കാനുള്ളതാണോ അത്? അതിനെ നിരുത്സാഹപ്പെടുത്തുന്നതും ശരിയാണോ? ആധ്യാത്മിക കാര്യങ്ങളെ ഗൌരവത്തോടെ കാണാനും, വിശുദ്ധ കുര്‍ബാനയുടെ മൂല്യത്തെ സാമാന്യവത്ക്കരിക്കാതിരിക്കാനും നാമെല്ലാവരും ശ്രദ്ധിക്കേണ്ടതുണ്ട്. ക്രൈസ്തവജീവിതത്തിന്റെ കേന്ദ്രമായ വിശുദ്ധ കുര്‍ബാന കേവലം ഉപവി പ്രവര്‍ത്തികള്‍ക്കു പകരം വയ്ക്കുന്നത് എത്രയോ ബുദ്ധിശൂന്യമാണ്! വിശുദ്ധകുര്‍ബാനയെക്കുറിച്ച് കൂടുതല്‍ വെളിപാടുകള്‍ക്കായി ഒരുങ്ങാന്‍ പെസഹാവ്യാഴാഴ്ചകളെ സ്നേഹിക്കാന്‍ നമുക്കാകട്ടെ.

പെസഹാവ്യാഴാഴ്ച ദൈവത്തിന്റെ രക്ഷാകരപദ്ധതി ദൈവം അപ്പമായിത്തീരുന്ന വിശുദ്ധകുര്‍ബാനയില്‍ കേന്ദ്രീകൃതമാണെന്നും, ആ  വിശുദ്ധ കുര്‍ബാന ക്രൈസ്തവജീവിതത്തിന്റെ കേന്ദ്രമാണെന്നും നാം    വീണ്ടും ഓര്‍ക്കുകയാണ്. ദൈവത്തിന്റെ അപ്പാവതാരചിന്തയില്‍ പെസഹാവ്യാഴം ധ്യാനാത്മകമാകണം. ഇന്‍ട്രിയപ്പത്തിന്റെ വിശുദ്ധിയിലും പാലിന്റെ മാധുര്യത്തിലും ദൈവത്തിന്റെ സ്നേഹവും വാത്സല്യവും നമ്മില്‍ നിറയണം. അപ്പോള്‍ കുടുംബാoഗങ്ങളെല്ലാവരും ഒരുമിച്ചിരുന്നുള്ള പെസഹാഭക്ഷണം ദൈവകൃപയുടെ അമൃതാകും; ക്രൈസ്തവജീവിതം വിശുദ്ധ കുര്‍ബാനയാകും.

Fr Saju Pynadath MCBS
സാജു പൈനാടത്ത് MCBS

 

 

 

 

വിവാഹം എന്ന കൂദാശ – സഭാനിയമങ്ങള്‍

വിവാഹം എന്ന കൂദാശ – സഭാനിയമങ്ങള്‍

The Sacrament of Marriage – Church Laws (Canon Laws)

Jesus Bless Marriage

വിവാഹത്തിനുള്ള ഒരുക്കം

1. വിവാഹിതരാകുന്നവര്‍ക്ക് വേണ്ടത്ര ഒരുക്കമുണ്ടെന്ന് ഇടവക വികാരിമാര്‍ ഉറപ്പുവരുത്തുകയും അതിനാവശ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കുകയും ചെയ്യണം.
2. വിവാഹത്തിനൊരുക്കമായ കോഴ്സില്‍ സംബന്ധിക്കുന്നതിനും ക്രിസ്തീയ വിശ്വാസ സന്മാര്‍ഗ്ഗ സത്യങ്ങള്‍ പഠിക്കുന്നതിനും വേണ്ട ക്രമീകരണങ്ങള്‍ മാതാപിതാക്കള്‍ ശ്രദ്ധാപൂര്‍വ്വം ചെയ്യേണ്ടതാണ്. വിദൂരസ്ഥലങ്ങളില്‍ പഠിക്കുകയോ ജോലി ചെയ്യുകയോ ചെയ്യുന്ന മക്കളെ മുന്‍കൂട്ടി ഇക്കാര്യങ്ങള്‍ ഓര്‍മ്മപ്പെടുത്തേണ്ടതാണ്.
3. വിവാഹാര്‍ത്ഥികള്‍ക്ക് ദാമ്പത്യജീവിതത്തെ സംബന്ധിച്ച് ആവശ്യമായ അറിവുണ്ടായിരിക്കണം. വിവാഹത്തിനൊരുക്കമായ കോഴ്സിന്‍റെ (Marriage Preparation Course) സര്‍ട്ടിഫിക്കറ്റ് ഉണ്ടായിരിക്കണം. പന്ത്രണ്ടാം ക്ലാസ് വരെയുള്ള മതബോധനവും നടത്തിയിരിക്കണം. ഇവ ഇല്ലെങ്കില്‍ രൂപതാകച്ചേരിയില്‍ നിന്ന് പ്രത്യേകം അനുമതി വാങ്ങിയിരിക്കണം.
4. ക്രൈസ്തവ വിവാഹത്തിന്‍റെ അര്‍ത്ഥം, പ്രത്യേകതകള്‍, ദമ്പതികള്‍ക്ക് പരസ്പരമുള്ള അവകാശങ്ങളും കടമകളും മക്കളുടെ ശിക്ഷണം എന്നിവയെക്കുറിച്ചും ക്രിസ്തീയ വിശ്വാസ സത്യങ്ങള്‍, സന്മാര്‍ഗ്ഗമൂല്യങ്ങള്‍ എന്നിവയെക്കുറിച്ചും വിവാഹാര്‍ത്ഥികള്‍ക്ക് അറിവുണ്ടെന്ന കാര്യം ബന്ധപ്പെട്ട വികാരിമാര്‍ ഉറപ്പുവരുത്തേണ്ടതാണ്.
5. വിവാഹം ആശീര്‍വദിക്കാന്‍ അവകാശമുള്ള വികാരി കാനോനിക തടസ്സങ്ങളെ സംബന്ധിച്ച് മുന്‍കൂട്ടി വേണ്ട അന്വേഷണങ്ങള്‍ നടത്തണം. വധൂവരന്മാര്‍ സ്വമനസ്സാലെയാണോ വിവാഹത്തിന് സമ്മതിച്ചിട്ടുള്ളതെന്നും വല്ല തടസ്സവും ഉണ്ടോയെന്നും വികാരി അവരോട് തനിച്ച് വിവേകപൂര്‍വ്വം ചോദിച്ച് മനസ്സിലാക്കേണ്ടതാണ്.
6. സ്ഥൈര്യലേപനം സ്വീകരിച്ചിട്ടില്ലാത്തവര്‍ വിവാഹത്തിന് മുമ്പ് ഈ കൂദാശ സ്വീകരിച്ചിരിക്കണം.

വിവാഹത്തിനുള്ള അപേക്ഷാഫോറം

1. ശരിയായ ഒരുക്കത്തോടും സമ്മതത്തോടും അറിവോടും കൂടിയാണ് തങ്ങള്‍ വിവാഹബന്ധത്തിലേര്‍പ്പെടുന്നതെന്നു വ്യക്തമാക്കാനായി വിവാഹാര്‍ത്ഥികള്‍ മനസ്സമ്മതത്തിനു മുമ്പായി തങ്ങളുടെ ഇടവക വികാരിയുടെ മുമ്പില്‍ വെച്ച് നിര്‍ദ്ദേശിക്കപ്പെട്ടിരിക്കുന്ന അന്വേഷണഫോറം പൂരിപ്പിച്ച് നല്‍കേണ്ടതാണ് (PL Art. 160). ഫോറത്തിലെ എല്ലാ കോളങ്ങളും പൂരിപ്പിക്കാന്‍ വികാരിമാര്‍ ശ്രദ്ധിക്കേണ്ടതാണ്. പ്രത്യേക അനുവാദങ്ങള്‍ ലഭിച്ചിട്ടുണ്ട് എങ്കില്‍ റിമാര്‍ക്ക് കോളത്തില്‍ എഴുതണം.
2. അന്വേഷണഫോറം പൂരിപ്പിച്ച് നല്‍കുന്നതോടൊപ്പം താഴെപ്പറയുന്ന സാഹചര്യങ്ങളില്‍ സ്വതന്ത്രാവസ്ഥ തെളിയിക്കുന്ന സര്‍ട്ടിഫിക്കറ്റും (Free State Certificate) ഹാജരാക്കേണ്ടതാണ്.
a) പ്രായപൂര്‍ത്തിയായവര്‍ ഒരു വര്‍ഷത്തില്‍ കൂടുതല്‍ പഠനത്തിനും ജോലിക്കും മറ്റുമായി രൂപതയ്ക്ക് പുറത്ത് താമസിച്ചിട്ടുള്ളവരാണെങ്കില്‍ മേല്‍പ്പറഞ്ഞ സ്ഥലത്തെ ഇടവകവികാരിയില്‍ നിന്നും അവരുടെ സ്വതന്ത്രാവസ്ഥ തെളിയിക്കുന്ന സര്‍ട്ടിഫിക്കറ്റ് (Free State Certificate) കൊണ്ടുവരേണ്ടതാണ്.
b) പ്രായപൂര്‍ത്തിയായതിനുശേഷം ഒന്നിലേറെ സ്ഥലങ്ങളില്‍ താമസിച്ചിട്ടുണ്ടെങ്കില്‍ ഏറ്റവും ഒടുവില്‍ ഒരു വര്‍ഷത്തിലേറെ എവിടെ താമസിച്ചോ അവിടുത്തെ വികാരിയില്‍ നിന്നും സര്‍ട്ടിഫിക്കറ്റ് ഹാജരാക്കേണ്ടതാണ്. കൂടാതെ മറ്റു സ്ഥലങ്ങളില്‍ താമസിച്ചിരിക്കെ വിവാഹബന്ധത്തിലേര്‍പ്പെട്ടിട്ടില്ല എന്ന സത്യപ്രസ്താവനയും (Affidavit) നല്‍കേണ്ടതാണ്.
c) ഇപ്രകാരം വികാരിമാരുടെ സര്‍ട്ടിഫിക്കറ്റ് ലഭ്യമല്ലാത്ത സാഹചര്യങ്ങളില്‍ സിവില്‍ അധികാരികളുടെയോ വിശ്വസനീയരായ വ്യക്തികളുടെയോ സാക്ഷ്യം മതിയാവുന്നതാണ്.
d) ഇക്കാര്യത്തില്‍ ഒഴിവു കൊടുക്കുവാന്‍ സ്ഥല മേലദ്ധ്യക്ഷനു മാത്രമേ അനുവാദമുള്ളൂ.

വിവാഹവാഗ്ദാനം

1. വിവാഹപരസ്യം നിയമാനുസൃതം നടത്തുന്നതിന് സമയം ലഭിക്കത്തക്കവിധത്തില്‍ വിവാഹത്തിന് മുമ്പായി വിവാഹ വാഗ്ദാനം നടത്തേണ്ടതാണ്. സ്ഥലത്തെ വൈദിക മേലദ്ധ്യക്ഷന്‍റെയോ, ഇടവക വികാരിയുടെയോ, ഇവരില്‍ ആരെങ്കിലും അധികാരപ്പെടുത്തുന്ന വൈദികന്‍റെയോ മുമ്പാകെ രണ്ടു സാക്ഷികളുടെ സാന്നിദ്ധ്യത്തില്‍ ഇടവകപ്പള്ളിയില്‍ വച്ചോ, വധൂവരന്മാര്‍ നിര്‍ദ്ദേശിക്കുന്ന മറ്റേതെങ്കിലും പള്ളിയില്‍ വച്ചോ വിവാഹവാഗ്ദാനം നടത്താവുന്നതാണ്. വിവാഹവാഗ്ദാനം നടത്തേണ്ടത് പള്ളിയില്‍ വച്ചാണ്. മറ്റേതെങ്കിലും സ്ഥലത്തു വച്ച് വിവാഹ വാഗ്ദാനം നടത്തണമെങ്കില്‍ രൂപതാദ്ധ്യക്ഷന്‍റെ അനുവാദം വാങ്ങിയിരിക്കണം.
2. കുറിയോ (Form A) തത്തുല്യമായ രേഖകളോ ലഭിച്ചശേഷം മാത്രമേ വിവാഹവാഗ്ദാനം നടത്താവൂ.
3. വിവാഹവാഗ്ദാനം നടത്തിയ വിവരം വൈദികന്‍ അതിനുള്ള രജിസ്റ്ററില്‍ രേഖപ്പെടുത്തണം. കക്ഷികളും കാര്‍മ്മികനും രണ്ട് സാക്ഷികളും രജിസ്റ്ററില്‍ ഒപ്പിടണം.
4. വിവാഹവാഗ്ദാനത്തിനുശേഷം ഇക്കാര്യം മറ്റേക്കക്ഷിയുടെ ഇടവക വികാരിയെ കുറിയിലൂടെ (Form B) അറിയിക്കണം. ഈ കുറിയില്‍ ജനനതീയതിയും മാമ്മോദീസ തീയതിയും രേഖപ്പെടുത്തിയിരിക്കണം. 

5. ആരാധനാക്രമപുസ്തകത്തില്‍ നല്‍കിയിരിക്കുന്ന ക്രമമനുസരിച്ചാണ് വിവാഹവാഗ്ദാനം നടത്തേണ്ടത്.
6. അസാധാരണ സന്ദര്‍ഭങ്ങളില്‍ രേഖാമൂലം മനസ്സമ്മതം നടത്താന്‍ രൂപതാദ്ധ്യക്ഷന് അനുവദിക്കാവുന്നതാണ്. വരനും വധുവും രണ്ടു സാക്ഷികളുടെ സാന്നിദ്ധ്യത്തില്‍ അവരവരുടെ ഇടവകവികാരിയുടെ മുമ്പാകെ വിവാഹത്തിനുള്ള അവരുടെ സമ്മതം എഴുതി വെളിപ്പെടുത്തുന്നു. ഇരുകൂട്ടരുടെയും സമ്മതം ഇടവക വികാരിമാര്‍ പരസ്പരം അറിയിക്കേണ്ടതാണ്. തുടര്‍ന്ന് മുറപ്രകാരം വിവാഹ പരസ്യം നടത്തേണ്ടതാണ്.
7. ഇരു കക്ഷികളും രേഖാമൂലം നല്‍കുന്ന ന്യായയുക്തവും ഗൗരവവുമായ കാരണങ്ങളുടെ അടിസ്ഥാനത്തില്‍ ഏതെങ്കിലും ഒരു കക്ഷിയുടെ രൂപതാദ്ധ്യക്ഷന് മനസ്സമ്മത കര്‍മ്മത്തില്‍ നിന്ന് ഒഴിവു നല്‍കാവുന്നതാണ്.
8. വിവാഹവാഗ്ദാനം നടത്തി വിവാഹം നടക്കാതെ ഒഴിവാകുമ്പോള്‍ ന്യായമായ നഷ്ടം ഇതരകക്ഷിക്കുകൊടുക്കുവാന്‍ ബാധ്യതയുണ്ട് . ഇതു സംബന്ധിച്ച് ഉണ്ടായേക്കാവുന്ന തര്‍ക്കപരിഹാരത്തിന് ബന്ധപ്പെട്ട വികാരിമാരുടെ ശുപാര്‍ശയോടുകൂടി ഫൊറോനാവികാരിയെ സമീപിക്കേണ്ടതും അദ്ദഹത്തിന്‍റെ തീരുമാനത്തിന്മേല്‍ തര്‍ക്കമുണ്ടായാല്‍ രൂപതാ അഡ്മിനിസ്ട്രേറ്റീവ് ട്രൈബ്യൂണലിനെ സമീപിക്കാവുന്നതുമാണ്.
9. മനസ്സമ്മതത്തിനു മുമ്പുപോലും ഇരുകക്ഷികളുടെയും രേഖാമൂലമായ അപേക്ഷപ്രകാരം, ഏതെങ്കിലും ഒരു കക്ഷിയുടെ മേലദ്ധ്യക്ഷന് വിവാഹനിശ്ചയം പരസ്യപ്പെടുത്താനുള്ള അനുവാദം നല്‍കാവുന്നതാണ്.

വിവാഹകുറികള്‍

1. വിവാഹത്തോടനുബന്ധിച്ച് വധൂവരന്മാരുടെ ഇടവകാവികാരിമാര്‍ തമ്മില്‍ താഴെപ്പറയുന്ന കുറികള്‍ കൈമാറേണ്ടതാണ്.
a) മനസമ്മതത്തിന് മുമ്പ് നല്‍കുന്ന മനസമ്മതക്കുറി (Form A)
b) മനസമ്മതത്തിന് ശേഷം വിവാഹതീയതിയും പരസ്യ തീയതിയും അറിയിക്കുന്ന കുറി (Form B)
c) വിവാഹ ആശീര്‍വാദത്തിന് അനുവദിക്കുന്ന കെട്ടു കുറി (Form C).
d) വിവാഹശേഷം നല്‍കുന്ന വിവാഹസാക്ഷ്യക്കുറി (Form D)
e) വധൂവരന്മാരുടെ ഇടവകകളിലെ വിവാഹരജിസ്റ്ററുകളിലും മാമ്മോദീസ നടന്ന സ്ഥലത്തെ രജിസ്റ്ററുകളിലും വിവാഹം നടന്ന കാര്യം രേഖപ്പെടുത്തിയെന്ന് വിവാഹാശീര്‍വാദം നടന്ന പള്ളിയിലെ വികാരിയെ അറിയിക്കുന്ന കുറി (Form E).

വിവാഹ പരസ്യം

1. വിവാഹത്തിന് കാനോനികമായി എന്തെങ്കിലും തടസ്സമുണ്ടെങ്കില്‍ അറിയുന്നതിനും കൂദാശയുടെ ഭദ്രതയ്ക്കാവശ്യമായ നടപടികള്‍ സ്വീകരിക്കുന്നതിനുള്ള അവസരം ലഭിക്കുന്നതിനും വേണ്ടിയാണ് വിവാഹപരസ്യം നടത്തുന്നത്. ആയതിനാല്‍ പരസ്യപ്പെടുത്തുന്ന വിവാഹത്തിന് എന്തെങ്കിലും തടസ്സമുണ്ടെന്ന് ബോധ്യമുള്ളവര്‍ക്ക് തത്സംബന്ധമായ വിവരം വികാരിയെ യഥാസമയം അറിയിക്കുവാന്‍ കടമയുണ്ട്.
2. വിവാഹം മൂന്ന് തുടര്‍ച്ചയായ കടമുള്ള ദിവസങ്ങളില്‍ പരസ്യം ചെയ്യേണ്ടതാണ്. അല്ലെങ്കില്‍ ഒരു തവണ പള്ളിയില്‍ പരസ്യപ്പെടുത്തിയശേഷം രണ്ടു കടമുള്ള ദിവസങ്ങളില്‍ പള്ളിയിലെ നോട്ടീസ്ബോര്‍ഡില്‍ പ്രദര്‍ശിപ്പിച്ചാലും മതിയാകും. സിവില്‍ നിയമം ആവശ്യപ്പെടുന്നത് ഒരു മാസത്തെ പരസ്യമാണ്. ഇതില്‍ നിന്നും ഒഴിവു നല്കാന്‍ ആര്‍ക്കും അധികാരമില്ല.
3. തക്കകാരണങ്ങളുണ്ടെങ്കില്‍ ഒരു വിവാഹപരസ്യത്തില്‍ നിന്ന് വികാരിക്കും രണ്ടെണ്ണത്തില്‍ നിന്ന് ഫൊറോനാവികാരിക്കും ഒഴിവ് നല്‍കാവുന്നതാണ്. പരസ്യങ്ങളൊന്നും കൂടാതെ വിവാഹം ആശീര്‍വ്വദിക്കുന്നതിനും, ഒരു പ്രാവശ്യം മാത്രം വിളിച്ചുചൊല്ലി അന്നുതന്നെ വിവാഹം ആശീര്‍വ്വദിക്കുന്നതിനും സ്ഥലമേലദ്ധ്യക്ഷന്‍റെ അനുവാദം ആവശ്യമാണ്. എന്നാല്‍ പരസ്യങ്ങള്‍ കൂടാതെയോ, പരസ്യം നടത്തി അന്നുതന്നെയോ വിവാഹം ആശീര്‍വ്വദിക്കാന്‍ സാധാരണ സാഹചര്യങ്ങളില്‍ അനുവാദം നല്കാറില്ല. ഒരു തവണ മാത്രം പരസ്യം ചെയ്യുന്നുള്ളുവെങ്കില്‍ അതിനു ശേഷം അഞ്ചു ദിവസം കഴിഞ്ഞേ വിവാഹം നടത്താന്‍ പാടുള്ളു.
4. ഒന്നിലധികം വൈദികമേലദ്ധ്യക്ഷന്മാര്‍ക്ക് കീഴ്പ്പെട്ടവരുടെ കാര്യത്തില്‍ ഒഴിവുകൊടുക്കേണ്ടത് വിവാഹം നടക്കുന്ന സ്ഥലത്തെ വൈദികമേലദ്ധ്യക്ഷനാണ്. എന്നാല്‍ വിവാഹം നടക്കുന്നത് ഇരുവരുടെയും രൂപതാതിര്‍ത്തിക്ക് പുറത്തുവച്ചാണെങ്കില്‍ വരന്‍റെ രൂപതാദ്ധ്യക്ഷനില്‍ നിന്നാണ് അനുവാദം വാങ്ങേണ്ടത്.
5. വിവാഹപരസ്യത്തിനുശേഷം ആറുമാസത്തിനകം വിവാഹം നടന്നിട്ടില്ലെങ്കില്‍ വീണ്ടും പരസ്യം ചെയ്യേണ്ടതാണ്. ഇക്കാര്യത്തില്‍ രൂപതാദ്ധ്യക്ഷന് ഇളവു നല്‍കാവുന്നതാണ്.
6. വിവാഹപരസ്യത്തിനിടയ്ക്കോ പിന്നീടോ, വിവാഹതടസ്സങ്ങള്‍ എന്തെങ്കിലും ഉണ്ടെന്ന് സംശയം തോന്നിയാല്‍ വികാരി ഇതേപ്പറ്റി വിശദമായി അന്വേഷണം നടത്തണം. എന്തെങ്കിലും തടസ്സമുണ്ടെന്ന് ബോധ്യമായാല്‍ വിളിച്ചുചൊല്ലല്‍ നിര്‍ത്തി വയ്ക്കേണ്ടതാണ്. എന്നാല്‍ പരസ്യമായ തടസ്സമല്ലെങ്കില്‍ വിളിച്ചുചൊല്ലല്‍ പൂര്‍ത്തിയാക്കാവുന്നതാണ്. പിന്നീട് രൂപതാദ്ധ്യക്ഷനെ വിവരമറിയിക്കുകയും തടസ്സം നീക്കിയശേഷം മാത്രം വിവാഹം നടത്തുകയും ചെയ്യേണ്ടതാണ്.
7. വിവാഹവാഗ്ദാനത്തിനു ശേഷമാണ് പരസ്യം ചെയ്യേണ്ടത്. എന്നാല്‍ അനുവാദത്തോടെ വിവാഹവാഗ്ദാനത്തിനു മുമ്പും പരസ്യം നടത്താവുന്നതാണ്. ശ്രദ്ധിക്കേണ്ട കാര്യങ്ങള്‍:
7.1 വിളിച്ചുചൊല്ലല്‍ വിവാഹവാഗ്ദാനത്തിനു മുമ്പു നടത്തുമ്പോള്‍, വിവാഹത്തിനു മുമ്പ് പരസ്യംചെയ്യല്‍ പൂര്‍ത്തിയായാല്‍ മതി. പക്ഷേ, വിളിച്ചുചൊല്ലല്‍ മൂന്നില്‍ കുറയാന്‍ പാടില്ല.
7.2 മതിയായ കാരണമുണ്ടെങ്കില്‍ ഏതു വിവാഹവും വിവാഹവാഗ്ദാനത്തിനു മുമ്പു പരസ്യം ചെയ്യാം. (കേരളത്തിനു വെളിയില്‍ ഉള്ളവര്‍ക്കു മാത്രമല്ല ഈ അനുവാദം).
7.3 കാരണം വ്യക്തമായി അപേക്ഷാഫോറത്തില്‍ രേഖപ്പെടുത്തിയിരിക്കണം.

വിവാഹ സംഭാവന

1. വിവാഹ അവസരത്തില്‍ ദമ്പതികള്‍ നല്‍കേണ്ട വിവാഹ സംഭാവന രൂപതകള്‍ക്കനുസരിച്ച് വ്യത്യാസപ്പെട്ടിരിക്കും. എന്നാല്‍ കുടുംബങ്ങളുടെ പരിതഃസ്ഥിതിയനുസരിച്ച് സംഭാവന മുഴുവനായും ഇളവു ചെയ്യുകയോ മേല്‍പ്പറഞ്ഞതിനേക്കാള്‍ കൂടുതല്‍ തരുന്നെങ്കില്‍ വാങ്ങിക്കുകയോ ചെയ്യാവുന്നതാണ്. വിവാഹസംഭാവന ഏത് കാര്യത്തിനാണ് ഉപയോഗിക്കേണ്ടത് എന്നത് രൂപതയില്‍ നിന്നുള്ള നിര്‍ദ്ദേശപ്രകാരമാണ് തീരുമാനിക്കേണ്ടത്.
2. വധൂവരന്മാര്‍ രണ്ടുപേരും ഒരേ ഇടവകയില്‍ പെട്ടവരാണെങ്കില്‍ ഓരോരുത്തരും വെവ്വേറെ വിവാഹ സംഭാവന നല്‍കേണ്ടതാണ്. ഓരോരുത്തരും സ്വന്തം ഇടവകയില്‍ സംഭാവന നല്‍കണം.
3. പള്ളിയിലേക്ക് കുടിശിഖകള്‍ കൊടുക്കുവാനുണ്ടെങ്കില്‍ വിവാഹത്തോടനുബന്ധിച്ച് അത് കൊടുത്തുതീര്‍ക്കേണ്ടതാണ്.

രൂപതാദ്ധ്യക്ഷന്‍റെ അനുവാദം കൂടാതെ നടത്താന്‍ പാടില്ലാത്ത വിവാഹങ്ങള്‍

1. സ്ഥിരമായ വാസസ്ഥലമില്ലാതെ ദേശാടനം പതിവാക്കിയിട്ടുള്ളവരുടെ വിവാഹം.
2. മൂന്നാം കക്ഷിയോട്, അതായത് നേരത്തെ ബന്ധമുണ്ടായിരുന്ന സഖിയോടും മക്കളോടും സ്വാഭാവികമായ കടമകള്‍ നിറവേറ്റുവാന്‍ ബാധ്യസ്ഥരായിട്ടുള്ളവരുടെ വിവാഹം.
3. മാതാപിതാക്കന്മാരുടെ അറിവോടും സമ്മതത്തോടും കൂടിയല്ലാതെ നടത്തുന്ന വിവാഹം.
4. ഏതെങ്കിലും വ്യവസ്ഥകള്‍ പാലിച്ചതിനുശേഷമല്ലാതെ വിവാഹം പാടില്ലെന്ന് സഭാകോടതിവിധിപ്രകാരം മുടക്കിയിട്ടുള്ള വിവാഹം.
5. കത്തോലിക്കാവിശ്വാസം പരസ്യമായി ത്യജിച്ചിട്ടുള്ളവരുടെ വിവാഹം.

കാനോനികക്രമം

1. സ്ഥലമേലദ്ധ്യക്ഷനോ, കക്ഷികളുടെ ഇടവകവികാരിയോ അസ്തേന്തിയോ ഇവരിലാരെങ്കിലും ചുമതലപ്പെടുത്തുന്ന മറ്റ് വൈദികനോ ആണ് വിവാഹത്തിന്‍റെ കാര്‍മ്മികന്‍. വിവാഹതിരുക്കര്‍മ്മസമയത്ത് വധൂവരന്മാര്‍ തങ്ങളുടെ വിവാഹസമ്മതം രണ്ട് സാക്ഷികളുടെ സാന്നിധ്യത്തില്‍ പരസ്യമായി പ്രഖ്യാപിക്കുകയും കാര്‍മ്മികന്‍ അവരെ ആശീര്‍വദിക്കുകയും ചെയ്യുന്നതാണ് വിവാഹത്തിന്‍റെ കാനോനികക്രമം.
2. CCEO c. 832- ല്‍ പറയുന്ന മരണാവസ്ഥ, വൈദികരില്ലാത്ത അവസ്ഥ എന്നീ പ്രത്യേക സാഹചര്യങ്ങളില്‍ മാത്രമേ ഈ കാനോനികക്രമത്തില്‍ നിന്നും ഒഴിവുള്ളൂ.
3. പൗരസ്ത്യ കത്തോലിക്കാ സഭാംഗമായ ഒരാള്‍ പൗരസ്ത്യ അകത്തോലിക്ക സഭാംഗമായ ഒരാളുമായി വിവാഹത്തില്‍ ഏര്‍പ്പെടുമ്പോള്‍ കത്തോലിക്കാ കാനോനികക്രമം പാലിക്കപ്പെടാതിരുന്നാല്‍ ആ വിവാഹം സാധുവാണെങ്കിലും നിയമാനുസൃതമല്ല.
4. കത്തോലിക്ക കാനോനികക്രമത്തില്‍ നിന്നും ഒഴിവു നല്‍കുന്നതിന് ശ്ലൈഹികസിംഹാസനത്തിനോ, മേജര്‍ ആര്‍ച്ച്ബിഷപ്പിനോ മാത്രമേ അധികാരമുള്ളൂ.
5. കത്തോലിക്കാസഭയും മലങ്കര സിറിയന്‍ ഓര്‍ത്തഡോക്സ് സഭയും (യാക്കോബായ/ ബാവകക്ഷി/ പാത്രിയാര്‍ക്കീസ് കക്ഷി) തമ്മില്‍ ഉണ്ടാക്കിയിട്ടുള്ള ധാരണ അനുസരിച്ച് കാനോനികക്രമത്തില്‍ നിന്ന് ഒഴിവു നല്‍കുവാന്‍ അതാത് രൂപതാദ്ധ്യക്ഷന് അധികാരമുണ്ട്.

സ്ഥലം, സമയം

1. നമ്മുടെ പാരമ്പര്യമനുസരിച്ച് ദമ്പതിമാരില്‍ ആരുടെയെങ്കിലും ഇടവകയില്‍വെച്ച് വിവാഹം ആശീര്‍വദിക്കാവുന്നതാണ്. അല്ലെങ്കില്‍ വികാരിയുടെ അനുവാദത്തോടുകൂടി കക്ഷികള്‍ക്ക് സൗകര്യമായ ഏതെങ്കിലും ഇടവകയില്‍ വെച്ചും ആശീര്‍വദിക്കാവുന്നതാണ്. വിവാഹം എവിടെവെച്ച് ആശീര്‍വദിക്കപ്പെടുന്നു എന്ന പരിഗണനയില്ലാതെ മറുകക്ഷിയുടെ വികാരിക്കാണ് കെട്ടുകുറി (Form C) നല്‍കേണ്ടത്. അദ്ദേഹം ആവശ്യമായ രേഖകള്‍ വിവാഹം ആശീര്‍വദിക്കപ്പെടുന്ന സ്ഥലത്തെ വികാരിക്ക് നല്‍കേണ്ടതാണ്. വിവാഹം നടത്തിയത് കക്ഷിയുടെ ഇടവകയില്‍ വച്ചല്ലെങ്കില്‍ വിവാഹം നടത്തിയ പള്ളിയിലെ വികാരി ഇരുകക്ഷിയുടെയും വികാരിമാര്‍ക്ക് വിവാഹസര്‍ട്ടിഫിക്കറ്റ് (Form D) നല്‍കേണ്ടതാണ്. അസാധാരണമായ സാഹചര്യങ്ങളില്‍ ഏതെങ്കിലും അനുയോജ്യമായ സ്ഥലത്തുവച്ച് വിവാഹം ആശീര്‍വദിക്കാന്‍ രൂപതാദ്ധ്യക്ഷന് അനുവാദം നല്‍കാവുന്നതാണ്.
2. സഭാനിയമമനുസരിച്ച് ആഗമനകാലത്തും വലിയ നോമ്പുകാലത്തും വിവാഹാഘോഷം മുടക്കമാണ്. എന്നാല്‍ മതിയായതും നീതിപൂര്‍വ്വകവുമായ കാരണങ്ങളുണ്ടെങ്കില്‍ കക്ഷികള്‍ ആരുടെയെങ്കിലും അപേക്ഷയിന്മേല്‍ ആഘോഷവും ആഡംബരവും ഒഴിവാക്കി വിവാഹം ആശീര്‍വദിക്കുന്നതിന് സ്ഥല മേലദ്ധ്യക്ഷന് അനുവാദം നല്‍കാവുന്നതാണ്. ഞായറാഴ്ചകളിലും കടമുള്ള ദിവസങ്ങളിലും വിവാഹാഘോഷങ്ങള്‍ സാധാരണഗതിയില്‍ അനുവദനീയമല്ല. എന്നാല്‍ പ്രത്യേക സാഹചര്യത്തില്‍ രൂപതാകച്ചേരിയില്‍ നിന്നുള്ള അനുവാദത്തോടെ ദേവാലയത്തിലെ കര്‍മ്മങ്ങള്‍ക്കും മതബോധനത്തിനും തടസ്സം വരാതെ നടത്താവുന്നതാണ്.

വിവാഹതടസ്സങ്ങള്‍

1. വയസ്സുകുറവ്
നിലവിലുള്ള കാനോന്‍ നിയമമനുസരിച്ച് പുരുഷന് പതിനാറു വയസ്സും സ്ത്രീക്ക് പതിനാലുവയസ്സും തികഞ്ഞിട്ടുണ്ടെങ്കില്‍ അവര്‍ക്ക് സാധുവായ വിവാഹബന്ധത്തില്‍ ഏര്‍പ്പെടാവുന്നതാണ്. എന്നാല്‍ ഇന്ത്യന്‍ സിവില്‍ നിയമമനുസരിച്ച് പുരുഷന് ഇരുപത്തൊന്ന് വയസ്സും സ്ത്രീക്ക് പതിനെട്ട് വയസ്സും തികഞ്ഞിരിക്കണമെന്നത് ശിക്ഷയില്‍കീഴ് നിര്‍ബന്ധമാക്കിയിട്ടുള്ളതിനാല്‍ ആ വയസ്സ് തികഞ്ഞിട്ടേ വിവാഹം നടത്താവൂ. പതിനെട്ടിനും ഇരുപത്തൊന്നിനും മദ്ധ്യേ പ്രായമുള്ള ഒരു ആണ്‍കുട്ടി പതിനഞ്ചിനും പതിനെട്ടിനും മദ്ധ്യേ പ്രായമുള്ള ഒരു പെണ്‍കുട്ടിയെ വിവാഹം ചെയ്താല്‍ പതിനഞ്ചുദിവസം തടവോ ആയിരം രൂപ പിഴയോ ശിക്ഷ വിധിക്കാം. ഇരുപത്തൊന്നിനുമേല്‍ പ്രായമുള്ള പുരുഷന്‍ നിശ്ചിതപ്രായം തികയാത്ത പെണ്‍കുട്ടിയെ വിവാഹം ചെയ്താല്‍ മൂന്നുമാസം തടവോ ആയിരം രൂപ പിഴയോ ആണ് ശിക്ഷ. പ്രായമെത്താത്തവരുടെ വിവാഹത്തിന് കാര്‍മ്മികത്വം വഹിക്കുന്നവര്‍ക്കും രക്ഷിതാക്കളാണ് വിവാഹം നടത്തിക്കുന്നതെങ്കില്‍ അവര്‍ക്കും മൂന്നുമാസം തടവോ ആയിരം രൂപ പിഴയോ ശിക്ഷ നല്‍കാം. ചിലപ്പോള്‍ ഈ കേസുകളില്‍ തടവും പിഴയും ഒന്നിച്ച് വിധിക്കാവുന്നതാണ്.
2. ലൈംഗികശേഷിക്കുറവ് (Impotency)
പുരുഷന്‍റെ ഭാഗത്തോ സ്ത്രീയുടെ ഭാഗത്തോ ഉള്ള കേവലമോ, ആപേക്ഷികമോ ആയ ലൈംഗികസംയോഗത്തിനുള്ള ശേഷിക്കുറവ് വിവാഹത്തിന് മുമ്പുള്ളതും ശാശ്വതവുമാണെങ്കില്‍ അതിന്‍റെ സ്വഭാവത്താല്‍തന്നെ വിവാഹത്തെ അസാധുവാക്കുന്നു. ഇതില്‍നിന്നും ഒഴിവുകൊടുക്കുവാന്‍ ആര്‍ക്കും അധികാരമില്ല.
3. രക്തബന്ധം (Consanguinity)
3.1 തായ്പരമ്പരയില്‍ (vertical or direct line) (ഉദാ : അപ്പന്‍, വല്യപ്പന്‍, മകന്‍, പേരക്കുട്ടി എന്നിവര്‍ തമ്മില്‍) ഒരിക്കലും വിവാഹം അനുവദനീയമല്ല. ഈ തടസ്സം ഒരിക്കലും ഒഴിവാക്കാനും അധികാരമില്ല.
3.2 ശാഖാപരമ്പരയില്‍ (collateral line) പൊതുകാരണവരെ ഒഴിവാക്കി ആകെ എത്രപേര്‍ ഉണ്ടെന്ന് നോക്കിയാണ് ഡിഗ്രി അഥവാ കരിന്തല കണക്കാക്കുക.
3.3 ശാഖാപരമ്പരയിലെ (collateral line) രണ്ടാം കരിന്തലയിലെ (ആങ്ങള – പെങ്ങള്‍ ബന്ധം) വ്യക്തികള്‍ക്ക് വിവാഹതടസ്സത്തില്‍ നിന്നും ഒഴിവ് (Dispensation) ഒരിക്കലും അനുവദിക്കുന്നതല്ല.
3.4 ശാഖാപരമ്പരയില്‍ നാലാം കരിന്തല ഉള്‍പ്പെടെ (ഉദാ: ജ്യേഷ്ഠന്‍-അനുജന്‍, ആങ്ങള-പെങ്ങള്‍, ചേച്ചി-അനുജത്തി, എന്നിവരും ഇവരുടെ മക്കള്‍ തമ്മിലും (first cousins) വിവാഹം തടസ്സമാണ്.
4. ചാര്‍ച്ചാബന്ധം (Affinity)
വാസ്തവമായി നടന്ന വിവാഹത്തിലെ ദമ്പതിമാരിലെ ഒരാളും മറ്റെയാളുടെ ബന്ധുക്കളും തമ്മിലുള്ള ബന്ധമാണ് ചാര്‍ച്ചാബന്ധം. തായ്പരമ്പരയിലെ എല്ലാവരുമായും (ഉദാ: ഭാര്യയ്ക്ക് മറ്റൊരു ഭര്‍ത്താവില്‍ നിന്നുള്ള മകള്‍), ശാഖാ പരമ്പരയിലെ രണ്ടാം കരിന്തല ഉള്‍പ്പെടെയും (ഉദാ : ഭാര്യയുടെ അനുജത്തി) ചാര്‍ച്ചാബന്ധത്താല്‍ വിവാഹം തടസ്സമായിരിക്കുന്നു. ലത്തീന്‍ നിയമമനുസരിച്ച് ചാര്‍ച്ചാബന്ധം വിവാഹ തടസ്സമല്ല.
5. നിലവിലുള്ള മുന്‍ വിവാഹബന്ധം
5.1 മുന്‍വിവാഹബന്ധം നിലനില്‍ക്കെ മറ്റൊരു വിവാഹം നടത്തുന്നത് അസാധുവായിരിക്കും.
5.2 ആദ്യവിവാഹം ഏതെങ്കിലും കാരണത്താല്‍ അസാധുവായിരിക്കുകയോ ബന്ധം വേര്‍പെടുത്തുകയോ ചെയ്തിരുന്നാല്‍ തന്നെയും ഒന്നാമത്തെ വിവാഹത്തിന്‍റെ അസാധുതയോ അല്ലെങ്കില്‍ വേര്‍പെടുത്തലോ നിയമപരമായും (സഭാപരമായും സിവില്‍പരമായും) നിശ്ചിതമായും സ്ഥാപിക്കപ്പെടാതെ മറ്റൊരു വിവാഹം നടത്തുന്നത് നിയമാനുസൃതമല്ല.
6. മതവ്യത്യാസം
മാമ്മോദീസ സ്വീകരിക്കാത്ത ഒരു വ്യക്തിയുമായി സാധുവായ വിവാഹബന്ധത്തിലേര്‍പ്പെടാന്‍ പാടില്ല.
7. ആത്മീയബന്ധം
മാമ്മോദീസായില്‍ തലതൊടുന്നവര്‍ക്ക്, മാമ്മോദീസ സ്വീകരിച്ച വ്യക്തിയുമായോ, അയാളുടെ മാതാപിതാക്കളുമായോ വിവാഹബന്ധം പാടുള്ളതല്ല. ലത്തീന്‍ നിയമസംഹിതയില്‍ ഇത് വിവാഹതടസ്സമല്ല.
8. തട്ടിക്കൊണ്ടുപോകല്‍
വിവാഹം നടത്തുവാനുള്ള ഉദ്ദേശ്യത്തോടെ തട്ടിക്കൊണ്ടുപോകപ്പെടുകയോ കുറഞ്ഞപക്ഷം അധീനതയില്‍ വയ്ക്കപ്പെടുകയോ ചെയ്തിരിക്കുന്ന വ്യക്തിയുമായി സാധുവായി വിവാഹം നടത്താന്‍ സാധ്യമല്ല. അല്ലാത്തപക്ഷം പ്രസ്തുത വ്യക്തി അപഹര്‍ത്താവില്‍ നിന്നോ അധീനമാക്കിയ ആളില്‍ നിന്നോ മോചിക്കപ്പെട്ട് സുരക്ഷിതവും സ്വതന്ത്രവുമായ ഒരു സ്ഥലത്തെത്തിയിരിക്കുകയും സ്വതന്ത്രമായി വിവാഹത്തിന് സമ്മതിക്കുകയും വേണം.
9. ദമ്പതിവധം
9.1 ഒരു നിശ്ചിതവ്യക്തിയുമായി വിവാഹത്തില്‍ ഏര്‍പ്പെടുവാനുള്ള ലക്ഷ്യത്തോടുകൂടി ആ വ്യക്തിയുടെ വിവാഹപങ്കാളിയുടെയോ, സ്വന്തം വിവാഹപങ്കാളിയുടെയോ മരണത്തിന് ഇടയാക്കുന്ന വ്യക്തി പ്രസ്തുത വിവാഹത്തില്‍ ഏര്‍പ്പെടുന്നത് അസാധുവായിരിക്കും.
9.2 ശാരീരികമോ ധാര്‍മ്മികമോ ആയ പരസ്പരസഹകരണത്തോടെ വിവാഹപങ്കാളിയെ അപായപ്പെടുത്തുന്നവര്‍ തമ്മില്‍ വിവാഹത്തിന് ശ്രമിക്കുന്നതും അസാധുവായിരിക്കും.
10. പൊതുമാന്യതയുടെ അടിസ്ഥാനത്തിലുള്ള തടസ്സം
അസാധുവായ വിവാഹത്തിനുശേഷമുള്ള കൂട്ടായ ജീവിതം വഴിയോ, കുപ്രസിദ്ധമോ, പരസ്യമോ ആയ ഉപസ്ത്രീ സഹവാസം വഴിയോ, നിയമം നിര്‍ദ്ദേശിക്കുന്ന കാനോനികക്രമമനുസരിച്ച് വിവാഹം നടത്തേണ്ട വ്യക്തികള്‍ അതിനു വിപരീതമായി ഒരു സിവില്‍ ഉദ്യോഗസ്ഥന്‍റെയോ അകത്തോലിക്കാപുരോഹിതന്‍റെയോ മുമ്പാകെ വിവാഹം നടത്തിയതിനുശേഷം നയിക്കുന്ന കൂട്ടായജീവിതം വഴിയോ, പൊതുമാന്യതയുടെ അടിസ്ഥാനത്തിലുള്ള വിവാഹതടസ്സം ഉളവാകുന്നു. ഈ വിവാഹതടസ്സം സ്ത്രീക്ക് പുരുഷന്‍റെയോ, പുരുഷന് സ്ത്രീയുടെയോ തായ്പരമ്പരയില്‍ ഒന്നാം കരിന്തലയില്‍ രക്തബന്ധം ഉള്ളവരുമായുള്ള വിവാഹബന്ധം അസാധുവാക്കുന്നു.
11. ദത്തെടുക്കല്‍
ദത്തെടുക്കലില്‍ നിന്നുളവാകുന്ന നിയമാനുസൃതബന്ധം വഴി തായ്പരമ്പരയിലോ ശാഖാപരമ്പരയിലെ രണ്ടാം കരിന്തലയിലോ ബന്ധപ്പെട്ടിരിക്കുന്നവര്‍ തമ്മില്‍ സാധുവായി വിവാഹത്തിലേര്‍പ്പെടുവാന്‍ സാധ്യമല്ല.
12. തിരുപ്പട്ടങ്ങള്‍
തിരുപ്പട്ടം സ്വീകരിച്ചിട്ടുള്ള വ്യക്തികള്‍ക്ക് സാധുവായി വിവാഹ ബന്ധത്തിലേര്‍പ്പെടുവാന്‍ കഴിയില്ല.
13. സന്യാസവ്രതം
ഒരു സമര്‍പ്പിതസമൂഹത്തില്‍ പരസ്യനിത്യബ്രഹ്മചര്യവ്രത വാഗ്ദാനം നടത്തിയിരിക്കുന്ന വ്യക്തികള്‍ക്ക് സാധുവായി വിവാഹം നടത്താന്‍ സാധിക്കുകയില്ല.

വിവാഹസമ്മതത്തിനുണ്ടാകുന്ന ന്യൂനതകള്‍

1. വിവാഹബന്ധം സ്ഥാപിക്കുന്നതിനായി സ്ത്രീയും പുരുഷനും അലംഘനീയമായ ഒരു ഉടമ്പടിവഴി പരസ്പരം നല്‍കുകയും സ്വീകരിക്കുകയും ചെയ്യുന്ന ഇച്ഛാശക്തിയുടെ പ്രവൃത്തി (act of will) ആണ് വിവാഹസമ്മതം.
2. താഴെപറയുന്ന സാഹചര്യങ്ങള്‍ വിവാഹസമ്മതത്തെ അസാധുവാക്കുന്നു
a) മതിയായ ആലോചനാശക്തിയില്ലാത്തവര്‍ നല്‍കുന്ന വിവാഹ സമ്മതം.
b) മതിയായ വിവേചനാശക്തിയില്ലാത്തവര്‍ നല്‍കുന്ന വിവാഹ സമ്മതം.
c) മാനസികമായ കാരണങ്ങളാല്‍ വിവാഹജീവിതത്തിന്‍റെ ഉത്തരവാദിത്വങ്ങള്‍ ഏറ്റെടുക്കുവാന്‍ പ്രാപ്തിയില്ലാത്തവര്‍ നല്‍കുന്ന വിവാഹസമ്മതം.
d) വിവാഹധര്‍മ്മത്തെപ്പറ്റിയുള്ള അജ്ഞത ഉള്ളവര്‍ നല്‍കുന്ന വിവാഹസമ്മതം.
e) വ്യക്തി മാറിപോകുന്ന അവസ്ഥ.
f) ജീവിതപങ്കാളിയുടെ വ്യക്തിത്വത്തെ ബാധിക്കുന്ന ഗുണവിശേഷങ്ങളിലുള്ള തെറ്റിദ്ധാരണ.
g) ദാമ്പത്യ കൂട്ടായ്മയെ ദുഷ്കരമാക്കുന്ന വഞ്ചന.
h) വിവാഹത്തെതന്നെയോ അതിന്‍റെ കാതലായ ഏതെങ്കിലും ഘടകത്തെയോ സവിശേഷതകളെയോ മനഃപൂര്‍വ്വം വേണ്ടെന്നു വയ്ക്കുന്ന കപടസമ്മതം.
i) ബലപ്രയോഗം, ഭീഷണി എന്നിവയുടെ അടിസ്ഥാനത്തില്‍ കൊടുക്കുന്ന സമ്മതം.
j) ഏതെങ്കിലും വ്യവസ്ഥയോടുകൂടി വിവാഹസമ്മതം

മിശ്രവിവാഹം (Mixed Marriage)

1. കത്തോലിക്കരും മാമ്മോദീസ സ്വീകരിച്ചിട്ടുള്ള അകത്തോലിക്കരും തമ്മിലുള്ള വിവാഹത്തെയാണ് മിശ്രവിവാഹമെന്ന് പറയുന്നത്. ഇങ്ങനെയുള്ള വിവാഹത്തിന് രൂപതാദ്ധ്യക്ഷന്‍റെ അനുവാദം ആവശ്യമാണ്.
2. വ്യത്യസ്ത ക്രൈസ്തവ വിഭാഗത്തില്‍പ്പെടുന്നവര്‍ തമ്മിലുള്ള വിവാഹം കുടുംബഭദ്രതയേയും മക്കളുടെ വളര്‍ത്തലിനെയും ഭാര്യാഭര്‍ത്താക്കന്മാര്‍ തമ്മിലുള്ള മാനസിക ഐക്യത്തേയും വിശ്വാസ ജീവിതത്തെയും സാരമായി ബാധിക്കുവാന്‍ സാധ്യതയുണ്ട്. ആയതിനാല്‍ വ്യത്യസ്ത ക്രൈസ്തവ വിഭാഗത്തില്‍പ്പെടുന്നവരുമായി വിവാഹബന്ധത്തിലേര്‍പ്പെടുന്നത് വികാരിമാര്‍ നിരുത്സാഹപ്പെടുത്തേണ്ടതാണ്.
3. കത്തോലിക്കാവിശ്വാസിയുമായി വിവാഹിതനാകാന്‍ പോകുന്ന അകത്തോലിക്കാ വ്യക്തി കത്തോലിക്കാവിശ്വാസം സ്വീകരിക്കാത്ത സാഹചര്യത്തില്‍ വിവാഹങ്ങള്‍ നടത്തുന്നതിന് താഴെ ചേര്‍ക്കുന്ന വ്യവസ്ഥകള്‍ പാലിക്കണം.
a) കത്തോലിക്കാവിശ്വാസി തന്‍റെ വിശ്വാസത്തിന് കോട്ടം വരുത്തിയേക്കാവുന്ന പ്രതികൂലസാഹചര്യങ്ങളെല്ലാം ഒഴിവാക്കുന്നതിന് തയ്യാറാണെന്ന് പ്രതിജ്ഞ ചെയ്യുന്നതോടൊപ്പം സന്താനങ്ങളെ കത്തോലിക്കാസഭയില്‍ മാമ്മോദീസായും ശിക്ഷണവും നല്‍കി വളര്‍ത്തുന്നതിനുവേണ്ട എല്ലാ ക്രമീകരണങ്ങളും തന്‍റെ കഴിവിന്‍റെ പരമാവധി ചെയ്യുന്നതാണെന്ന് ആത്മാര്‍ത്ഥതയോടെ വാഗ്ദാനം ചെയ്യുക.
b) കത്തോലിക്കാവിശ്വാസി ചെയ്യേണ്ടതായ വാഗ്ദാനങ്ങളെയും തജ്ജന്യമായുണ്ടാകുന്ന കടമകളെയും സംബന്ധിച്ച് മറുഭാഗം പങ്കാളി ബോധവാനോ ബോധവതിയോ ആയിട്ടുണ്ടെന്ന് ഉറപ്പു വരുത്തുന്നതിലേക്ക് പ്രസ്തുത വാഗ്ദാനങ്ങളെപ്പറ്റി കഴിയും വേഗം പ്രസ്തുത വ്യക്തിയെ ധരിപ്പിക്കുക.
c) വിവാഹത്തിന്‍റെ സാരവത്തായ ഉദ്ദേശ്യലക്ഷ്യങ്ങളെയും ഗുണലക്ഷണങ്ങളെയും സംബന്ധിച്ച് ഇരുവരെയും വേണ്ടവിധം ബോധവത്ക്കരിക്കണം.
d) മേല്‍പ്പറഞ്ഞ വ്യവസ്ഥകളില്‍ വിഭാവനം ചെയ്തിട്ടുള്ള വാഗ്ദാനവും ഉറപ്പും വധൂവരന്മാര്‍ രേഖാമൂലം നല്‍കണമെന്നാണ് കാനന്‍നിയമം അനുശാസിക്കുന്നത്. ആയതിനാല്‍ മിശ്രവിവാഹം നടത്തുന്നതിന് ആധാരമായ കാരണങ്ങളും പ്രസ്തുത വിവാഹം സംബന്ധിച്ച് നല്‍കുന്ന വാഗ്ദാനങ്ങളും ഉള്‍ക്കൊള്ളിച്ചുകൊണ്ട് രൂപതാദ്ധ്യക്ഷന്‍റെ അനുവാദത്തിനായി കത്തോലിക്കാ വിശ്വാസി ഒപ്പിട്ട് സമര്‍പ്പിക്കണം.
e) കത്തോലിക്കരും അകത്തോലിക്കരും തമ്മിലുള്ള വിവാഹം കത്തോലിക്കാപ്പള്ളിയില്‍ വച്ചാണ് നടത്തേണ്ടത്.
f) മേല്‍പ്പറഞ്ഞ വ്യവസ്ഥകള്‍ പാലിക്കാത്തപക്ഷം കത്തോലിക്കാവിശ്വാസിക്ക് ഇടവകവികാരി മാമ്മോദീസാക്കുറി ഒഴികെ യാതൊരുവിധ കുറിയും സര്‍ട്ടിഫിക്കറ്റും കൊടുക്കുവാന്‍ പാടുള്ളതല്ല. സഭാനിയമങ്ങള്‍ക്ക് വിരുദ്ധമായി വിശ്വാസികള്‍ ആരെങ്കിലും വിവാഹം നടത്തിയാല്‍ ആ വിവരം ഇടവകവികാരി രൂപതാകച്ചേരിയില്‍ റിപ്പോര്‍ട്ട് ചെയ്യേണ്ടതാണ്. സഭയ്ക്ക് പുറത്ത് വിവാഹിതരാകുന്നവരും പ്രസ്തുത വിവാഹത്തോട് സഹകരിക്കുന്നവരും ശിക്ഷാര്‍ഹരാണ്.

1. കത്തോലിക്കരും സിറിയന്‍ ഓര്‍ത്തഡോക്സുകാരും (യാക്കോബായ / ബാവകക്ഷി / പാത്രീയര്‍ക്കീസ് കക്ഷി) നടത്തുന്ന വിവാഹങ്ങള്‍

1. മേല്‍പ്പറഞ്ഞ ഇരുസഭകളിലുമുള്ള യുവതീയുവാക്കള്‍ മിശ്രവിവാഹത്തിനായി അപേക്ഷ സമര്‍പ്പിക്കുമ്പോള്‍ താഴെ പറയുന്ന കാര്യങ്ങള്‍ ശ്രദ്ധിക്കേണ്ടതാണ്.
a) കുടുംബത്തിന്‍റെ സന്തുഷ്ടിക്കും കുട്ടികളുടെ വളര്‍ത്തലിനും അതാതുസഭകളില്‍ത്തന്നെയുള്ള വിവാഹമാണ് ഏറ്റം അനുയോജ്യമായിട്ടുള്ളത് എന്ന് അവരെ ധരിപ്പിക്കുക.
b) അവര്‍ മിശ്രവിവാഹം നടത്തുക എന്ന തീരുമാനത്തില്‍ ഉറച്ചു നില്‍ക്കുകയാണെങ്കില്‍ മലങ്കര സിറിയന്‍ ഓര്‍ത്തഡോക്സ് സഭയും കത്തോലിക്കാസഭയും തമ്മില്‍ ഇക്കാര്യത്തിലുണ്ടായിട്ടുള്ള ധാരണയെ സംബന്ധിച്ച് അവര്‍ക്കു വ്യക്തമായ അറിവു നല്‍കുക.
c) ഓരോ പങ്കാളിയും തങ്ങളുടെ സഭാവിശ്വാസത്തെ പരമ പ്രധാനമായി കണക്കാക്കുന്നതോടൊപ്പംതന്നെ പങ്കാളിയുടെ സഭാവിശ്വാസത്തെ ആദരിക്കേണ്ടതാണെന്ന കാര്യം ഊന്നിപ്പറയേണ്ടതാണ്.
d) വിവാഹത്തിന് ഒരുക്കമായുള്ള കോഴ്സും കൗണ്‍സിലിംഗും നിര്‍ബന്ധമായി ശുപാര്‍ശ ചെയ്യണം.
e) വരന്‍/വധു വിവാഹത്തിനു യോഗ്യതയുള്ള വ്യക്തിയാണെന്ന് ഉറപ്പുവരുത്തണം.
f) വരന്‍/വധു മാമ്മോദീസ സര്‍ട്ടിഫിക്കറ്റ് ഹാജരാക്കേണ്ടതാണ്.
g) വരന്‍/വധു സഭാപാരമ്പര്യം അനുസരിച്ചു പള്ളിക്ക് നല്‍കേണ്ട വിഹിതം നല്‍കിയിട്ടുണ്ട് എന്ന് ഉറപ്പുവരുത്തേണ്ടതാണ്.
h) വരനും വധുവും പരസ്പരമുള്ള ചര്‍ച്ചകള്‍ക്കുശേഷം ഏതു പള്ളിയില്‍വെച്ചാണ് വിവാഹം നടത്തേണ്ടത് എന്നു തീരുമാനിക്കേണ്ടതാണ്.
i) വരനും വധുവും മിശ്രവിവാഹത്തിനുള്ള അനുവാദം അവരവരുടെ മെത്രാനില്‍ നിന്നും രേഖാമൂലം വാങ്ങിച്ചിരിക്കേണ്ടതാണ്.
j) അവരവരുടെ പള്ളിയില്‍ ഈ വിവാഹങ്ങള്‍ വിളിച്ചുചൊല്ലുകയും മിശ്രവിവാഹമാണെന്ന കാര്യം അറിയിക്കുകയും വേണം.
k) മെത്രാനില്‍ നിന്നും ആവശ്യമായ അനുവാദം ലഭിച്ചു കഴിഞ്ഞാല്‍ വിവാഹം നടത്തുന്നതിനാവശ്യമായ രേഖകള്‍ ഇടവക വികാരിമാര്‍ നല്‍കേണ്ടതാണ്.

2. മിശ്രവിവാഹ കര്‍മ്മങ്ങള്‍

മിശ്രവിവാഹം നടത്തുമ്പോള്‍ താഴെ പറയുന്ന കാര്യങ്ങള്‍ ശ്രദ്ധിക്കേണ്ടതാണ്.
a) കാര്‍മ്മികന്‍, വിവാഹം നടക്കുന്ന പള്ളിയുടെ വികാരിയോ അദ്ദേഹം അധികാരപ്പെടുത്തിയ അതേ സഭാസമൂഹത്തില്‍പ്പെട്ട മറ്റൊരു വൈദികനോ ആയിരിക്കണം.
b) രണ്ടു സഭകളുടെയും വൈദികര്‍ ഒന്നിച്ച് കൂദാശ പരികര്‍മ്മം നടത്തുവാന്‍ പാടില്ല. വിവാഹം ആശീര്‍വദിക്കേണ്ടത് കത്തോലിക്കാ സഭയിലെയോ സിറിയന്‍ ഓര്‍ത്തഡോക്സ് സഭയിലെയോ വൈദികനായിരിക്കണം. എന്നാല്‍ ഇതര സഭയിലെ വൈദികന്‍ വേദപുസ്തകം വായിക്കുക, പ്രസംഗം പറയുക മുതലായ രീതികളില്‍ വിവാഹകര്‍മ്മത്തില്‍ പങ്കാളിത്തം വഹിക്കാവുന്നതാണ്.
c) പള്ളി രജിസ്റ്ററുകളില്‍ ആവശ്യമായ വിവരങ്ങള്‍ രേഖപ്പെടുത്തുകയും ഇതര പള്ളിയിലെ രജിസ്റ്ററില്‍ രേഖപ്പെടുത്തുന്നതിനുവേണ്ടി വിവാഹസര്‍ട്ടിഫിക്കറ്റ് നല്‍കുകയും ചെയ്യേണ്ടതാണ്.

3. മിശ്രവിവാഹകുടുംബങ്ങളുടെ അജപാലനത്തില്‍ ശ്രദ്ധിക്കേണ്ടവ

1. സാധിക്കുന്നിടത്തോളം പങ്കാളിയുടെ സമ്മതത്തോടെ തങ്ങളുടെ കുട്ടികള്‍ക്ക് ശരിയായ കത്തോലിക്കാപരിശീലനം നല്‍കുന്നതില്‍ പ്രത്യേകം ശ്രദ്ധിക്കുന്നതിനു തങ്ങള്‍ക്ക് ഗൗരവമായ ഉത്തരവാദിത്വമുണ്ടെന്നു കത്തോലിക്കാ പങ്കാളികളെ അജപാലകര്‍ ഓര്‍മ്മിപ്പിക്കേണ്ടതാണ്. ഈ പരിശീലനം അവര്‍ അംഗമായിരിക്കുന്ന കത്തോലിക്കാ പാരമ്പര്യവുമായി പൂര്‍ണ്ണമായി പൊരുത്തപ്പെട്ടിരിക്കണം.
2. മിശ്രവിവാഹ കുടുംബങ്ങള്‍ക്ക് അവരുടെ വിശുദ്ധിയും ഐക്യവും പൊരുത്തവും പരിപോഷിപ്പിക്കുന്നതിന് ആവശ്യമായ അജപാലന സൗകര്യങ്ങള്‍ നല്‍കുവാന്‍ ഇരുസഭകളുടെയും വികാരിമാര്‍ മനഃസ്സാക്ഷിയില്‍ കടപ്പെട്ടിരിക്കുന്നു.
3. ഓരോ പങ്കാളിയും തങ്ങളുടെ സഭയിലെ ആരാധനാക്രമങ്ങളില്‍ പങ്കെടുക്കേണ്ടതാണ്. എന്നാല്‍, പ്രത്യേക സാഹചര്യങ്ങളില്‍ വി. കുര്‍ബാനയില്‍ ഒന്നിച്ച് പങ്കെടുക്കേണ്ടത് സാമൂഹ്യ ആവശ്യമായി വരുന്ന സന്ദര്‍ഭത്തില്‍ അപ്രകാരം ചെയ്യാവുന്നതാണ്.
4. വിവാഹത്തിന്‍റെ സാധുതയെപ്പറ്റിയുള്ള കേസുകളില്‍ രണ്ടു സഭകളിലെയും മെത്രാന്മാരുടെ അനുവാദത്തോടെ മാത്രമേ തീരുമാനങ്ങള്‍ എടുക്കാവൂ.

മതാന്തരവിവാഹം (Inter-religious Marriage)

1. കത്തോലിക്കരും മാമ്മോദീസ സ്വീകരിച്ചിട്ടില്ലാത്തവരും തമ്മിലുള്ള വിവാഹത്തിന് മതാന്തരവിവാഹമെന്ന് പറയുന്നു. ഇപ്രകാരമുള്ള വിവാഹത്തിന് വളരെ അത്യാവശ്യമായ സാഹചര്യങ്ങളില്‍ മാത്രമേ രൂപതാദ്ധ്യക്ഷന്‍ അനുവാദം നല്‍കുകയുള്ളൂ. ഇത്തരം വിവാഹങ്ങള്‍ കൗദാശികമല്ല. ഇത്തരം വിവാഹത്തിന് മതാന്തരവിവാഹത്തിനുള്ള നടപടിക്രമങ്ങള്‍ പാലിക്കേണ്ടതാണ്. ഇത്തരം വിവാഹങ്ങള്‍ വി. കുര്‍ബാനയോടുകൂടി നടത്തപ്പെടാന്‍ പാടില്ല.
2. വൈദികന്‍റെ സാന്നിധ്യത്തിലും ആശീര്‍വാദത്തോടുംകൂടി രണ്ടു സാക്ഷികളുടെ മുമ്പാകെ പരസ്പരം വെളിപ്പെടുത്തുന്ന വിവാഹ സമ്മതം ഉള്‍ക്കൊള്ളുന്ന ഏതെങ്കിലുമൊരു കര്‍മ്മക്രമം സ്വീകരിക്കാവുന്നതാണ്.

വിവാഹകേസും സഭാകോടതിയും

1. മാമ്മോദീസ സ്വീകരിച്ചിട്ടുള്ള ഏതൊരു വ്യക്തിയുടെയും വിവാഹ സംബന്ധമായ എല്ലാ കേസുകളും കൈകാര്യം ചെയ്യാന്‍ സഭയ്ക്ക് അധികാരമുണ്ട്. എന്നാല്‍ വിവാഹത്തിന്‍റെ സിവില്‍ ഫലങ്ങളെക്കുറിച്ച് മാത്രമുള്ള കേസാണെങ്കില്‍ അവ സിവില്‍ കോടതിയാണ് കൈകാര്യം ചെയ്യേണ്ടത്.
2. വിവാഹത്തിന്‍റെ പരിശുദ്ധിയും ദമ്പതികളുടെ നന്മയും പരിപാലിക്കുക എന്നതാണ് വിവാഹകോടതിയുടെ ലക്ഷ്യം. വിവാഹക്കേസ്സുകളുമായി ബന്ധപ്പെട്ട് സഭാകോടതികളില്‍ പ്രധാനമായും താഴെപറയുന്ന കാര്യങ്ങളിലുള്ള അന്വേഷണമാണ് നടക്കാറുള്ളത്.
a) അനുരഞ്ജന ശ്രമം
b) ദമ്പതികളുടെ സഹവാസം വേര്‍പെടുത്തല്‍.
c) മരണത്തെക്കുറിച്ചുള്ള അനുമാനം.
d) കാനോനികക്രമത്തിന്‍റെ പോരായ്കയാല്‍ വിവാഹം അസാധുവായി പ്രഖ്യാപിക്കല്‍.
e) വിവാഹതടസ്സമുള്ളതിനാല്‍ വിവാഹം അസാധുവായി പ്രഖ്യാപിക്കല്‍.
f) പൗളിന്‍ ആനുകൂല്യം.
g) വിശ്വാസാനുകൂല്യം.
h) ദാമ്പത്യസംയോഗം നടക്കാത്ത വിവാഹബന്ധം ഒഴിവാക്കല്‍.
i) വിവാഹസമ്മതത്തിന്‍റെ പോരായ്മയുള്ള വിവാഹം അസാധുവായി പ്രഖ്യാപിക്കല്‍.
3. വിവാഹം അസാധുവായി പ്രഖ്യാപിക്കാന്‍ അപേക്ഷിച്ചുകൊണ്ട് പരാതി സമര്‍പ്പിക്കുന്ന ദമ്പതി, പരാതിയുടെ 2 കോപ്പി സഹിതം ബഹു. വികാരിയുടെ സാക്ഷിപത്രത്തോടെ അധികാരമുള്ള രൂപതാ കോടതിയില്‍ അപേക്ഷ സമര്‍പ്പിക്കണം.

✍️– Noble Thomas Parackal