ഒരു മരമോ അതോ ഒരു കാടോ? ലോകത്തെ വിസ്മയിപ്പിക്കുന്ന ഇന്ത്യൻ ആൽമരത്തിന്റെ അത്ഭുത കഥ!

‎

‎‎കൊൽക്കത്തയ്ക്ക് സമീപമുള്ള ആചാര്യ ജഗദീഷ് ചന്ദ്ര ബോസ് ഇന്ത്യൻ ബൊട്ടാണിക്കൽ ഗാർഡനിൽ ചെന്നാൽ നിങ്ങളുടെ കണ്ണുകളെ നിങ്ങളേക്കാൾ കൂടുതൽ വിശ്വസിക്കേണ്ടി വരും! ഒറ്റനോട്ടത്തിൽ ഇതൊരു കാടാണെന്നേ തോന്നൂ. എന്നാൽ, ഏക്കറുകളോളം പരന്നുകിടക്കുന്ന ഈ വലിയ ആൽമരം ശാസ്ത്രീയമായി വെറുമൊരു ഒറ്റ മരമാണ്! ഏകദേശം 270 വർഷത്തിലേറെ പഴക്കമുള്ള, 3,700-ലധികം താങ്ങുവേരുകളുള്ള ഈ പ്രകൃതിയുടെ വിസ്മയത്തെക്കുറിച്ച് കൂടുതൽ അറിയാം…

‎

‎കൊൽക്കത്തയ്ക്കടുത്തുള്ള ഹൗറയിലെ ആചാര്യ ജഗദീഷ് ചന്ദ്ര ബോസ് ഇന്ത്യൻ ബൊട്ടാണിക്കൽ ഗാർഡനിൽ സ്ഥിതി ചെയ്യുന്ന ലോകപ്രസിദ്ധമായ വലിയ ആൽമരമാണ് ‘ഗ്രേറ്റ് ബന്യാൻ ട്രീ’ (The Great Banyan Tree). ഇത് ഒരു കാടാണെന്ന് തോന്നിക്കുമെങ്കിലും, ശാസ്ത്രീയമായി ഇതൊരു ഒറ്റ മരമാണ്.

‎

‎

‎ഏകദേശം 270 വർഷത്തിലേറെ പഴക്കമുണ്ട്. 19-ാം നൂറ്റാണ്ടിലെ യാത്രാ വിവരണങ്ങളിൽ പോലും ഈ മരത്തെക്കുറിച്ച് പരാമർശിച്ചിട്ടുണ്ട്. മരത്തിന്റെ ചില്ലകളിൽ നിന്ന് താഴേക്ക് വളർന്ന് ഭൂമിയിൽ ഉറച്ചുപോയ 3,700-ലധികം താങ്ങുവേരുകൾ ഇതിനുണ്ട്. പുറത്തുനിന്ന് നോക്കിയാൽ ഒട്ടനവധി മരങ്ങൾ ചേർന്നൊരു കാടുപോലെയാണ് ഇത് കാണപ്പെടുന്നത്.

‎

‎19-ാം നൂറ്റാണ്ടിലുണ്ടായ രണ്ട് വലിയ ചുഴലിക്കാറ്റുകളിൽ (1864, 1867) മരത്തിന് കേടുപാടുകൾ പറ്റിയിരുന്നു. തുടർന്ന് പ്രധാന തടിക്ക് ഫംഗസ് ബാധ ഉണ്ടായതിനെ തുടർന്ന്, ബാക്കി ഭാഗങ്ങൾ സംരക്ഷിക്കുന്നതിനായി 1925-ൽ ഇതിന്റെ പ്രധാന തടി വെട്ടിമാറ്റേണ്ടി വന്നു. എങ്കിലും, താങ്ങുവേരുകളുടെ സഹായത്തോടെ മരം ഇന്നും പടർന്നു വളരുന്നു

‎ Sreekala Prasad