സത്യം പറയാൻ കഴിഞ്ഞില്ലെങ്കിൽ മൗനമാണ് നല്ലത്! സത്യസന്ധതയുടെ മറ്റൊരു ഗാന്ധിപാഠം.

If you can’t speak the truth, silence is better!

വ്യാജവാർത്തകളും ഭയവും വാഴുന്ന ഇന്നത്തെ കാലത്ത്, മാധ്യമ സ്വാതന്ത്ര്യത്തിനു വേണ്ടി ഗാന്ധിജി സ്വന്തം പത്രം പോലും അടച്ചുപൂട്ടിയ കഥ നിങ്ങൾക്കറിയാമോ?ബ്രിട്ടീഷ് സർക്കാരിന്റെ സെൻസർഷിപ്പിന് മുന്നിൽ തലകുനിക്കാതെ, സ്വന്തമായി നടത്തിയിരുന്ന ‘നവജീവൻ’ പത്രം അദ്ദേഹം എന്നെന്നേക്കുമായി ഉപേക്ഷിച്ചത് ഒരു ഒക്ടോബർ 2-നായിരുന്നു!

ഗാന്ധിജിയെക്കുറിച്ച് അധികമാരും സംസാരിച്ചു കേട്ടിട്ടില്ലാത്ത ഒരു വിചിത്ര സംഭവമുണ്ട്. 1932 ഒക്ടോബർ 2-ന് ഗാന്ധിജിക്ക് 63 വയസ്സ് തികയുന്ന ദിവസം അദ്ദേഹം താൻ വർഷങ്ങളായി നടത്തിയിരുന്ന ‘നവജീവൻ’ (Navajivan) എന്ന പ്രശസ്തമായ പത്രം എന്നെന്നേക്കുമായി അച്ചടി നിർത്തിവെച്ചു.

ബ്രിട്ടീഷ് സർക്കാർ പത്രങ്ങൾക്കും അഭിപ്രായ സ്വാതന്ത്ര്യത്തിനും മേൽ കടുത്ത നിയന്ത്രണങ്ങളും സെൻസർഷിപ്പും ഏർപ്പെടുത്തിയ കാലമായിരുന്നു അത്. സർക്കാരിന് വശപ്പെട്ട്, അവർ പറയുന്ന വാർത്തകൾ മാത്രം അച്ചടിച്ച് പത്രം മുന്നോട്ട് കൊണ്ടുപോകാൻ അദ്ദേഹം തയ്യാറല്ലായിരുന്നു. സത്യം പറയാൻ സ്വാതന്ത്ര്യമില്ലെങ്കിൽ, ആ പത്രം അടച്ചുപൂട്ടുന്നതാണ് അതിന്റെ അന്തസ്സ് എന്ന് അദ്ദേഹം വിശ്വസിച്ചു.

തന്റെ ആശയങ്ങൾ ജനങ്ങളിലേക്ക് എത്തിച്ചിരുന്ന ഏറ്റവും വലിയ മാധ്യമം സ്വന്തം ജന്മദിനത്തിൽ തന്നെ അദ്ദേഹം ഉപേക്ഷിച്ചു. “അർദ്ധസത്യങ്ങളും ഭയവും പ്രചരിപ്പിക്കുന്നതിനേക്കാൾ നല്ലത് മൗനമാണ്” എന്നതായിരുന്നു അദ്ദേഹത്തിന്റെ നിലപാട്.

അഭിപ്രായ സ്വാതന്ത്ര്യത്തിന് വേണ്ടിയും, പത്രധർമ്മത്തിന് വേണ്ടിയും സ്വന്തം മാധ്യമത്തെപ്പോലും ഉപേക്ഷിക്കാൻ മടിക്കാത്ത ആ തീരുമാനത്തിന് ഇന്നത്തെ കാലത്ത് പ്രസക്തിയേറെയാണ്.

മാധ്യമങ്ങൾ കോർപ്പറേറ്റ് താല്പര്യങ്ങൾക്കും റേറ്റിംഗിനും പിന്നാലെ പായുന്ന, സത്യത്തേക്കാൾ ഭയവും വിദ്വേഷവും വിൽക്കപ്പെടുന്ന ഇന്നത്തെ കാലത്ത് ഗാന്ധിജിയുടെ ഈ നിലപാടിന് മാറ്റേറുകയാണ്. സ്വന്തം പത്രത്തിൻ്റെ നിലനിൽപ്പിനേക്കാൾ മാധ്യമധർമ്മത്തിനും സത്യത്തിനും വിലകല്പിച്ച ആ ഒക്ടോബർ രണ്ട്, നിഷ്പക്ഷവും ഭയരഹിതവുമായ മാധ്യമപ്രവർത്തനത്തിന്റെ യഥാർത്ഥ ആവശ്യകതയെ മാധ്യമധർമ്മത്തിന്റെ യഥാർത്ഥ വില എന്തെന്ന് നമ്മെ ഓർമ്മിപ്പിക്കുന്നു.

– Sreekala Prasad